Mar. 11:13 - Ebaibul

¹³ Toanyuwa iŋes ebobore aneni alwanan elibit, tolot nai aanyun kepedori aryamun ŋadiboboryo. Ani eapiyari iŋes diye, toryamu erae ŋakwii make; anerae ariŋa apaki ŋina eraeta ŋiboboryo.

Mar. 11:13 Iomraidhean Croise

Isa. 5:2

Abu iŋes kita emanikor ŋol kidepana ŋamoru daadaŋ, ido todupak ŋikito a epiini ŋulu ajokak nooi; todukok kidiŋ emanikor epemu, ido tobokak akipany ŋina ecuyere epiini. Egeno iŋes atemar eraunete ŋikito ŋul ŋaraito a epiini ŋuna ajokak, nai apotu toraut ŋaraito ŋuna aronok.

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Mat. 21:19

Ani iŋolikini iŋes ebobore anawae, tolot neni keŋ, nai nyeryamu idiobore, mati ŋakwii bon. Tolimok iŋes ekitoe tema, “Nyiraii nabo iyoŋ jik.” Toono ebobore atipei.

Mar. 11:12

Ani iwalari, toboŋut ikes alo Betania, tonyam Yesu akoro.

Mar. 11:14

Kicen Yesu ebobore tema, “Nyenyami nabo ituŋanan ŋaraito kon jik ameun tokona!” Kiirasi tari ŋikasyomak keŋ ŋakiro ŋun.

Luk. 10:31

Kitoru esacaradoti lorot ŋol, kiŋolik ekile ŋol eperi, tosep kitor iwace.

Rus. 2:3

Torotok nai Rus todol lomanikor kisyak akisokat alokaku ŋikalemak. Abu arereŋu min neni a Rus alomar lomanikor a Boas a ŋolo arae ekanateker a Elimelek.

1 Sam. 6:9

nai kiteosi iŋes, ani kiyoor nakwap keŋ lowae ŋolo eyai Bes-Semes, apolou keŋ atemar Ekapolon kebu yau ŋican lu neni yok. Nai ani pa kelot nen, ikiyenuni iwon atemar meere Ekapolon abu itotiŋ iwon neni aronon nooi, kicwanyunio iwon ŋican ŋul erae akicwanyun.”