32 Toloto ikes make neni asilon eyakasi nataker.
Tolimok Yesu ŋikeekasyomak akitaapuun ataker neni keŋ, ikotere nyeridyata ŋituŋa iŋes,
Toesikis ŋikasyomak asepic a nen, tolomasi nataker neni ayai Yesu, yaasi ikes iŋes. Ayakasi ŋatakerin ŋace daŋ ŋuna arukitotor ikes.
Toanyuwasi ŋituŋa ikes elosete, toyena, toŋeda alorerya a daadaŋ, toberaros kiŋaren.
Kedaun ŋun, kitodoka Yesu ŋikeekasyomak nataker, kisiŋaren ikes ekekwaye anam tari Betesaida, kidoŋ iŋes akitolot asepic.
Todoka iŋes nataker neni ayakasi ikes, tojoŋo nai ekuwuam akikut. Toumokis ikes nooi alotai kec.
Kedau ŋun, tolot Yesu tolunyar ekekwaye anam ŋina a Galileya, anam ŋina anyaritae Tiberia.
