Mar. 14:72 - Ebaibul

⁷² Esaa ŋolopei, toru ekokoroit aruunet ŋina a ŋaarei. Totamu Petero ŋakiro ŋuna alimokinit Yesu iŋes ebe, “Takae nakwaare, eriŋa ekokoroit nyeruuno aruunet ŋina a ŋaarei, ipegi iyoŋ ŋapeget ŋauni atemar ikiyeni ayoŋ.” Ani etamuni Petero ŋun, kisyak akigworo nooi.

Mar. 14:72 Iomraidhean Croise

2 Sam. 24:10

Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 36:31

Itamunete nai iyes aronis ŋina ipotu iyes kitiyata ka ŋiticisyo kus daadaŋ ŋulu pa ajokak, ido iluŋete iyes ŋawat kus aŋuna a ŋasecisya ka asiilyo ŋina ipotu iyes kitiyata.

Esek. 7:16

Ani keyakaun ŋulu ebucarosi tosiwa, eryamunio ikes alokidiama ŋimoru ikwa ŋakuryo ŋuna a ŋakadipaalae, eryamunio ŋinituŋanan igworo aŋuna a ŋasecisya keŋ.

Mat. 26:34

Tolimok Yesu iŋes tema, “Akalimokini ayoŋ iyoŋ kire atemar, lolo nakwaare eriŋa ekokoroit nyeruuno, ipegi iyoŋ ŋapeget ŋauni atemar ikiyeni ayoŋ.”

Mar. 14:30

Toboŋok Yesu Petero tema, “Akalimokini ayoŋ iyoŋ kire atemar, takae nakwaare, eriŋa ekokoroit nyeruuno aruunet ŋina a ŋaarei, ipegi iyoŋ ŋapeget ŋauni atemar ikiyeni ayoŋ.”

Mar. 14:68

Topeg Petero ŋun tema, “Nyayeni ayoŋ iŋes, nabo nyiyeni iyoŋ ŋuna irworo.” Torotok Petero a nen, tolot kiŋa diye epuke. [Apaki ŋinapei ŋin, toruuni ekokoroit.]

Mar. 14:71

Nai togeu Petero akilama ka akikoŋ tema, “Nyayeni ayoŋ ekile ŋolo ilimito iyes.”

Luk. 22:60

Tosodi Petero tema, “Nyayeni ayoŋ ŋakiro ŋuna irworo iyoŋ!” Atipei eriŋa iŋes irworo, toru ekokoroit.

Luk. 22:62

Toloma Petero kiŋa, kigwor nooi.

2 Ŋikor. 7:10

Anerae akiyaloloŋ ŋina erae acamit ŋina ka Akuj, iŋes ikiinakini iwon akibelekin neni ka Akuj, yau nai aiuno. Emam ituŋanan iyaloloŋi a ŋakiro a ŋun! Nai akiyaloloŋ ŋina ka akwap a na, eyauni atwanare.