Mal. 4:1 - Ebaibul

¹ Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Mal. 4:1 Iomraidhean Croise

Yob 18:16

Ekwaanikin ikes ka ekitoe ŋolo ebosete ŋataagor, ido toiniyasi ŋaten.

Ŋikiru. 119:119

Imarakinit iyoŋ ŋulu aronok daadaŋ anakwap erae ŋikoŋinae; aŋun, amina ayoŋ ŋakiro ŋuna itubunit iyoŋ.

Ŋikiru. 37:9

anerae emunyar ŋulu aronok, nai ikes ŋulu ikinyomito Ekapolon, eruwor akwap ŋina kec.

Awos. 15:7

Ibu iyoŋ anapolou kon a ŋina ailiilon tobwaŋ ŋimoe kon; ibu iyoŋ anaŋoit kon tomurukudaa ikes ikwa ŋakasirim ŋuna etukitoe.

Isa. 40:24

Ikwaan ŋikepukak ŋul ka ŋikito ŋulu ariŋa edupakinio ikwaan ikes ka ŋikinyom ŋulu ariŋa eekinio tolomut, ani apaki ŋinapei eremoryata ikes ŋataagor kwap, eyauni Ekapolon ekuwuam neni kec, ido kitiiniya, tosodi ani ekutuni ekuwuam ŋolo ipiripiri, kiwok ikes ikwa ŋamilo.

Isa. 41:2

“Ŋae etonyou ekelounan ŋolo alo Kide, ŋae anyarau iŋes akitiya etic keŋ? Ŋae ainakini iŋes akiloun ŋirwosi ka ŋapukasinei? Aridaa iŋes ŋirwosi a ekileŋ keŋ lopite ŋolo etwaarere apuwa, eela iŋes a ŋikaleŋeleŋe keŋ ŋirwosi lopite ŋolo ielarya ekuwuam ŋanya kiwok.

Isa. 47:14

“Topupokisi, ikwaan ikes ka ŋanya ŋuna eokito, enomiyari akim ikes; nyepedorete ikes alakun make anagogoŋu a ŋina ka arira. Meere ŋatotol a akim a ŋin ŋuna iwuaŋaror ituŋanan idio, meere akim ŋin ŋina epedori ituŋanan akiboikin diyete.”

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 9:18

arirae aronis a ŋituŋa a ŋul ekwaan ka akim ŋina enomi amoni a ŋikukwa. Arirae aronis kec esibit akim ŋina enomi amoni ŋina irijija, akim ŋina eremi kidiama kikok apuru keŋ edou.

Isa. 9:19

Aŋuna ka aŋoit a Ekapolon a ŋolo a ŋajoresyo, abu akim tonomiya akwap, kikwaanikin ŋituŋa ka ŋakito ŋuna inokere akim, mam ituŋanan abu toesik ŋinice.

Esek. 20:38

Alemari ayoŋ aneni a ŋituŋa a ŋulu akaŋerito ayoŋ, ŋulu nyecamito akiwuap ŋakiro kaŋ. Ayauni ayoŋ ikes anakwapin aŋuna iboiyoto tokona erae ŋigelaanotin, nai nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon.

Esek. 21:32

Ikinokakinio iyes ikwa ŋakito ŋuna ka akim, ijuwarete ŋalup ŋaokot kus; mam nabo ituŋanan etamuni atemar iyakasi sek iyes nakwap.’ ” Ekapolon iŋes alimu ŋun

Esek. 24:11

Kikacakisi amot ŋin eorori kidiama ŋatotol, ikotere emwanuni, ido toreŋu elupe keŋ puu, nen nai etalarya ibore ŋini abosan alotooma keŋ, todaun eroiroi alotooma keŋ.

Esek. 34:17

“Ani eruwor iyes ŋamesekin kaŋ, alimu Ekapolon Akuj ŋakiro nu aŋuna kus ebe, ‘Atubokini ayoŋ ŋinamesek aneni kus, otyaka ŋuna ajokak aneni aŋuna aronok, otyaka ŋamesekin aneni aŋamee.

Esek. 7:10

Kiirasi aapuu akoloŋit! Abu! Eelun amunyaro kus, alalaar aryenyeo, alalaar akituro,

Yoel 2:1

Tokutakisi arupepe alo Sion; toramakisi eli alomukura kaŋ a ŋolo asegan a ŋolo ke Ekapolon. Kimyekisi ŋituŋa daadaŋ ŋulu iboiyete anakwap a Yudaya tomarana, anerae ebunit akoloŋit ŋina ke Ekapolon, aapuu nooi,

Yoel 2:31

isiryonio akoloŋ cuc, itereŋio elap puu, kikok ŋaokot, eriŋa nyedolo Akoloŋit ŋina apolon nooi ŋina ke Ekapolon.

