Mar. 14:44 - Ebaibul

⁴⁴ Aris sek Yuda kelimoki ŋikekamunak a Yesu atemar, “Ŋolo anui ayoŋ, iŋes ŋolo. Kikamutu iŋes torikosi, totiŋito kojokan.”

Mar. 14:44 Iomraidhean Croise

Awos. 12:13

Eruwor ŋaokot emacar ŋolo itoodiunit ŋakais ŋuna iyes. Ani eŋolikini ayoŋ ŋaokot, alunyar ayoŋ aneni kus, ido mam ŋican eyakaun neni kus apaki ŋina ayaunia ayoŋ akisicanet nakwap a Ijipit.

Ŋakit. 27:6

Ani kiryamu iyoŋ arumait aŋuna ikiramia lokone kon, ejok akilo neni ikinuya emoit ikimodiyarit akiar.

Mat. 26:46

Tonyoutu, oloto! Kiŋolikisi, adolu ekalukinon kaŋ!”

Mar. 14:43

Ani eriŋa Yesu irworo, todolu Yuda Isikariot, ŋolo sek arae epei a ŋikasyomak a ŋulutomon ka ŋiarei, erukito ka ŋituŋa ŋulu alalak, ŋulu atiŋito ŋatumio ka ŋabiroi. Kiyakuunito ikes ŋisacaradotin ŋulu apolok ka ŋiketatamak a Ŋikisila ta ŋikatukok.

Mar. 14:45

Ŋinapei adolunio Yuda, tolot neni a Yesu tema, “Eketataman!” Tosodi tonu iŋes.

Ŋitic. 16:23

Ani kibuŋae ikes nooi, kiwuakinae mabus, kicikakinae ekapolokiniton mabus akiyok ikes ejok.

Ŋipil. 1:28

Nyikera ŋiketepegak kus! Toyakatar jik atitinyu, ido itoodiunete ŋun neni kec atemar inyasuni Akuj ikes, nai iiunosi iyes.

2 Ŋites. 3:17

Ayoŋ Paulo egirit ŋimalasyo lu ka akan kaŋ ke elope. Epite lo iŋes egiria ayoŋ ekiro kaŋ aŋetakini akigir ŋinabaruwa kaŋ daadaŋ.

Yos. 2:12

Aŋuna nai tokona etiyaa ayoŋ arimao neni kus, kikoŋo alokiro a Ekapolon atemar irimaakyata iyes neni a ŋiyeneta kaŋ. Nabo kitoodikinae ibore ŋini eketunupi ayoŋ ŋakiro kus.