Mar. 12:11 - Ebaibul

¹¹ Ekapolon elope etiyae nu, erae ŋakiro nu ŋuna etalakarak ŋuna ikite iwon!’ ”

Mar. 12:11 Iomraidhean Croise

Akisy. 24:50

Toboŋokis Laban ka Besuel temasi, “Erae neni ke Ekapolon eponitotor ŋakiro nu, emam ŋuna aronok, kori ŋuna ajokak ŋuna ikilimokinio isua iyoŋ.

Ŋikiru. 118:22

Amoru ŋina aŋeretoe ŋikadukok, iŋes tokona itogogoŋit akai alokoona.

Ŋikiru. 118:23

Ekapolon elope etiya nu; erae ŋakiro nu ŋuna ikite iwon ŋuna etalakarak.

Abak. 1:5

Abu nai Ekapolon toboŋok ŋituŋa keŋ tema, “Torubakisi iteete ŋituŋa a ŋakwapin a ŋuna eya nawaetin kus, ido iumokinete iyes a ŋakiro a ŋuna iŋolikinete. Alosi ayoŋ akitiyakin ibore idio ŋini nyinupete iyes tari kikilimokin daŋ.

Ekim. 23:23

Kire, mam ŋakikukujaeta ŋuna itoroniayarito ŋuna Yakob, mam ŋadwareta ŋuna aronok ŋuna itoroniarito Isirael. Tokona elimunio aŋuna a Yakob ka Isirael ebe, ‘Kiŋolikisi ŋuna etiya Akuj!’

Mat. 21:42

Tolimok Yesu ikes tema, “Nyesyoma iyes ŋuna igiritae Nakigireta atemar, ‘Amoru ŋina koloŋ aŋerete ŋikadukok, iŋes tokona itogogoŋit akai alokoona a? Ekapolon elope etiyae nu, erae ŋakiro nu ŋuna etalakarak ŋuna ikite iwon!’

Ŋitic. 2:12

Aŋuna ka aumokinit ka ataaŋaŋ kec, kisyakis akiŋitanar make ebasi, “Anukiro nu?”

Ŋikol. 1:27

Abu Akuj tocamu akisileerekin ikes alalau ka apolou ŋina a ŋakiro a ŋuna imunono a ŋun, ŋuna erae aŋuna a ŋituŋa a daadaŋ. Ŋakiro ŋuna imunono ikes Kristo alotooma kus, ŋolo erae akigeno ŋina ikiponia iwon akimor apolou ŋina ka Akuj.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”