Mar. 3:27 - Ebaibul

²⁷ “Emam ituŋanan ŋini epedori alomar kai a ituŋanan a ŋini agogoŋon ademar ŋikeeboro, mati mono keen elope a ŋiboro a ŋul; tosodi nai tolema ŋiboro alokai keŋ.

Mar. 3:27 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Isa. 27:1

Akoloŋit ŋin isitiyae Ekapolon ananyunyura ekileŋ keŋ ŋolo apolon ka ŋolo agogoŋon akisicania etyaŋ ŋolo enyaritae Lepiasan, emun ŋolo ekeri edokinit, Lepiasan emun ŋolo ilugulugo, ido eari Ekapolon etyaŋ ŋolo adedeŋan ŋolo iboi ananam.

Isa. 53:12

Aŋun, ainakini ayoŋ iŋes akibois aneni a ŋikapolok, ekorete iŋes ka ŋikagogoŋok ŋiboro ŋulu eŋatunitae, anerae abu iŋes tocamu atwanare ka aponi kimarakinae iŋes neni a ŋulu abilibiliyete ŋikisila, nai abu iŋes tocamu akidaŋ ŋasecisya a ŋikalalak ka abu todyek Akuj aŋuna a ŋulu ebilibiliyete ŋikisila.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Mat. 12:29

“Ikokini mono ai ituŋanan epedori alomar lore ŋolo ke ekile a ŋolo agogoŋon tolema ŋiboro keŋ, erae pa keroc mono ekile ŋol, tosodi nai tolema ŋiboro keŋ?

Yoa. 12:31

Adol tokona apaki ŋina etubere ŋakiro ŋuna ka akwap a na; imasaryo tokona ekepukan ŋolo ka akwap a na.

Ŋirom. 16:20

Ido eapi Akuj ŋina erae alope ekisil, ainakin iyes apedor akipicar Satan a ŋakejen kus. Toyai neni kus ajokis ŋina ke Ekapolon yok Yesu Kristo.

Ŋikol. 2:15

Alomusalaba a ŋol, abu Kristo tolacakin bon aneni ka apedor a ŋina a ŋipyan a ŋulu ipukato ka ŋikapolok daadaŋ; abu kisirum ikes ŋileec alokiŋaren ŋituŋa, kitorotok ikes alokaku keŋ erae ŋirikon etupito iŋes.

Ŋibur. 2:14

Aŋuna eraakatar ŋituŋa ŋulu enyarit iŋes ŋidwe, ŋulu eya ŋawat ka ŋaokot, abu Yesu tomora ka ikes ekuwane ŋol; ikotere alotooma atwanare keŋ inyasuni Satan ŋolo epolokinit atwanare.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

1 Yoa. 4:4

Ŋidwe kaŋ, irae iyes ŋulu ka Akuj ka ilout iyes ŋikadwarak ŋulu alyokonok, anerae Akuj ŋina eyai tooma kus, egogoŋ akilo ekepukan ŋolo ka akwap.