Mar. 4:28 - Ebaibul

²⁸ Erupunete ŋikinyom analup, kisyaut ŋakwii, tosodi ekaku tosurosi, toraa.

Mar. 4:28 Iomraidhean Croise

Akisy. 2:9

Analup a ŋuna a emanikor a ŋol, abu Ekapolon Akuj kiturup ŋikito daadaŋ ŋulu ebusak ka ajokak aŋuna ka akimuj. Ayakasi daŋ kidiŋ emanikor ŋol ŋikito ŋiarei, epei ŋolo ka akiyar ka epei ŋolo ka ayenut ajokis ka aronis.

Ŋikiru. 1:3

Ikote ikes ŋikito ŋulu edupakinitae diyete ŋayona ŋuna eya ŋakipi, ŋikito ŋulu eraete anapaki a ŋina emaikina eraeta, ka nyeiniyanarete ŋakwii kec. Ibore daadaŋ ŋini itiyaete ŋituŋa ŋul, elosi kiŋaren ejok.

Ŋakit. 4:18

Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

Ekal. 3:1

Eyai apaki a ibore a daadaŋ, eyakasi ŋarwa aŋuna a etic a daadaŋ a ŋolo itiyao anakwap a na:

Ekal. 3:11

Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

Isa. 61:11

Eyauni Ekapolon akiyookino ka akipuro toyakaun nakwapin lopite ŋolo erupuniata ŋikito alokwap ka lopite ŋolo iturupunia emanikor ŋikinyom ŋulu eekinitae tooma keŋ.

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Mat. 13:26

Ani erupunete ŋimomwa topolout toraa, kileereu etirwae.

Mar. 4:27

Ejotoe iŋes nakwaare, tokienyu iwalari; ŋirwa daadaŋ ŋulu ikonia iŋes nen, erupete ŋikinyom topoloete pa eyeni iŋes epoloe kec.

Mar. 4:29

Ani ekokete, elemuni elope atipei ekileŋ tolemia; anerae adol ŋirwa ŋulu elemere.”

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.