Mar. 13:9 - Ebaibul

⁹ “Tocoito iyes, anerae epote ikes arikor iyes loikiikoe ka ikibuŋaete alosinagogae. Ikitowuoyo iyes alokiŋaren ŋikepukak ka ŋikapolok ŋice daŋ aŋuna kaŋ. Apaki ŋin, iŋes iruworotor iyes ŋisuudae kaŋ.

Mar. 13:9 Iomraidhean Croise

Mat. 5:22

Nai tokona akalimokini ayoŋ iyes atemar, ituŋanan ŋini eŋoikini lokaato keŋ, itemokino isitakinio anatukot. Nai ŋini iyanyi lokaato keŋ, itemokino yaunae loikiiko ka ŋini etemari ŋinice, ‘Ibaŋaana iyoŋ,’ itemokino tocakakinae tooma nakim ŋina nyeduŋe.

Mar. 1:44

“Nyilimok idiotuŋanan, nai tolot kitoodiyar neni ke esacaradoti, ikisyem iŋes iyoŋ; ido tolemu ainakinet aŋuna ka ajokun kon, ikwaŋina icikakinitor Moses, ikotere toanyunia ŋinituŋanan atemar ijoku iyoŋ.”

Mar. 13:5

Tolimok Yesu ikes tema, “Tocoikinito nyikimodik idiotuŋanan iyes.

Mar. 13:8

Ejikinosi ŋituŋa ŋulu ka akwap kaapei ka ŋulu ka akwap a ŋinace, ejikin apukan ka apukan, emaranikini akwap anakiboisyo a ŋuna egelegelya ka eyakaun ŋironia. Erae ŋin akisyakinet a ŋican, ikwaŋina egeunia aberu aryeba edoli akidoun.

Mar. 6:11

Akibois daadaŋ ŋina nyikijauniata iyes ŋituŋa, kori ewouniata akiirar iyes, totwakisi apuwa ŋina a ŋakejen kus nen, kitoodiu nen atemar esecito ikes.”

Luk. 9:5

Ani ca neni nyikijauniata ŋituŋa iyes, torotokis a nen, totwakis apuwa ŋina a ŋakejen kus nen, kitoodiu neni atemar esecito ikes.”

Yoa. 15:20

Totamunito ŋuna adau ayoŋ alimokin iyes atemar, ‘Emam eketiyan ŋolo epol akilo ekeekapolon.’ Ani kekesicanito ikes ayoŋ, epote ikes akisican iyes daŋ; ani kiricakinito ikes ŋakiro kaŋ, iricakinete ŋuna kus daŋ.

Yoa. 16:2

Ikiritarete ikes iyes alosinagogae; kire ebuni apaki ŋina ikiaryata ŋituŋa iyes ebasi kori ikitiyae ŋuna ecamit Akuj.

Ŋitic. 21:11

Bu iŋes neni kosi, tolema arokoba ŋina a Paulo, toenia ŋakejen keŋ pei ka ŋakan tema, “Ŋuna ebala Etau ŋolo Asegan ikes nu: eenete Ŋiyudayan elope ŋolo ka arokoba a na alo Yerusalem ka ipotokinete ikes iŋes lotuŋa ŋulu nyerae Ŋiyudayan.”

Ŋitic. 7:54

Ani iirarete ŋituŋa ŋulu ka Atukot ŋakiro a Stepano, toŋoa ikes nooi, tonyoridido ŋireetin kec aŋuna keŋ.

Ŋitic. 9:16

Etoodikini ayoŋ elope iŋes etyae ŋolo a ŋican a daadaŋ a ŋulu itemokino iŋes toryamu aŋuna ke ekiro kaŋ.”

Ŋipil. 1:29

Anerae nyeinakina Akuj iyes apaki ŋina nupet Kristo bon, nai ikiinak tari apaki ŋina ka akisicanio aŋuna keŋ.

2 Ŋites. 1:5

Itoodiunito ŋakiro ŋun daadaŋ atemar iyookino epite ŋolo etubokinia Akuj; aŋun, iruworosi iyes ŋulu emaikina alomar Napukan ka Akuj, Apukan ŋina tokona iryamunitotor iyes ŋican aŋuna keŋ.

2 Yoa. 1:8

Tocoikinito nyitwakiasi eropit ŋolo idaut iyes akitiyaun, ikotere iryamunete eropit kus daadaŋ.

Akis. 1:9

Ayoŋ Yoana lokaato kus ikimori kaapei ka iyes atitinyikinit ŋican ŋulu eryamunito ŋituŋa ŋulu erae ŋulu ka Apukan a Yesu. Abu oyakaun loculat ŋolo ka anam ŋolo enyaritae Patimos aŋuna a ŋakiro a ŋuna ka Akuj ka aŋuna ka akiteyenunet a ŋina a Yesu.

Akis. 2:10

Nyikuryaniar aŋuna a ŋican a ŋulu eapi iyoŋ aryamun. Topupok! Eapi Satan acunakin ŋice alokidiŋ kus mabus, ikikatak iyes, ido toryamut akisicanio ŋirwa ŋitomon. Torubak ananupit, erae kedolu atwanare daŋ, ido akainakini ayoŋ iyoŋ akiyar, toruwor eropit.

Akis. 2:13

Ayeni ayoŋ neni iboiyo iyoŋ; erae neni ipukat Satan. Nai irubakinit iyoŋ ikinupit ayoŋ, ibu iyoŋ nyiŋer anupit ayoŋ tari alorwa a ŋulu aarere Antipa, esuuda kaŋ ŋolo anupit nooi aina, anakwap a ŋina iboiyo Satan.