Mar. 13:11 - Ebaibul

¹¹ Ani ikirikorete ikes iyes loikiiko, nyiberakinosi akiyaloloŋ ikotere ŋuna ilosete iyes alimokin ikes. Nai kirworo ŋuna ikiinakinio iyes akirwor apaki ŋina ikiinere iyes akirworikin, anerae meere iyes irworosi, nai Etau ŋolo Asegan.

Mar. 13:11 Iomraidhean Croise

2 Sam. 23:2

“Irworo etau a Ekapolon aneni kaŋ, eyai akirot keŋ naŋajep kaŋ.

Isa. 50:4

Akainaki Ekapolon Akuj ayoŋ apedor ŋinakitatamet ikwapei eketataman, ikotere apedorya akisirworiunia ŋulu apapanut anakiyar kec. Aŋinataparacu eketonyoununui iŋes ayoŋ, akainanakini iŋes ayoŋ akitemokin akiirar ŋakiro ikwa ŋulu itatamyo.

Mat. 10:17

Tocoikinito ŋituŋa, anerae eya ŋulu ikikamunete iyes itorikosi loikiikoe ka ikibuŋata alosinagogae kec.

Mar. 13:12

Ebuni lokaato akipotor lokaato keŋ toarae, papa daŋ ipotori ikeekoku; isyakinete ŋidwe akisubura ŋikecekauruunak ka ipotorete ikes toarae.

Mar. 13:9

“Tocoito iyes, anerae epote ikes arikor iyes loikiikoe ka ikibuŋaete alosinagogae. Ikitowuoyo iyes alokiŋaren ŋikepukak ka ŋikapolok ŋice daŋ aŋuna kaŋ. Apaki ŋin, iŋes iruworotor iyes ŋisuudae kaŋ.

Luk. 21:12

Nai eriŋa ŋun daadaŋ nyitiyakina, ikikamunio iyes ikisicani nooi, ikiyaaryo iyes losinagogae ka mabus, ido itorikor akitowuo alokiŋaren ŋikarikok ka ŋikapolok aŋuna kaŋ.

Yoa. 3:27

Toboŋok Yoana tema, “Nyepedori idiotuŋanan aryamun idiobore, mati einakinitae anakuj.

Ŋitic. 2:4

Kilelebikin Etau ŋolo Asegan neni kec daadaŋ, togeut akirwor ŋaŋajepa ŋuna agelegelya, ikwaŋina ainakinitor Etau ŋolo Asegan ikes akirwor.

Ŋitic. 3:13

Akuj ŋina atapapaa yok ŋina ka Aburaam, Isaka ka Yakobo, iŋes ainaki eketiyan keŋ Yesu apolou ŋina ka Akuj. Ipotu iyes kipotokis Yesu ŋolopei ŋol neni a ŋikepukak ka toŋero iŋes alokiŋaren Pilato, tari daŋ ketubu Pilato atemar itemokino iŋes tolacakinae.

Ŋitic. 4:31

Ani irikakinete ikes akilip, tomaranik akibois ŋina elipyata ikes, kilelebikin ikes daadaŋ Etau ŋolo Asegan, kiserata ŋakiro ŋuna ka Akuj ka atitinyu.

Ŋitic. 6:10

Nai inak Etau ŋolo Asegan Stepano aosou ŋina pa apedoryata ikes akitepeg, kilouniata iŋes.

Ŋitic. 6:15

Kitekis ŋituŋa daadaŋ ŋulu ka Atukot Stepano, kiŋolikis ereet keŋ ecai ikwa ŋolo ke emalaika.

Ŋitic. 7:55

Nai abu Stepano ŋolo eleleba Etau ŋolo Asegan kireo nakuj, toanyuwa akica ŋina ka apolou a ŋina ka Akuj ka Yesu ewuoi alowae a ŋolo aloteten Akuj.

1 Ŋikor. 2:13

Aŋun nai, ikilimonokini isua ŋakiro ŋun alopite a ŋolo itatamya Etau ŋolo ka Akuj, meere alopite a ŋolo itatamyata ŋituŋa anaosou kec, nai lopite ŋolopei ikilimonokinia isua ŋakiro ŋuna ka Akuj ikwa ecamitor Etau keŋ.

Ŋiep. 3:5

Koloŋ sek, pa alimokinitae ŋituŋa ŋakiro ŋuna imunono ŋun, nai tokona adau Akuj akitoodiun ikes alotooma Etau keŋ neni a ŋikiyakia keŋ a ŋulu ka Akuj ka neni a ŋikadwarak.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.

1 Pet. 1:12

Abu Akuj kitoodik ŋikadwarak atemar, pa arae aŋuna kec a ŋilopeyek erworotor ikes ŋakiro ŋun, nai arae aŋuna kus. Ŋakiro ŋuna Ajokak ŋunapei ŋun elimonokinete tokona Ŋikiyakia neni kus anapedor a ŋina ke Etau a ŋolo Asegan a ŋolo eyakuunio anakuj. Tari ŋimalaikan daŋ iitanito ayenun ŋakiro ŋunapei.