Mar. 13:14 - Ebaibul

¹⁴ “Iŋolikinete iyes asiilyo etakanuni neni nyitemokino etakanunia. (Itemokino ŋini esyomi toyenu apolou a ŋakiro a ŋun!) Apaki ŋin, itemokino ŋulu eyakasi Yudeya, toema lomoru.

Mar. 13:14 Iomraidhean Croise

Aum. 1:10

Aŋatasi ŋimoe ebari daadaŋ alo Yerusalem. Apotu ŋituŋa a Yerusalem kiŋolikis ŋituŋa a ŋakwapin elomarete tari nakibois ŋina asegan, arae ŋituŋa ŋul ŋulu sek etaleorit Ekapolon alomar natukot a ŋituŋa a Yerusalem.

Esek. 44:9

“‘Alimu ayoŋ Ekapolon Akuj atemar mam ituŋanan ŋinigelaanot ŋini nyileŋeritae, ŋini emaikina toloma nakibois kaŋ ŋina asegan, tari ituŋanan daadaŋ ŋinigelaanot ŋini iboiyete ka Ŋisirael, nyecamakinitae elomari nakibois kaŋ ŋina asegan.

Dan. 11:31

Epote ŋasigarya ŋuna iyakuunit iŋes, ido toloma nen, tomunaasi ŋaduketa ŋunajiet, itojoŋoete ikes ŋituŋa ayaunun ŋamuronisya ŋuna a ŋinakoloŋit ka eyaunete ikes nen asiilyo ŋina eyauni ekasile.

Dan. 12:11

Ameun anakoloŋit a ŋina ajoŋoere ayaunun ŋainakineta ŋuna epeyo, akoloŋit ŋina etiyaere asiilyo ŋina abu yau ekasile, eyakaun ŋirwa aliput ka ŋamiae ŋaarei ka ŋatomoniomwon.

Dan. 8:13

Abu nai ayoŋ eira emalaika irworo, tema emalaika ece neni a emalaika a ŋolo erworo, “Apaki ŋina etya ai eayete ŋakiro ŋuna eŋolikin anakisileerekinet, ido kisiyookinoe? Ŋakiro ŋuna ka akisileerekinet a ŋainakineta a ŋuna epeyo a ŋinakoloŋit, ŋuna ayaut ekasile aŋuna ka aŋerit Akuj ka ŋuna epotorere akibois ŋina ka Akai ka Akuj ta ŋuna epudaere ŋimalaikan.”

Dan. 9:27

Iwuakini nai ekarikon ŋol acamunet ŋina agogoŋon ka ŋituŋa ŋulu alalak, acamunet ŋina iboi ŋikaru ŋikanikaarei, ani elunyar atutubet apei ŋina a ŋikaru a ŋul, elemari iŋes ŋamuronisya ka ŋainakineta. Iwuakinio neni sek eayeneneo ikes etorube ŋolo aronon ŋolo asiilyanan ŋolo eyauni ekasile. Erubakini iŋes eyai nen akitodol ŋina emunaarya Akuj ŋini abu kiwuak etorube ŋolo nen, itiyakin ŋun lopite ŋolo etubunitor Akuj.”

Mat. 13:51

Kiŋit Yesu ikes tema, “Iyenut apolou ŋina a ŋakiro a ŋun daadaŋ a?” Toboŋokis ikes temasi, “Ee, ikiyenu.”

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.

Akis. 1:3

Erereŋ ituŋanan ŋini esyomi ŋakiro ŋuna edwaritae ka erereŋ ŋulu epupete nu kiricakis ŋakiro ŋuna igiritae lokitaabo lo! Anerae eapi apaki ŋina etakanuniata ŋakiro nu.

Akis. 13:18

Itemokino toyakatar aosou. Ituŋanan ŋini eos, epedori aripun enamba ŋolo ke etyaŋ, anerae erae enamba ŋol ŋolo ke ekiro a ituŋanan. Enamba keŋ erae ŋamiae ŋakanikapei ka ŋatomonikanikapei ka ŋikanikapei (666).