37 Kiworou Yesu a etoil a ŋolo apolon, kiridak nai.
Kiworou nabo Yesu ke etoil a ŋolo apolon, kiridak nai.
Tomotun epei alokidiŋ kec, kilumok ibore ŋini yabuk lopiini ŋolo adadaŋan, toenik lobela, inak Yesu tomat. Tema iŋes ebe, “Edareutu mono! Eteutu cenite kebuni Eliya alacun iŋes alomusalaba.”
Kiworou Yesu tema, “Papa! Ewuak ayoŋ ekaatau nakan kon!” Kedau alimun ŋun, kiridak.
Ani kedau Yesu akimat epiini ŋolo adadaŋan ŋol, tolimu tema, “Erikakin.” Kijuuru, kiridak.
Ani eriŋa Yesu eyari anakwap, elipenene, todyekitoi a etoil a ŋolo apolon, kigwori daŋ neni ka Akuj a ŋina eyakar apedor aiun iŋes anatwanare. Ikwapei araakar iŋes ŋolo ainakina neni ka Akuj, abu Akuj kiira ŋakiro keŋ.
