Mar. 13:19 - Ebaibul

¹⁹ Anerae alorwa a ŋul, eyakaunosi ŋakisicaneta ŋuna nyetakanuna ŋinapei koloŋ kesubia Akuj ŋiboro daadaŋ anakwap tari tokona; kori nyepote nabo jik ŋican ŋulu ikote ŋul.

Mar. 13:19 Iomraidhean Croise

Aum. 1:12

Ebasi ŋituŋa a Yerusalem, “Erae mono ŋican lu ŋikoŋinae aneni kus iyes ŋituŋa daadaŋ ŋulu itoreneneete Yerusalem a? Kiŋolikisi mono iyes ŋakwapin ŋunace, eyakasi ŋican ŋulu eryamunito ikes ŋulu ikote ŋulu eryamunitae isua a? Eyakasi mono nakwapin ŋican ŋulu ikote ŋulu eyaunit Ekapolon neni kosi anapaki a ŋina ka aŋoit keŋ nooi a?

Aum. 2:13

Okoe ŋituŋa a Yerusalem, anukiro tokona alimuni ayoŋ aŋuna kus? Nyo ekesikwaanikinia ayoŋ iyes? Ŋae tokona ekesikwaanikinia ayoŋ iyes ikotere ayoŋ ekesirworiuni iyes? Mam ekisal a ŋican kus, ikwaan ka neni emamukar esal ŋolo ka anam; mam ituŋanan epedori akiteyar iyes nabo.

Aum. 4:6

Esicani ŋituŋa kaŋ nooi, elo akisicanio kec tari ŋina a ŋituŋa a Sodoma; a etaun a ŋolo abu Akuj tomunya ŋituŋa keŋ atipei todaun ikaiunan.

Dan. 12:1

“Apaki ŋin, ebuni Mikael, ekarikon ŋolo apolon ŋolo erae ekedaran a ŋituŋa kon. Eyakaun apaki ŋina ka aryeba apaki ŋina nyeyakauna ŋinapei koloŋ kisyakiniata ŋapukasinei. Nai apaki ŋin, elakunio ŋituŋa kon, elakunio ŋituŋa daadaŋ ŋulu igiritae ŋirorwa kec lokitaabo.

Dan. 9:12

Esiyook Ekapolon ŋakiro keŋ, ŋakiro ŋuna abu iŋes kirwor ikitoroniyarit isua ka ŋikapolok kosi, etiya Ekapolon ŋun anainakin isua ŋican ŋulu apolok nooi. Ŋuna etiyakin Yerusalem, mam akwap anakwap a daadaŋ ŋina etiyakin ŋun.

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Yoel 2:2

akoloŋit ŋina ka akiryonut ka akilurur, akoloŋit ŋina elalaata ŋidouwon ka ŋina elalaa akiryonut cuc. Ikiburusiyari asuisui a emaase ŋin ŋina alalan ka adedeŋan ŋina ebunio; lopite ŋolo eburusiyarya akiryonut ŋimoru; Nyetakanuna sek ekiŋaren emaase ŋolo etya ŋol nakwap ŋin; mam daŋ nyetakanuni nabo jik nanyameta ŋuna eponito.

Mat. 24:21

Anerae alorwa a ŋul, eyakaunosi ŋakisicaneta ŋuna nyetakanuna ŋinapei kesubia Akuj akwap tari tokona, kori nyepote nabo jik ŋican ŋul.

Mar. 10:6

Nai anakisyakinet akisub akwap, abu Akuj tosub ikes, ekile ka aberu.

Mar. 13:18

Kilipa nyetakanut ŋun ŋirwa ŋulu ka alilimu.

Mar. 13:20

Kerae nyituuruwuanit Akuj ŋirwa ŋul, kemam ituŋanan epuun. Nai aŋuna aminar Akuj ŋulu aseunit iŋes, abu kituuruwuan ŋirwa ŋul.

Ŋikis. 28:59

Ikisicani Ekapolon iyes ka ŋidwe kus a ŋican a ŋulu apipilak a ŋulu nyedaunosi aneni kus ka a ŋidekesyo a ŋulu nyiŋaleunioto iyes.

Ŋikis. 4:32

Kiŋitanaros tokona ŋakiro ŋuna a akanuwan eriŋa iyes nyidouno, kiŋitanaros ŋuna akoloŋ sek ŋinapei anakoloŋit a ŋina asubunia Akuj ituŋanan anakwap, kiŋitanaros ameun alokisal a epei a akwap tari ŋoloce, eya mono ŋakiro ŋuna apolok nooi ŋuna ikote nu ŋuna atakanut, kori eya mono ŋakiro ŋuna ikwaan ka nu ŋuna eiraritae a?

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.