Mar. 16:17 - Ebaibul

¹⁷ Ŋakujuwuanisya ŋuna einakinio ŋikanupak akitiya ikes nu: iritanarete ikes ŋipyan alokiro kaŋ, epedorete erwor ŋaŋajepa ŋuna kitet;

Mar. 16:17 Iomraidhean Croise

Mar. 9:38

Tema Yoana neni a Yesu ebe, “Eketataman, eŋolikinitae isua ekile iritanari ŋipyan alokiro kon, kiretakinae isua iŋes, anerae meere iŋes erukitos yok.”

Luk. 10:17

Toboŋut ŋulu tomonikanikaarei ka ŋiarei elakara nooi temasi, “Ekapolon, aponi isua toreunae tari ŋipyan alokiro kon!”

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Ŋitic. 10:46

Anerae apupete ikes ŋituŋa ŋul irworosi ŋaŋajepa ŋuna agelegelya ka ipurosi Akuj. Tolimu Petero tema,

Ŋitic. 16:18

Kitiya iŋes nu ŋirwa ŋulu alalak, akitodol ŋina aŋoya Paulo, ido toboboŋ tolimok ekipye tema, “Akalimokini ayoŋ iyoŋ alokiro a Yesu Kristo atemar tolomu aneni keŋ!” Tolomu ekipye aneni keŋ esaa ŋolopei ŋol.

Ŋitic. 19:6

Kidokok nai Paulo ŋakan keŋ neni kec, min Etau ŋolo Asegan neni kec; kirworikis ikes ŋaŋajepa ŋuna agelegelya, todwara ŋakiro ŋuna ka Akuj.

Ŋitic. 2:33

Adau Akuj Papa akitopoloor iŋes, ewuak lowae keŋ ŋolo aloteten ka ainakin iŋes Etau ŋolo Asegan ikwaŋina aris kiikinere; ido ŋuna iteete iyes ka topupete tokona, erae ainakinet ŋina ke Etau a ŋolo Asegan a ŋolo ikibukok Yesu isua.

Ŋitic. 5:16

Tosutut ŋituŋa alotaunio a ŋulu edunyasi ka Yerusalem daŋ, yaut ikes ŋikadyakak ka ŋulu ekamunito ŋipyan, kitaŋaleunoe daadaŋ.

Ŋitic. 8:7

Anerae apotu ŋipyan tolomut alotuŋa a ŋulu alalak iworoete nooi a etoil a ŋolo apolon; kitaŋaleunoe ŋulu alalak ŋulu alilim ŋakoyo ka ŋawat ka ŋulu aŋwalito.

1 Ŋikor. 12:10

Neni a ice einakini apedor ŋinakitiyaet ŋakujuwuanisya, neni a ice akidwar; neni a ice apedor ŋinayenunet ŋakiro ŋuna erae ŋuna ke Etau a ŋolo Asegan kori ŋuna nyerae. Einakini neni a ice apedor ŋina kirworet ŋaŋajepa ŋuna egelaaka, neni a ice einakini akisileereun ŋuna irworoe a ŋaŋajepa a ŋuna egelaaka.

1 Ŋikor. 12:28

Anatukot a Ŋikristo, adau Akuj akiwuakin ŋituŋa loticisyo kec: ŋulu esyaunak erae ŋikiyakia, ŋulu a ŋiarei erae ŋikadwarak, ŋulu a ŋiuni erae ŋiketatamak, totupakis ŋulu etiyak ŋakujuwuanisya ka nabo ŋulu einakinitae apedor akitaŋaleunun ŋidekesyo; ŋice akiŋarakin ŋuluce, ŋice apolokinit ŋuluce ka ŋice daŋ akirworo ŋaŋajepa ŋuna egelaaka ŋuna ke Etau.

1 Ŋikor. 12:30

kori ŋina kitaŋaleununuyet ŋidekesyo, kori ŋina kirworet ŋaŋajepa ŋuna egelaaka kori akisileereun ŋuna irworoe a ŋaŋajepa a ŋuna egelaaka.

1 Ŋikor. 13:1

Ani kerwor ayoŋ a ŋaŋajepa a ŋituŋa ka a ŋuna a ŋimalaikan daŋ, nai tomam amina aneni kaŋ, ikoni erwor kaŋ asuwat ŋina arwon kori ekadoŋodoŋot ŋolo ikilya.

1 Ŋikor. 14:2

Anerae ituŋanan ŋini irworo ŋaŋajepa ŋuna egelaaka, nyirworo lotuŋa, nai irworo neni ka Akuj, anerae emam ituŋanan eyeni ŋakiro ŋuna irworo iŋes, nai irworo iŋes ŋakiro ŋuna imunono aŋuna ka apedor a ŋina ke Etau ka Akuj.