Mar. 14:61 - Ebaibul

⁶¹ Kililiŋ Yesu cek, nyeboŋok adiokirot. Kiŋit nabo Esacaradoti ŋolo Apolon nooi iŋes tema, “Irae iyoŋ Kristo Lokoku ka Akuj a ŋina ipuroe a?”

Mar. 14:61 Iomraidhean Croise

Ŋikiru. 119:12

Akipuro toyai neni kon, okoe Ekapolon; kitatamae ayoŋ ŋakiro ŋuna itubunit iyoŋ.

Ŋikiru. 2:7

Abu erwosit tolimu atemar iserae iŋes ŋakiro ŋuna elimunit Ekapolon. Abu Ekapolon tema neni kaŋ, “Irae iyoŋ lokoku kaŋ. Adau ayoŋ aruwor papa kon nakoloŋit na.

Ŋikiru. 39:9

Eliliŋi ayoŋ; mam ŋakiro alimuni, anerae iyoŋ idau akiteryamun ayoŋ ŋican ŋul.

Isa. 53:7

Aponi iŋes kitokokiyanae ka kisicanae, nai nyelimuno iŋes akirot adio, ikwa ikale ŋinimesek ŋini erikoryo akiŋol, eliliŋi iŋes lopite ŋolo ililiŋia amesek alokiŋaren ŋulu etubete ŋajul keŋ; ikwaŋinapei abu iŋes nyelimu akirot adio.

Mat. 16:16

Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

Mat. 3:17

Kiirarae etoil anakuj ebala, “Erae lo Lokoku kaŋ ŋolo minat, alelyani ayoŋ nooi aŋuna keŋ.”

Mat. 8:29

Kiworout ŋikilyok ŋul temasi, “Anukiro eya iyoŋ ka isua, Lokoku ka Akuj? Ibunit iyoŋ amunyar isua eriŋa apaki nyedolo a?”

Mar. 14:60

Tonyou Esacaradoti ŋolo Apolon nooi, towo alokiŋaren ŋituŋa, kiŋit Yesu tema, “Emam iyoŋ akirot ŋina iboŋokini a? Anukiro ikisitakinitotor iyoŋ ŋituŋa lu?”

Mar. 15:2

Kiŋit Pilato Yesu tema, “Irae iyoŋ erwosit a Ŋiyudayan a?” Toboŋok Yesu iŋes, “Ilimu iyoŋ.”

Yoa. 1:34

Adau tokona ayoŋ akiŋolikin ka eketeyenik iyes atemar erae iŋes Lokoku ka Akuj.”

Yoa. 10:24

Tocunakinos Ŋiyudayan kirikaut Yesu temasi, “Ikitaŋayaŋayat mono iyoŋ isua tari ori? Ani kirae iyoŋ Kristo, tolimokinae ilereete.”

Yoa. 10:36

Ani nai kikote nen, ikokinete iyes ai ibasi, ‘Iyanyi iyoŋ Akuj!’ anerae abu ayoŋ olimu atemar, ‘Arae Ayoŋ Lokoku ka Akuj,’ ikwapei araakar ayoŋ abu Akuj okotyaku ekeyakuu nakwap.

Yoa. 18:37

Kiŋit Pilato iŋes tema, “Iŋes atemar irae iyoŋ erwosit a?” Toboŋok Yesu iŋes tema, “Iyoŋ ilimu atemar arae ayoŋ erwosit. Aponi ekedoun ayoŋ ka abunit ayoŋ nakwap na aŋuna a ipeibore: akiteyenun ŋuna a kire. Ituŋanan daadaŋ ŋini eyai tooma ŋuna a kire, epupi ŋakiro kaŋ.”

Yoa. 19:7

Toboŋokis Ŋiyudayan temasi, “Eyakare isua Ekisil ŋolo ebala, itemokino iŋes totwan, anerae ebala, arae iŋes Lokoku ka Akuj.”

Yoa. 19:9

Toboŋo nabo kai keŋ ŋina apolon, kiŋit Yesu tema, “Ai ibunitor iyoŋ?” Nai nyeboŋok Yesu.

Ŋitic. 8:32

Ŋakiro ŋuna asyomi ekile ŋol a Nakigireta ikes nu: “Ikwa amesek ŋina erikoryo akiŋol kori ikwa ililiŋia imesek alokiŋaren ekatubon ŋajul keŋ, nyelimuno iŋes adiokirot.

1 Tim. 1:11

Emaasi akitatamet ŋin ka Ŋakiro ŋuna Ajokak ŋuna aponi ekecikakin ayoŋ akisera, Ŋakiro ŋuna Ajokak ŋuna elimorito apolou ŋina ka Akuj a ŋina erereŋ.

1 Tim. 6:15

Eyauni Akuj atakanun ŋina a Yesu Kristo anapaki a ŋina itemokino, Akuj ŋina erereŋ ka ŋina erae iŋes bon erae Ekapolon, Erwosit ŋolo a ŋirwosi ka Ekapolon ŋolo a ŋikapolok.

1 Pet. 2:23

Apaki ŋina eyanyere iŋes, nyemoro iŋes idiotuŋanan, apaki ŋina esicanere iŋes, pa abu kitukuryan idiotuŋanan, nai abu inakin neni ka Akuj a ŋina etubi ŋakiro iyookino.