Mar. 14:12 - Ebaibul

¹² Akoloŋit ŋina eŋarenikini ŋina a Paska, ŋina a ŋasuban a ŋamugati a ŋuna emam ŋakinyalet ka ŋina eareneere ŋimeesekin, kiŋita ŋikasyomak Yesu temasi, “Ai icamit iyoŋ isua oloto etemokinioto neni imuja iyoŋ Paska?”

Mar. 14:12 Iomraidhean Croise

Awos. 12:18

Alotooma elap ŋolo ke epei, itemokino iyes kimuja ŋamugati ŋuna emam ŋakinyalet akisyakin ŋirwa ke elap ŋitomon ka ŋiomwon eboŋ tari ŋirwa ke elap ŋatomoniarei ka epei eboŋ.

Awos. 12:6

Kiyoko ŋibaren ŋul akitodol ŋirwa ke elap a lo ŋitomon ka ŋiomwon akoloŋit ŋina emaikina Ŋisirael daadaŋ toareta ŋibaren ŋul eikuuni akoloŋ eapuuni adoiyor.

Awos. 12:8

Emaikina ikes tonyama akiriŋ ŋin epeitoe, tonyama imoriyarito ka ŋidyas ŋulu adwarak ta ŋamugati ŋuna emam ŋakinyalet.

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Mat. 3:15

Nai toboŋok Yesu iŋes tema, “Kimyek kitiyakin ikona tokona. Anerae erae epite lo iŋes ikisiyookinio iwon ŋuna ecamit Akuj daadaŋ.” Kimyek nai iŋes kitiyakin.

Mar. 14:1

Ani idoŋit ŋirwa ŋiarei todol akoloŋit ŋina a Paska, ŋina a ŋasuban a ŋamugati a ŋuna emam ŋakinyalet; kiwara ŋisacaradotin ŋulu apolok ka ŋiketatamak a Ŋikisila epite ŋolo kikamunet Yesu pa eyenio, toaryata iŋes.

Mar. 14:11

Tolakaros ikes nooi iirarete ŋakiro keŋ temasi, “Ikiinakinio iyoŋ ŋisiliŋa”. Kiwar nai Yuda apaki ŋina etemokino torikorere ŋisacaradotin neni a Yesu.

Mar. 14:13

Kiyakiya nai Yesu ikes ŋiarei tema, “Toloto lotaun, iryamasi iyes ka ekile iwuokit amot a ŋakipi; kiwuapakisi iŋes

Ŋigal. 4:4

Nai, ani edoli apaki ŋina etemokino, abu Akuj kiyaku Lokoku keŋ ka alope. Abu iŋes bu erae lokoku ka aberu ikwa ŋulucetuŋa ka abu topolou ipukato Ŋikisila a Ŋiyudayan,

Ŋikis. 16:5

Nyikicamakinitae iyes ainakin amuronot ŋina a Paska alotaun kus a edio a ŋolo ikiinakini Ekapolon Akuj kus iyes.