Mar. 13:26 - Ebaibul

²⁶ Apaki ŋin, iŋolikinete ŋituŋa Lokoku a Ituŋanan ebunit alodowuon ka apedor a ŋina apolon ka akica keŋ.

Mar. 13:26 Iomraidhean Croise

Mat. 16:17

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Mat. 16:28

Akalimokini ayoŋ iyes kire atemar, eya nege ŋice ŋulu nyetwakete nyeanyuwara Lokoku a Ituŋanan ebuni anapolou keŋ.”

Mat. 24:30

Totakanu nai akitoodikinet a Lokoku a Ituŋanan anakuj. Ikalounete ŋibukui daadaŋ anakwap iŋolikinete Lokoku a Ituŋanan ebuni alodowuon eyakar apedor ka akica ŋina apolon nooi.

Mat. 25:31

“Ŋina ebunio Lokoku a Ituŋanan erae Erwosit erukito ka ŋimalaikan, iboikin lokicoloŋ keŋ ŋolo ka apedor.

Mar. 14:62

Toboŋok Yesu tema, “Arae; nabo iŋolikinete iyes Lokoku a Ituŋanan iboi aloteten Akuj ŋina alokidiama nooi ka ebuni alodowuon a ŋulu anakuj!”

Mar. 8:38

Anerae ŋinituŋanan irumete ŋileec aŋuna kaŋ ka aŋuna a ŋakaakiro ananyamet a na a ŋina aloman ka a ŋina asecesecan; Lokoku a Ituŋanan daŋ irumete ŋileec aŋuna keŋ apaki ŋina eboŋunio iŋes ka apedor a Papa keŋ kaapei ka ŋimalaikan ŋulu ka Akuj.”

Mar. 9:1

Torubak Yesu irworo ebala, “Akalimokini ayoŋ iyes kire atemar, eyakasi ne ŋulu nyiirete atwanare, eriŋa nyeanyuwara Apukan ka Akuj ebuni ka apedor.”

Luk. 21:27

Tosodi etakanuni Lokoku a Ituŋanan, iŋolikinio ebunit alodowuon ka apedor ka akica ŋina apolon.

Ŋitic. 1:11

temasi, “Ŋikilyok ŋulu alo Galileya, nyo iwuatar iyes kireorito kidiama? Yesu lo ŋolo ayaar nakuj aneni kus, eboŋuni alopite a ŋolopei iŋolikiniata iyes iŋes elosi nakuj.”

1 Ŋites. 4:16

Anerae, apaki ŋina elimunio Akuj atemar adol apaki, iirarete ŋituŋa etoil ŋolo ke emalaika a ŋolo apolon ka eruye ŋolo ka arupepe a ŋina ka Akuj. Apaki ŋin nai ebunio Ekapolon elope anakuj. Isyaunete mono ŋikatwak ŋulu sek anupito Kristo ayarun;

2 Pet. 1:16

Ŋina ikiteyenunere isua iyes ŋuna ka apedor ka abunore ŋina ke Ekapolon yok Yesu Kristo, pa ikilimonokinio isua iyes ŋiemuto ŋulu tamuna ŋulu nyiyookino. Ikianyuwarit isua apolou keŋ a ŋakonyen kosi a ŋilopeyek.

Akis. 1:7

Kiirasi, ebunit iŋes alodowuon! Eanyuwarete ŋituŋa daadaŋ tari ŋulu ecumete iŋes. Ikalounete ŋituŋa daadaŋ ŋulu ka akwap aŋuna keŋ. Kire ikokinete neni! Amen!