Mar. 4:41 - Ebaibul

⁴¹ Tobul ikes nooi, kiŋitanaros make ebasi, “Ŋae mono ekile lo, ŋolo epupete tari ekuwuam ka anam ŋakiro keŋ lo?”

Mar. 4:41 Iomraidhean Croise

Yob 38:11

otema neni keŋ, ‘Iyakaun iyoŋ nege bon nyidoli iwace, nepei ne bon emaikina akimorokok a ŋakipi kon kisalakis.’

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Mal. 2:5

Arae Acamunet kaŋ ka Lepi ŋina ka akiyar ke ekisil. Abu ayoŋ oinak iŋes akiyar ke ekisil, ikotere eketopoloorit ayoŋ, ido abu iŋes eketopoloo ayoŋ tomunik erae ŋolo ekerit ekiro kaŋ.

Mat. 14:32

Ani edokarete ikes nataker, todipakin ekuwuam.

Mat. 8:27

Toumokis ŋituŋa daadaŋ temasi, “Anituŋanan ŋini ikoni ne, ŋini epupete tari ekuwuam ka ŋakipi en?”

Mar. 4:40

Kiŋit nai Yesu ikes tema, “Nyo ikuryakyata iyes? Emam iyes anupit a?”

Mar. 5:1

Ani edolete Yesu ka ŋikeekasyomak ekekwaye anam ŋina a Galileya, nakwap ŋina a Ŋigadara,

Mar. 5:33

Nai ikwaŋina ayenia aberu ŋuna apotu kitiyakin neni keŋ, bu iŋes emarani ka ebulit, toryedik alokiŋaren Yesu, tolimok iŋes ŋuna a kire daadaŋ.

Mar. 7:37

Toumokis ikes nooi temasi, “Etiya iŋes ŋiboro daadaŋ ejok, esiira ŋikiŋimanotin ka esirworik ŋulu sek nyirworosi.”

Luk. 4:36

Toumokis ŋituŋa daadaŋ kirworikinos make temasi, “Anikirot na, ŋina eyakar ekile lo apedor ka apolou ŋina kiŋenyakinet ŋipyan, ido tolomut!”

Luk. 8:25

Kiŋit Yesu ŋikeekasyomak tema, “Ai eyai anupit kus?” Tobul ikes, toumokis kiŋitas make temasi, “Ŋae ekile lo ŋolo elimokini tari ekuwuam ka ŋakipi kiirasi iŋes lo?”

Ŋibur. 12:28

Aŋun, itemokino iwon olakara, anerae Apukan ŋina eryamunio iwon erae ŋina nyepedoryo akitamaranikin. Itemokino iwon olakaros elipa Akuj alopite a ŋolo italakari iŋes, alotooma akitiditeuna ka akerit,

Akis. 15:4

Ekapolon! Ŋae ituŋanan ŋini nyikikeri iyoŋ? Ŋae ewouni alimor apolou kon? Iyoŋ bon irae ŋolo Asegan. Epote ŋakwapin daadaŋ akilip neni kon, anerae aanyut daadaŋ ŋiticisyo kon ŋulu iyookino.”

1 Sam. 12:24

Kitopoloosi kire iyes Ekapolon, kitiyanakisi iŋes anakikinyomit a ŋitai kus a daadaŋ; totamutu ŋakiro ŋuna apolok nooi ŋuna etiya Ekapolon aŋuna kus.