Mar. 10:20 - Ebaibul

²⁰ Tema ekile ŋol, “Eketataman, ŋinapei koloŋ alokiditeu kaŋ, ericit ayoŋ Ŋakiciketa ŋun daadaŋ.”

Mar. 10:20 Iomraidhean Croise

Isa. 58:2

Kikote neni daŋ, ekewarito ikes ayoŋ a ŋinakoloŋit etakanete esibit iwarito akiwuap acamit kaŋ, esibito ŋituŋa ŋulu itiyaete ŋuna iyookino ka ŋulu nyeŋero akiwuap ŋakiro ŋuna etubunit Akuj kec, iŋitasi ikes aneni kaŋ aryamun akitub ŋakiro anakiyookino, emaikina ikes aponare diyete Akuj.”

Esek. 5:14

Nabo daŋ eturuwori ayoŋ etaun kus ereŋorot, ibore koŋin ŋini ejamuwarito ŋakwapin daadaŋ ŋuna eya nawaetin keŋ ka daadaŋ ŋulu itorunete diyete keŋ.

Mal. 3:8

“Ekeŋisit ayoŋ iyes ebe, ‘Ejok mono ituŋanan akoko Akuj a?’ Mam nyejok, nai ikikokoyete iyes ayoŋ, ido iŋitasi ibasi, ‘Alipite ikikokoya isua iyoŋ?’ Ikikokoyete iyes ayoŋ aŋuna nyiyaununiyata atutubet apei alotooma ŋatomon aloboro kus ka aŋuna nyikiinanakiniata ayoŋ ŋainakineta.

Mat. 19:20

Toboŋok esorokit ŋol tema, “Ericakinit ayoŋ Ŋakiciketa ŋun daadaŋ; nyo nai eriŋa akabucit ayoŋ?”

Mar. 10:21

Kitek Yesu iŋes, tominak iŋes tema, “Ipeibore bon ikibucit iyoŋ; ape togyela ibore daadaŋ ŋini iyakar iyoŋ, tokorak ŋikulyak, iryamuni iyoŋ ebari kon anakuj.”

Luk. 10:29

Nai ikwapei acamitor iŋes akitojoka, abu iŋes kiŋit Yesu tema, “Ŋae erae ekaakidunyet?”

Ŋirom. 7:9

Ayari koloŋ ayoŋ elope eriŋa nyepona Ŋikisila. Nai ani ebuni akiciket, toyaru asecit,

Ŋipil. 3:6

ka ayai ayoŋ ekibure ŋolo ka akisican ŋikanupak a Kristo. Alotooma ŋuna ikamunito akiyookino anakiwuapit Ŋikisila a Ŋiyudayan, amam ayoŋ asecit.

2 Tim. 3:5

ŋulu esibito iricito ŋakiro ŋuna ke edin, nai kitoodiunite akiyar kec atemar emam apedor ŋina ka Akuj alotooma kec. Toŋer ŋituŋa ŋulu ikote ŋul.