Mal. 4:6 - Ebaibul

⁶ Ibelekini iŋes ŋitai a ŋikauruunak tomaikinos ka ŋidwe kec ka ibelekini iŋes ŋitai a ŋidwe tomaikinos ka ŋikauruunak kec, ani kemam, abuni ayoŋ amunyar iyes anakwap kus a ŋicen.”

Mal. 4:6 Iomraidhean Croise

Isa. 11:4

Nai etubi iŋes ŋakiro a ŋikulyak anakiyookino, etubi iŋes anakiyookino ŋakiro a ŋulu iyapara anakwap; isicani iŋes ŋituŋa a ŋakiro aŋuna elimuni iŋes, eari iŋes ŋulu aronok a ekieŋanu a ŋolo elomuni anakituk keŋ.

Isa. 24:6

Aŋun, amunyasi ŋilam akwap, aryamut ŋituŋa ŋulu iboiyete anakwap ekaile ŋolo ka asecit; aŋun, adaun ŋituŋa anakwap edoŋ ŋidikudyo.

Isa. 40:3

Iworoe etoil a ituŋanan a ice analoŋisat ebala: “Kitemonokisi erot ŋolo ke Ekapolon analoŋisat, kisidiiryata analoŋisat erot aŋuna ka Akuj yok.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Isa. 61:2

akiseraun atemar adol ekaru ŋolo itiyakinia Ekapolon ŋuna ajokak ka akiseraun akoloŋit ŋina inyaŋarya Akuj yok ŋakiro a ŋimoe keŋ; akisirworiun daadaŋ ŋulu iyaloloŋete;

Isa. 65:15

Imyekinete iyes ŋirorwa kus aneni a ŋuluseuna kaŋ erae ŋulu ilamare; ido ikimunyari Ekapolon Akuj iyes; nai einakini iŋes ŋiketiyak keŋ ekiro ŋolo egelaana.

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Sakar 11:6

Emam nabo ituŋanan eroko ayoŋ esyoni anakwap. Emyekini ayoŋ ŋituŋa kipukata ŋulu epolokinito ikes. Emunaarete ŋikepukak ŋul akwap, ido nyaiuni ayoŋ ŋituŋa anapedor a ŋikepukak kec.”

Sakar 13:8

ido alotooma akwap daadaŋ, etwakete ŋituŋa ŋulu edolit ŋiarei alotooma ŋiuniuni. Eyari ipei alotooma ŋiuniuni.

Sakar 14:12

Edeke lo iŋes eyauni Ekapolon neni a ŋakwapin a daadaŋ a ŋuna itijikinete Yerusalem: Ebosete ŋawat kec eriŋa ikes eyarete, ebosikinete ŋakonyen kec nakyes kec, ebosikinete ŋaŋajepa kec nakituka kec.

Sakar 14:2

anerae acunakini ayoŋ ŋakwapin daadaŋ kimana Yerusalem kitijioto, ikamarete ikes Yerusalem, toŋatasi ŋiboro anakais ka toreikis ŋaberu akiryamakin ka ikes, erikoryo atutubet aŋituna apei alotaun, nai idoŋete ŋituŋa ŋuluce lotaun.

Sakar 5:3

Tema nai iŋes neni kaŋ, “Erae ŋul ŋicen ŋulu epete akwap daadaŋ; anerae alotooma ŋakiro ŋuna igiritae epeiwae ekitaabo ŋol, ebasi ebe, ‘Emunyaryo ŋolo kokolan daadaŋ, ido ebasi ŋuna igiritae lowae ŋoloce, ituŋanan daadaŋ ŋini ikoŋi alyokonu emunyaryo.’

Mat. 22:7

Toŋo erwosit nooi, kiyakiya ŋajorei keŋ, tomunyasi ŋikaarak ŋul ka kicunya etaun kec.

Mar. 11:21

Totamu Petero ŋakiro a Yesu neni ke ekitoe, tema, “Eketataman, toanyuwa, keono ebobore ŋolo iceni iyoŋ.”

Luk. 1:76

Iyoŋ ikoku ŋini cici, ikinyarao ekadwaran ŋolo ka Akuj a ŋina alokidiama nooi; anerae iŋarenikini iyoŋ Ekapolon, kitemonok ŋirotin keŋ.

Ŋibur. 6:8

Nai keruputu ŋikukwa ka edowan a nen, eruworosi ŋimanikorin ŋul ŋicaryo ŋulu eapi Akuj akicen ka icunyaryo ka akim.

Akis. 19:15

Alomunit anakituk keŋ atum ŋina akwaŋan ŋina ilounia iŋes ŋakwapin. Ipukae iŋes ikes ka aryenyeo ka ecuuni a ŋakejen keŋ epiini anacuet a ŋina ke epiini, ŋina erae anyunyura ka Akuj a ŋina etiron.

Akis. 22:3

Emam ibore ŋini icenen aneni ka Akuj ŋini eyakaun lotaun ŋolo apolon. Eyakaun ekicoloŋ ŋolo ka Akuj ka ŋolo a Imesek lotaun ŋolo apolon, ilipete ŋiketiyak keŋ neni keŋ.