Mar. 11:18 - Ebaibul

¹⁸ Ani iirarete ŋisacaradotin ŋulu apolok ka ŋiketatamak a Ŋikisila ŋakiro ŋun, totamatamata epite ŋoloaret iŋes. Nai akerito ikes Yesu, anerae aumokinit asepic daadaŋ aŋuna ka akitatam keŋ.

Mar. 11:18 Iomraidhean Croise

1 Ŋirw. 21:20

Kiŋit Aab Eliya tema, “Emoit kaŋ, idau iyoŋ aryamun ayoŋ a?” Toboŋok Eliya tema, “Adau ayoŋ aryamun iyoŋ; anerae ilelaki iyoŋ akitiya ŋakiro ŋuna aronok alokiŋaren Ekapolon.

1 Ŋirw. 22:18

Tema erwosit a Isirael neni a Yeosapat, “Pa mono akalimokinit ayoŋ iyoŋ atemar mam ŋakiro ŋuna ajokak ŋuna edwari iŋes aŋuna kaŋ mati ŋuna a ŋican bon a?”

1 Ŋirw. 22:8

Toboŋok erwosit a Isirael Yeosapat tema, “Eyai ekile epei ŋolo ikipedorya iwon akiŋitunia ŋuna ebala Ekapolon, erae ekiro keŋ Mikaia, lokoku a Imela. Nai nyacamit ayoŋ ekile ŋol, anerae nyedwarenene iŋes ŋakiro ŋuna eketalakarito ayoŋ, edwari ŋuna a ŋican bon.” Tema Yeosapat, “Nyemaikina erwosit irworo ŋakiro ŋuna ikote ŋun.”

Isa. 49:7

Alimu Ekapolon Ekalakunan a Ŋisirael, Akuj a Isirael ŋina asegan, Akuj ŋina apotu ŋituŋa a ŋakwapin tojamuwasi ka toŋero, alimu iŋes ŋakiro nu neni a eketiyan a ŋikapolok ebe, “Ikiŋolikinete iyoŋ ŋirwosi, ido towua alokiŋaren kon, ikiŋolikinete iyoŋ ŋikapolok, ido eryedikete ikitopoloosi iyoŋ, anerae ikiseu iyoŋ Ekapolon ŋolo eyai akikinyoma, ikiseu iyoŋ Akuj a Isirael ŋina asegan.”

Mat. 21:15

Nai toŋoa ŋisacaradotin ŋulu apolok ka ŋiketatamak a Ŋikisila, iŋolikinete ŋakiro ŋuna ka aumokin ŋuna etiyae Yesu; ka daŋ ŋakiro ŋuna acalatar ŋidwe alo Kai ka Akuj ebasi, “Osanna Lokoku a Daudi!”

Mat. 7:28

Ani edauni Yesu erwor ŋakiro ŋun, toumokis ŋasepico a ŋituŋa aŋuna ka akitatam keŋ,

Mar. 1:22

Toumokis daadaŋ aŋuna ka akeekitatam, anerae etatami iŋes erae ŋolo eyakar apedor, meere ikwa ŋiketatamak a Ŋikisila.

Mar. 11:32

Ikitemari mono abunit alotuŋa a?” (Akerito ikes ŋituŋa, anerae anupito ŋulu alalak atemar arae Yoana ekadwaran ŋolo a kire.)

Mar. 12:12

Kiwara ŋikapolok a Ŋiyudayan akikamun Yesu, anerae apotu ikes toyenut atemar arae ikes erworor Yesu anakitadapet keŋ, nai tokera ŋikapolok a Ŋiyudayan asepic, kimyekis Yesu tolot.

Mar. 3:6

Tolomasi Ŋiparisayon kiŋa, totukut kaapei ka ŋituŋa ŋulu ka atukot a ŋina ke Erode epite ŋoloaret Yesu.

Mar. 6:20

Anerae akerit Erode Yoana, ayeni atemar arae ŋuna a kire ŋakiro ŋuna erworo Yoana ka arae iŋes ituŋanan ŋini eyookino ka ŋini ka Akuj; aŋun, emyekinit iŋes Yoana. Amina Erode akipup Yoana, erae daŋ kisiyaloloŋeneete ŋakitatameta a Yoana iŋes.

Luk. 19:47

Etatami Yesu ŋirwa daadaŋ alo Kai ka Akuj. Acamito ŋisacaradotin ŋulu apolok ka ŋiketatamak a Ŋikisila ta ŋikatukok akiar Yesu;

Luk. 2:47

Toumokis ŋituŋa daadaŋ ŋulu apupete iŋes aŋuna ka aosou a ŋina a ŋakiro a daadaŋ a ŋuna aboŋonokini iŋes ikes.

Luk. 20:19

Acamito ŋiketatamak a Ŋikisila ka ŋisacaradotin ŋulu apolok akikamun Yesu apaki ŋin, anerae ayenete atemar arae ikes alimunitor Yesu akitadapet ŋin. Nai tokera akikamun iŋes aŋuna a ŋituŋa.

Luk. 4:22

Apotu ŋituŋa daadaŋ kipuro iŋes ka toumokis ikes a Ŋakiro a ŋuna Ajokak a ŋuna erworo iŋes temasi, “Meere nai lo lokoku a Yosepu a?”

Yoa. 7:1

Kedaun ŋun, abu Yesu tolot nakwap ŋina a Galileya; pa acamit iŋes alosit Yudeya, anerae ewarito ŋikarikok a Ŋiyudayan akiar iŋes.

Yoa. 7:19

Meere Moses ikiinit iyes Ŋikisila a? Nai emam alokidiŋ kus ipei daŋ ŋini iricit Ŋikisila ŋul. Kaanukiro iwaritotor iyes akiar ayoŋ?”

Yoa. 7:46

Toboŋokis ŋisigarya ikes temasi, “Emam ekile ŋolo erwor ikoŋina irworor ekile ŋol!”

Ŋitic. 24:25

Nai ani erubakini Paulo irworo ŋuna ka akiyookino, ŋuna ka akiyapara ka ŋuna ka abunore Akoloŋit ŋina etubokinia Akuj ŋituŋa, tobul Pelekis tolimok Paulo tema, “Ape mono! Akanyarae ayoŋ iyoŋ nabo aryamuni apaki.”