Mar. 5:35 - Ebaibul

³⁵ Ani eriŋa Yesu irworo ŋun, potu ŋice alokai a Yairo, tolimokis Yairo temasi, “Atwana nakoku kon. Nyo eriŋa iyoŋ icanitor Eketataman?”

Mar. 5:35 Iomraidhean Croise

Mat. 26:10

Nai aŋuna ayenia Yesu ŋakiro ŋuna erworosi ikes, kiŋit tema, “Nyo icanitotor iyes aberu na? Kire etiya iŋes etic ŋolo ajokan neni kaŋ!

Mat. 26:18

Toboŋok Yesu ikes tema, “Toloto lotaun neni a icetuŋanan, tolimokis iŋes ebe, ‘Ebala Eketataman, adol akaapaki, abuni ayoŋ ka ŋikasyomak kaŋ akinumunum ŋasuban ŋuna a Paska alokai kon.’ ”

Mat. 9:18

Ani eriŋa Yesu irworo neni kec, bu ekapolon ŋolo ke esinagoga epei, toryedik alokiŋaren keŋ tema, “Atwana nakoku kaŋ; bua kare ca kidokok ŋakonikan neni keŋ ikotere toyaru iŋes.”

Mar. 10:17

Ani erotokini Yesu iwace, tomotun epeikile neni keŋ, toryedik alokiŋaren keŋ, kiŋit iŋes tema, “Eketataman ŋolo ajokan, nyo itemokino ayoŋ etiya oryamunia akiyar ŋina nyedaun?”

Mar. 5:22

Bu ekapolon ŋolo ke esinagoga daŋ epei ŋolo anyaritae Yairo. Ani iŋolikini iŋes Yesu, toramakin nakejen keŋ,

Luk. 8:49

Ani eriŋa Yesu irworo ŋun, bu ituŋanan ice alore a Yairo, tolimok Yairo tema, “Eridak nakoku kon, tojoŋo akicanit eketataman.”

Yoa. 11:21

Tolimok Marita Yesu tema, “Ekapolon, kerae toyai iyoŋ nege, pa ketwanit lokaato kaŋ.

Yoa. 11:25

Tolimok Yesu iŋes tema, “Arae Ayoŋ ayarun ka akiyar, ŋinituŋanan akanupi ayoŋ, eyaruni tari ketwana daŋ.

Yoa. 11:28

Ani kedau Marita alimun ŋun, tolot neni a nakaato keŋ Maria, tolimok aneni keŋ bon tema, “Eyai Eketataman nege, ikinyarit iyoŋ.”

Yoa. 11:32

Todol nai Maria neni ayai Yesu, toryedik alokiŋaren keŋ, tolimok iŋes tema, “Okoe Ekapolon, kerae toyai iyoŋ nege, pa ketwanit lokaato kaŋ.”

Yoa. 11:39

Tolimok Yesu ikes tema, “Tolemasi amoru alopuke.” Tolimok Marita, nakaato keŋ ke ekatwan Yesu tema, “Ekapolon, abosu tokona iŋes, anerae adau akiriya analyal ŋirwa ŋiomwon.”

Yoa. 5:25

Akalimokini ayoŋ iyes kire atemar, ebunit apaki ka iŋes napei na, ŋina eponiata ŋikatwak akiirar etoil ŋolo a Lokoku ka Akuj; ikes ŋulu iirarete, eyarete.