Mal. 3:8 - Ebaibul

⁸ “Ekeŋisit ayoŋ iyes ebe, ‘Ejok mono ituŋanan akoko Akuj a?’ Mam nyejok, nai ikikokoyete iyes ayoŋ, ido iŋitasi ibasi, ‘Alipite ikikokoya isua iyoŋ?’ Ikikokoyete iyes ayoŋ aŋuna nyiyaununiyata atutubet apei alotooma ŋatomon aloboro kus ka aŋuna nyikiinanakiniata ayoŋ ŋainakineta.

Mal. 3:8 Iomraidhean Croise

Ŋikiru. 29:2

Kipuro ekiro ke Ekapolon ŋolo eyakar apolou, kilipa neni ke Ekapolon apaki ŋina etakanunia iŋes anasegis keŋ.

Ŋakit. 11:24

Einanakinete ŋituŋa ŋice ŋiboro kec neni a ŋuluce pa etacitae, ido iatakin nabo ŋice neni kec tobara nooi; ewounitotor ŋice ŋiboro kec ainakin ŋuluce, ido eruwonor ŋituŋa ŋul ŋikulyakanotin.

Isa. 43:23

Nyeyauna iyes neni kaŋ ŋamesekin kus ikwapei ŋainakineta ŋuna epeyo, kori nyikitopolooro iyes ayoŋ a ŋamuronisya kus. Nyicana ayoŋ iyes a ŋainakineta, kori nyituupa ayoŋ iyes anainakin ayoŋ ekinyate.

Ŋilep. 19:25

Nai ani epete ŋikaru ŋikan, emaikina iyes tonyama ŋaraito ŋun. Alopite a ŋol, iyatakinio nyikinyom ŋulu ilemete iyes. Arae ayoŋ Ekapolon Akuj kus.

Sakar 5:3

Tema nai iŋes neni kaŋ, “Erae ŋul ŋicen ŋulu epete akwap daadaŋ; anerae alotooma ŋakiro ŋuna igiritae epeiwae ekitaabo ŋol, ebasi ebe, ‘Emunyaryo ŋolo kokolan daadaŋ, ido ebasi ŋuna igiritae lowae ŋoloce, ituŋanan daadaŋ ŋini ikoŋi alyokonu emunyaryo.’

Mal. 1:13

Ibasi iyes, ‘Ikiup isua akitiya ŋun!’ Nabo iwunyonorete iyes ŋikumes kus kidiama ikijamuwarito ayoŋ. Iyaununete iyes neni kaŋ ŋibaren ŋulu ikokounito, kori ŋulu aŋwalak, kori ŋulu edyakasi. Itamete iyes atemar acamuni ayoŋ ŋul aneni kus a?

Mal. 1:8

Ani mono ŋina iyauniata iyes ibarasit ŋini emudukana ikwapei amuronot neni kaŋ, nyeroko mono ŋakiro ŋun a? Ani mono ŋina iyauniata iyes ŋibaren ŋulu icodosi, kori edyakasi, nyeroko mono ŋakiro ŋun a? Kikatakisi mono iyes ainakin ŋul neni ke erwosit kus; elakar mono iŋes a ŋuna kus kori iruwori mono iyes ŋulu ajokak aneni keŋ a?

Mat. 22:21

Toboŋokis ikes temasi, “Ŋulu ke ekepukan a Roma.” Tolimok Yesu ikes tema, “Inakisi ekepukan a Roma ŋini erae ikeŋ, inakis Akuj ŋini erae ŋini ka Akuj!”

Mar. 12:17

Tolimok Yesu ikes tema, “Inakisi ekepukan a Roma ŋini erae ikeŋ, inakis Akuj ŋini erae ŋini ka Akuj.” Toumokis ikes nooi aŋuna a ŋakiro a ŋun.

Luk. 20:25

Tolimok Yesu ikes tema, “Inakisi ekepukan a Roma ŋini erae ikeŋ, inakis Akuj ŋini erae ŋini ka Akuj.”

Ŋirom. 13:7

Inakisi ŋituŋa daadaŋ ŋiboro ŋulu ebeiyarito neni kec: ocur neni a ŋulu ebeiyarit ocur, akerit neni a ŋulu ebeiyarit akerit ka akitopoloorit neni a ŋulu ebeiyarit apolou.

Ŋirom. 2:22

Ibala iyoŋ “Nyilom” nai nyilomenene iyoŋ a? Ijamuwarit iyoŋ ŋakujo--nai nyikokoenene iyoŋ ŋiboro ŋulu eya nakais a ŋakujo a?

Yos. 7:11

Aseca Ŋisirael! Abila ikes ŋuna abu ayoŋ ecik ikes atemar, kirica. Alemasi ikes ŋiboro ŋice ŋulu amaikina kinyasunae. Akokoiyasi ikes ŋiboro ŋul, nabo emunoniasi emorikis ka ŋiboro kec.