Mar. 11:32 - Ebaibul

³² Ikitemari mono abunit alotuŋa a?” (Akerito ikes ŋituŋa, anerae anupito ŋulu alalak atemar arae Yoana ekadwaran ŋolo a kire.)

Mar. 11:32 Iomraidhean Croise

Mat. 11:9

Nyo nai kire ilosito iyes akiŋolikin? Ekadwaran a? Ee robo; akalimokini ayoŋ iyes atemar, iŋolikis iyes ituŋanan ŋini iloit nooi tari ekadwaran.

Mat. 14:5

Acamit Erode akiar Yoana, nai tokuryanar aŋuna a ŋituŋa a ŋulu anupito atemar erae Yoana ekadwaran.

Mat. 21:46

Nai ani ikatakinete ikes akikamun Yesu, tokuryaketa aŋuna a ŋasepico a ŋituŋa a ŋuna atamete atemar erae Yesu ekadwaran.

Mar. 11:31

Kiŋitanaros ikes make ebasi, “Ani kikitema abunit anakuj, etemari iŋes, ‘Nyo bo pa inupitotor iyes iŋes?’

Mar. 11:33

Aŋakiro a ŋun, toboŋokis ikes Yesu temasi, “Nyikiyeni isua.” Tolimok Yesu ikes tema, “Ayoŋ daŋ nyakalimokini iyes neni ebunitor apedor ŋina etiyaa ayoŋ ŋakiro nu.”

Mar. 12:12

Kiwara ŋikapolok a Ŋiyudayan akikamun Yesu, anerae apotu ikes toyenut atemar arae ikes erworor Yesu anakitadapet keŋ, nai tokera ŋikapolok a Ŋiyudayan asepic, kimyekis Yesu tolot.

Mar. 6:20

Anerae akerit Erode Yoana, ayeni atemar arae ŋuna a kire ŋakiro ŋuna erworo Yoana ka arae iŋes ituŋanan ŋini eyookino ka ŋini ka Akuj; aŋun, emyekinit iŋes Yoana. Amina Erode akipup Yoana, erae daŋ kisiyaloloŋeneete ŋakitatameta a Yoana iŋes.

Luk. 20:19

Acamito ŋiketatamak a Ŋikisila ka ŋisacaradotin ŋulu apolok akikamun Yesu apaki ŋin, anerae ayenete atemar arae ikes alimunitor Yesu akitadapet ŋin. Nai tokera akikamun iŋes aŋuna a ŋituŋa.

Luk. 22:2

Ewarito ŋisacaradotin ŋulu apolok ka ŋiketatamak a Ŋikisila atukun epite ŋoloaret Yesu, nai akuryanito ikes aŋuna a ŋituŋa.

Yoa. 10:41

Potu ŋituŋa ŋulu alalak neni keŋ temasi, “Nyitiya Yoana adiokujuwuanut, nai ŋuna daadaŋ abu iŋes kirwor aŋuna ke ekile a lo, erae ŋuna a kire.”

Ŋitic. 5:26

Toloto ekapolokiniton ŋol ka ŋiketeok ŋulu ka Akai ka Akuj arikun Ŋikiyakia alo Kai ka Akuj. Nai nyikamut ikes Ŋikiyakia ka agogoŋu, anerae akerito atemar kori ikimasete ŋituŋa ikes a ŋamoru.