Mar. 15:14 - Ebaibul

¹⁴ Kiŋit Pilato ikes tema, “Nyo esecit iŋes?” Tocelut nabo nooi temasi, “Kibubuk iŋes!”

Mar. 15:14 Iomraidhean Croise

Ŋikiru. 69:4

Elalak nooi ŋituŋa ŋulu akaremokino ayoŋ koŋin edeparit ekimar kec tari ŋitim ŋulu ka akou kaŋ; elalak nooi ŋimoe kaŋ ŋulu ekemanito, ŋulu iwarito alemar akiyar kaŋ koŋin. Akareikinito ayoŋ akitac ibore ŋini pa akokoiyarit.

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Isa. 53:9

Aponi tonukae iŋes neni anukanakinio ŋikaronok, kiwuakinae iŋes nalyal a ŋikabarak, tari ŋina pa etiyator iŋes aronis adio, ka nyelimuno iŋes alyokonu.

Mat. 27:19

Ani eriŋa Pilato iboi alokicoloŋ a ŋolo etubonokinere, kiyaku aberu keŋ ŋakiro nu neni keŋ: “Nyiloma nakiro ŋuna ke ekile a ŋol, a ŋolo iyookino! Anerae ekecanito ayoŋ ŋakiro ŋuna bien nakwaare erujat ayoŋ aŋuna keŋ.”

Mat. 27:4

ebala, “Asec ayoŋ aŋuna apwakakinia ekile ŋolo nyesecit atwanare.” Toboŋokis ikes temasi, “Erae ŋun ŋuna kon. Emam ŋuna ikikamunito isua a nen!”

Mat. 27:54

Ani eanyuni ekapolokiniton a ŋisigarya kaapei ka ŋisigarya keŋ epite ŋolo amaranikinia akwap ka ŋakiro daadaŋ ŋuna etiyasi, tobul ikes nooi temasi, “Kire, kerae iŋes Lokoku ka Akuj!”

Mar. 15:13

Tocelut nabo ikes temasi, “Kibubuk iŋes lomusalaba!”

Mar. 15:15

Aŋuna acamitor Pilato akitalakar aruruma ŋin, abu tolacak Baraba. Kisibuŋa ŋisigarya Yesu, ani irikakinete, yaasi ikes iŋes kibubukis lomusalaba.

Luk. 23:21

Nai tocelut ikes temasi, “Kibubuk! Kibubuk iŋes!”

Luk. 23:4

Tolimok Pilato ŋisacaradotin ŋulu apolok ka asepic ŋina a ŋituŋa tema, “Emam ibore ŋini aronon ŋini itiyat ekile lo, ŋini itemokino isitakinere.”

Luk. 23:41

Nai iwon ikitubokinitae kire aŋuna ikitiyat; nai emam ŋakiro ŋuna aronok ŋuna itiyat ekile lo.”

Luk. 23:47

Ani eanyuwari ekapolon ŋolo a ŋasigarya ŋakiro ŋuna apotu kitiyakin, kipur Akuj tema, “Kire, kemam ekile lo aronis.”

Yoa. 18:38

Kiŋit Pilato Yesu tema, “Nyo erae ŋuna a kire?” Kedau Pilato alimun ŋun, toboŋo kiŋa, tolimok Ŋiyudayan tema, “Nyeryamuna ayoŋ asecit ŋina tubokinet iŋes.

Yoa. 19:6

Ani iŋolikinete ŋisacaradotin ŋulu apolok ka ŋiketeok ŋulu a Ŋiyudayan iŋes, tocelut temasi, “Kibubuk! Kibubuk iŋes lomusalaba!” Tolimok Pilato ikes tema, “Yaasi iyes ŋilopeyek iŋes kibubukis, anerae nyeryamuna ayoŋ adiosecit ŋina tubokinet iŋes.”

Ŋitic. 13:28

Tari ŋina pa aryamuniata ikes ŋakiro ŋuna etemokino totubokinere iŋes atwanare, apotu ikes tolimokis Pilato atemar toarae iŋes.

Ŋitic. 19:34

Nai ani eyenunete ikes atemar arae iŋes Eyudayat, tocela ikes ŋakiro ŋapei, yaasi ŋisaae ŋiarei ebasi, “Epol Artemis ŋina a Epeso!”

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

1 Pet. 1:19

arae ŋaokot a Kristo ŋuna epol egyelit, ŋuna ekwaan ka ŋuna a imesek a ŋini emam nyeŋwalit kori nyitoronitae.