Mar. 10:14 - Ebaibul

¹⁴ Ani iŋolikini Yesu ŋikasyomak keŋ itiyaete ŋun, toŋo nooi tolimok ikes tema, “Kimyekisi ŋidwe potu neni kaŋ! Nyiretakis ikes, anerae erae Apukan ka Akuj ŋina a ŋulu ikote lu.

Mar. 10:14 Iomraidhean Croise

Akisy. 17:7

Ewuakini ayoŋ acamunet kaŋ ka iyoŋ ka ŋiletok kon ŋulu a ŋanyameta a daadaŋ, eruwor acamunet ŋin ŋina a ŋikaru ka ŋikaru. Arubakini ayoŋ arae Akuj kon ka ŋina a ŋiletok kon.

Ŋikiru. 78:4

Nyiwuayo iwon ŋakiro ŋun aneni a ŋidwe yok; elimokinio iwon ŋakiro ŋun neni a ŋanyameta a ŋuna eponito, ŋakiro ŋuna a ŋiticisyo a ŋulu apolok a ŋulu ke Ekapolon ka ŋuna ka apedor keŋ, ta ŋakiro ŋuna ka aumokin ŋuna abu iŋes kitiya.

Isa. 65:23

Nyitiyaete ikes ikoŋin, kori nyeuruunete ŋidwe ŋulu eryamunete ŋican, anerae eruwor ikes ŋiletok ŋulu iterereŋit Ekapolon kaapei ka ŋipapae kec.

Ekim. 14:31

Nai ŋidwe kus ŋulu sek ibasi iyes eŋataryo, etolomari ayoŋ ikes nakwap ŋin, edolete ikes nakwap ŋina ijamuwarito iyes.

Mat. 18:10

“Tocoito ijamuwarete tari ipei a ŋulu cicik a lu, anerae akalimokini ayoŋ iyes atemar, erukito ŋimalaikan kec jwi jwi ka Papa kaŋ ŋolo eyai nakuj. [

Mat. 18:4

Aŋun, ituŋanan ŋini itiditeun ikwa ikoku en, iŋes epol nooi a Napukan a ŋina anakuj.

Mat. 19:14

Nai tolimok Yesu ikes tema, “Kimyekisi ŋidwe potu neni kaŋ. Nyiretakis ikes, anerae erae Apukan ŋina anakuj ŋina a ŋulu ikote lu.”

Mat. 5:10

Erereŋ ŋulu isicanitae aŋuna ka akiyookino; erae Apukan ŋina anakuj ŋina kec.

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Mar. 3:5

Kitek Yesu ikes daadaŋ eŋoit, kitiilito daŋ aŋuna ka aniniku a ŋakecetameta. Tolimok nai ekaŋwalan tema, “Toriyo akonikan.” Toriyo iŋes, toŋaleu akeekan.

Mar. 8:33

Toboboŋ Yesu kiŋolik ŋikeekasyomak, kiŋenyak iŋes Petero tema, “Tolot aneni kaŋ, Satan, anerae ŋatameta kon nyeponito aneni ka Akuj, nai eponito alotuŋa.”

Yoa. 3:3

Toboŋok Yesu iŋes tema, “Akalimokini ayoŋ iyoŋ kire atemar, emam ituŋanan epedori akiŋolikin Apukan ka Akuj, mati kidoun iŋes nabo.”

Yoa. 3:5

Toboŋok Yesu iŋes tema, “Akalimokini ayoŋ iyoŋ kire atemar, ani pa kidoun ituŋanan a ŋakipi ka Etau ŋolo ka Akuj, nyelomari iŋes jik Napukan ka Akuj.

Ŋitic. 2:39

Anerae arae akiikinet ka Akuj ŋina kus ka ŋikusidwe ta neni a ŋituŋa a daadaŋ a ŋulu elwaka a ŋulu enyaraunit Ekapolon yok Akuj neni keŋ.”