Amos 2:9

Torae bo abu ayoŋ omunya Ŋiamori alokiŋaren kec, arae Ŋiamori ŋituŋa ŋulu aoyak ikwa ŋikito a Cedar ka agogoŋ ikes ikwa ŋikuyono; abu ayoŋ omunya ikes jik ŋinapei alokidiama tari nataagor.

Obad. 1:18

Ededeŋiar ekal a Yakob ikwa akim, ededeŋiar ekal a Yosepu ikwa arira, ido eruwor ekal ke Esau ŋolo icunyo; icunyarete ikes ekal ke Esau kitoŋopiyasi, mam ituŋanan idoŋi eyari alokal ke Esau, anerae adau Ekapolon alimun ŋun.

Naum 1:10

Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Sepan. 1:14

“Aapuu akoloŋit ŋina apolon ŋina ke Ekapolon, aapuu, ido iburuburuuna atipei. Epipil nooi akigworo akoloŋit ŋin ŋina ke Ekapolon, ikalounete ŋikajiok a nen neni apipilan nooi.

Sepan. 1:18

Nyepedori esilipa, kori egolid kec aiun ikes akoloŋit ŋin ŋina ka anyunyura ke Ekapolon; apaki ŋin ŋina elilitor iŋes nooi, emunyaryo ŋituŋa ka akwap a daadaŋ; anerae itasaluni Ekapolon atipei pa eyenio apaki ibore daadaŋ ŋini eyai nakwap.”

Sakar 14:1

Kiirasi ebunit akoloŋit ŋina ke Ekapolon, akoloŋit ŋina ekorere iteete iyes ibore ŋini aponi toŋatarae aneni kus,

Mal. 3:15

Ikwapei tokona ikiteo iwon, erae ŋiketurok ikes elakara; kire ebareneneete ŋituŋa ŋulu itiyaete aronis, itemeneneete tari Akuj, ido erubanakinete eyarete. ”

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

Mal. 3:2

Nai ŋae epedori akidaŋidaŋ ŋakiro a Akoloŋit a ŋin a ŋina ka abunore keŋ? Ŋae epedori akiyar Akoloŋit ŋin ŋina etakanunia iŋes? Anerae ebuni iŋes ikoni akim ŋina ke ekitet, kori esabuni ŋolo ilotari ibore atipei.

Mal. 3:3

Ebuni iŋes atubokin, totyak ŋiletok ikwaŋina eliyere ŋasuwa kori esilipa ipoo, itojoki iŋes ŋisacaradotin, ido toliwae ikes ikwa egolid ka esilipa, akitodol ŋina eryamunia Ekapolon ŋituŋa ŋulu iyookino ŋulu epedorete ayaun ŋainakineta ŋuna ajokak neni keŋ.

Mal. 4:5

“Kiirasi, eyakuuni ayoŋ ekadwaran Eliya neni kus eriŋa nyedolo akoloŋit ŋina ke Ekapolon, akoloŋit ŋin ŋina apolon nooi ŋina a ŋinyas.

Mat. 3:12

Eyakar iŋes nakan keŋ erite ikotere epyetarya ŋikeemomwa ejok analos, tocunak lodulae keŋ, kicunyak nai ŋatunyeny anakim a ŋina nyeduŋe.”

Luk. 19:43

Epote ŋirwa ŋulu ikirikauniata iyes ŋimoi kus itoroosi alowaetin a daadaŋ.

Luk. 21:20

“Ani iŋolikinete iyes Yerusalem irikaunito ŋajorei a ŋimoi, toyenete atemar aapiki akinyasun iŋes.

Luk. 6:23

Tolakaros itiyakin ŋun. Kicurokisi ka alelyan, anerae epol eropit kus anakuj; atapapaa kec daŋ koloŋ etiyato ikoŋinapei lokadwarak.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

2 Pet. 3:7

Nai nakuj ka akwap ŋuna eyakasi tokona iŋadakinitae alotooma akirot ŋinapei ka Akuj. Iŋadakinitae ikes akitodol Akoloŋit ŋina ka atubokino, ikotere inyasunio anakim, kaapei ka ŋituŋa ŋulu eŋerito Akuj.