Mar. 6:2 - Ebaibul

² Ani edoli akoloŋit ŋina a Sabato, kisyak iŋes akitatam alosinagoga. Toumokis ŋikalalak ŋulu apupete ŋakiro keŋ temasi, “Ai keryamunia ekile lo ŋakiro nu daadaŋ? Aniosou na ŋina einakinitae iŋes? Tari ŋiticisyo ŋulu ka akujuwuanut, itiyae iŋes.

Mar. 6:2 Iomraidhean Croise

Mat. 4:23

Tolot Yesu kirimo Galileya daadaŋ itatami alosinagogae kec ka tolimonokini Ŋakiro ŋuna Ajokak ŋuna ka Apukan ka Akuj, kitaŋaleununuye ŋituŋa alodekesyo a daadaŋ.

Mat. 7:28

Ani edauni Yesu erwor ŋakiro ŋun, toumokis ŋasepico a ŋituŋa aŋuna ka akitatam keŋ,

Mar. 1:39

Tolot nai Yesu lorerya ŋulu a Galileya daadaŋ akitatam alosinagogae, kiritana ŋipyan alotuŋa.

Mar. 10:1

Abu Yesu torotok aina, tolot nakwap ŋina a Yudeya, todoka ekekwaye aŋolol Yorodan, totukokinos ŋasepico neni keŋ. Kitatam iŋes ikes ikwa araakar epite keŋ.

Luk. 2:47

Toumokis ŋituŋa daadaŋ ŋulu apupete iŋes aŋuna ka aosou a ŋina a ŋakiro a daadaŋ a ŋuna aboŋonokini iŋes ikes.

Luk. 4:15

Etatami iŋes alosinagogae kec ka apotu ŋituŋa daadaŋ kituruut iŋes.

Yoa. 6:42

Kirworikinos ikes make temasi, “Meere lo lokoku a Yosepu a? Nyikiyeni mono iwon papa keŋ ka toto keŋ a? Ikokini iŋes elimuni ebe ebunit iŋes anakuj ai?”

Yoa. 7:15

Toumokis ŋikarikok a Ŋiyudayan iŋolikinete iŋes temasi, “Nyo eosyo ekile lo nooi, torae bo nyitatamitae iŋes Ŋikisila?”