Ŋitic. 3:25

Erae ŋuna kus ŋakiikineta ŋuna ka Akuj ŋuna ekobunete ŋikadwarak keŋ ka imarakina iyes Nacamunet keŋ ikwaŋina alimokinia iŋes Aburaam ebe, ‘Eterereŋi ayoŋ ŋituŋa ŋulu ka akwap daadaŋ aŋuna a ŋiletok kon.’

Ŋirom. 11:16

Ani keinakin Akuj anyilet ŋina ke ekiŋaren anamugati, erae nai amugati daadaŋ ŋina keŋ ka ani keinakin Akuj ŋataagor ŋuna ke ekitoe, erae ŋaten daŋ ŋuna keŋ.

Ŋirom. 11:28

Aŋuna eŋeritotor Ŋiyudayan Ŋakiro ŋuna Ajokak, eraakasi ikes ŋimoi ŋulu ka Akuj ikotere iyes ŋulu nyirae Ŋiyudayan. Nai aŋuna aseunia Akuj ikes, eraakasi ikes ŋikonei keŋ aŋuna atapapaa kec.

1 Ŋikor. 14:20

Ŋikaitotoi kaŋ, nyikote ŋidwe alopite a ŋolo itamyata iyes. Ipedorete iyes akitiya ikwa ŋidwe anakiro a ŋuna aronok, nai alopite a ŋolo itamyata iyes, toruworos ŋituŋa ŋulu ipakito anakiro a ŋuna ka Akuj.

1 Ŋikor. 7:14

Anerae ecamunit Akuj iŋes aŋuna ka akimorikina ka aberu keŋ. Aberu ŋina nyerae Akristoit daŋ ecamunit Akuj aŋuna ka akimorikina ka ekile ŋolo Kristoit. Kerae nyikote nen, kikote ŋidwe kec ŋulu a ŋituŋa a ŋulu nyenupito Akuj; nai ecamunit Akuj ikes.

Ŋiep. 4:26

Ani kiŋoa iyes, nyicamut aŋoit kus ikiteseci iyes ka kisila eriŋa akoloŋ nyedoiyoro;

Ŋikis. 4:37

Tosodi aŋuna amina Akuj atapapaa kus, abu ekaku toseu ŋiletok kec. Abu ikiyau iyes alo Ijipit irukito ka iŋes a apedor keŋ a alope,

2 Tim. 1:5

Atamunit anupit ŋina a kire ŋina iyakar iyoŋ, ŋina ikoni ŋina a tata kon Lois ka ŋina a toto kon Eunike. Ayeni ayoŋ jik atemar iyakar tari iyoŋ anupit ŋin.

2 Tim. 3:15

Itamunit iyoŋ atemar ameun ŋinapei eriŋa iyoŋ irae ikoku, iyeni iyoŋ ŋakiro ŋuna igiritae Nakigireta, ŋuna epedorete ainakin iyoŋ aosou ŋina ikirikori naiuno alotooma anupit Yesu Kristo.

Yos. 8:35

Tosyomak Yosua ŋituŋa Ŋikisila a Moses daadaŋ, kiirasi ŋituŋa daadaŋ kiirasi tari ŋaberu ka ŋidwe ta ŋituŋa ŋulu a ŋakwapin a ŋunagelae ŋulu aya nen.

1 Pet. 2:2

Ikwapei iitanitotor ŋiŋwea ŋulu idounio ŋakile, kiitana iyes daŋ ŋakile ŋuna erae akirot ŋina ka Akuj, ikotere nai topolout ka toiunos.

Akis. 14:5

Emam nyiirara adiolyokonu aneni kec, emam adioronis aneni kec.

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”

1 Sam. 1:22

Nai abu Ana nyelot, anerae abu iŋes tolimok lokile keŋ ebe, “Ani ejoŋoe ikoku akinak, ayai ayoŋ iŋes oinak neni ke Ekapolon, emyek kiboi alo Kai ke Ekapolon ŋirwa daadaŋ ŋulu ka akiyar keŋ. Ayai ayoŋ iŋes nen erae ŋini iwuanitae ŋirwa daadaŋ ŋulu ka akiyar keŋ.”