Mal. 3:6 - Ebaibul

⁶ Arae ayoŋ Ekapolon ŋolo nyeloconokin; a ŋun, iyes ŋiletok a Yakob, eriŋa iyes nyemunyara.

Mal. 3:6 Iomraidhean Croise

Akisy. 15:18

Akoloŋit ŋin, tocamun Akuj ka Aburam tema Akuj, “Ainak ayoŋ akwap na neni a ŋiletok kon, anyoun anaŋolol a ŋina alo Ijipit tari naŋolol ŋina apolon nooi ŋina enyaritae Eupurate,

Akisy. 15:7

Tolimok Ekapolon Aburam tema, “Arae ayoŋ Ekapolon ŋolo abu okoyau iyoŋ alo Ur anakwap a ŋina a Ŋibabiloniyae; aŋuna ka ainakin iyoŋ akwap na toruwor ŋina kon.”

Akisy. 22:16

tema, “Ebala Ekapolon, ekoŋ ayoŋ alokiro kaŋ ebe, ‘Aŋakiro aŋuna itiya iyoŋ a ŋun, a ŋina nyimika iyoŋ ayoŋ lokoku kon ŋolodonupei,

Ŋikiru. 102:26

Edaunosi ikes, nai irubakini iyoŋ iyai; enyamunosi ikes daadaŋ ikwa ŋilowi. ilocokini iyoŋ ikes ikwa ŋilowi, ido edaunosi.

Ŋikiru. 102:27

Nai irubakini iyoŋ ikoni nenipei, ido nyedaun akiyar kon.

Ŋikiru. 102:28

Iboikinoi isua ŋiketiyak kon ka ŋidwe kosi emam ŋace, erubakinete ŋipapae kosi iboiyete emam ŋace.

Ŋikiru. 103:17

Nai ani eruwor ŋulu itopoloorito Ekapolon, erubakini aneni kec amina ŋina ke Ekapolon ŋina nyiryaŋiryaŋa ŋikaru ka ŋikaru. Erubakini akiyookino ŋina ke Ekapolon aneni a ŋipapae kec ŋanyameta daadaŋ,

Ŋikiru. 78:38

Nai arae Akuj ŋina esyonon; abu kisyoni aronis kec, ido abu nyemunya ikes; abu a ŋinapaki kililiŋia aŋoit keŋ, ido abu nyenyunyurikin ŋituŋa keŋ.

Ŋikiru. 78:57

Apotu ikes nyitopoloosi Akuj ka nyenupa neni ka Akuj ikwapei atapapaa kec, apotu ikes toruwor ŋulu pa ekinyomit Akuj kikokis akau a ŋikaleŋeleŋe ŋina emagul.

Isa. 41:13

Ayoŋ Ekapolon Akuj kus atiŋi ŋakan kus ŋuna aloteten; ayoŋ akalimokinit iyes ebe, ‘Nyikuryaketa, ekeŋarakini ayoŋ iyes.’

Isa. 44:6

Alimu Ekapolon, erwosit a Ŋisirael ka ekalakunan kec Ekapolon a ŋajoresyo ebe, “Arae ayoŋ ŋolo esyaunan ka ŋolo esidyon; emam akuj ace mati ayoŋ bon.

Isa. 46:4

Arubakini ayoŋ arae Ekapolon kus tari anapaki a ŋina imojoŋiata iyes, tari apaki ŋina ekwaŋuniata ŋitim anakyes kus akadaki ayoŋ iyes. Abu ayoŋ okosub iyes, ido akadaki ayoŋ iyes, akadaki ayoŋ iyes ka akalakuni.

Yer. 32:27

“Topupok, arae ayoŋ Ekapolon, Akuj a ŋituŋa a daadaŋ; eyai mono ibore ekepiyori ayoŋ akitiyakin a?

Dan. 6:26

Atub ayoŋ ŋakiro atemar alotooma akwap ŋina epukat ayoŋ daadaŋ, itemokino ŋituŋa tomarana ka kitopoloosi Akuj a Daniel, anerae erae iŋes Akuj ŋina eyari, ŋina iboi ŋikaru ka ŋikaru. Mam ituŋanan inyasuni apukan keŋ, ka nyesaluni apukan keŋ.

Osea 11:9

Nyekesicani ayoŋ iyes anaŋoit kaŋ a ŋina a dedeŋan, nyamunyari nabo ayoŋ ŋituŋa a Epuraim, anerae arae ayoŋ Akuj, meere ituŋanan. arae ayoŋ Akuj ŋina Asegan ŋina ayai kidiŋ kus, nyabuni ayoŋ neni kus anyunyura.

Abak. 1:12

Ekapolon, ŋina pei anakisyakinet irae iyoŋ Akuj, irae iyoŋ Akuj kaŋ ŋina asegan ka ŋina a ŋikaru ka ŋikaru. Okoe Ekapolon Akuj kaŋ ka ekeuryaran kaŋ, idau iyoŋ aseun ŋituŋa a Babilon ka itogogoŋ iyoŋ ikes, ikotere ikisicanete isua.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Ŋirom. 5:10

Ikipotu iwon oruworos ŋimoi ŋulu ka Akuj, nai abu iŋes ikisisil iwon ka iŋes alotooma atwanare a Lokoku keŋ. Ikwaŋina tokona ikiraakar iwon ŋikonei ŋulu ka Akuj, etya nai ai aiuno ŋina ikiryamuni iwon alotooma akiyar a Yesu Kristo.

Ŋipil. 1:6

Ayeni ayoŋ kire atemar irikakini Akuj ŋina ageikini akitiya etic ŋolo ajokan lo aneni kus Akoloŋit ŋina eboŋunio Yesu Kristo.

Ŋibur. 13:8

Nyiloconokin Yesu Kristo jik, ikoni nenipei ayakar bien, nakoloŋit na ka rwanu daŋ.

Ŋibur. 6:18

Tokona eya ŋakiro ŋaarei nu, akiikinet ka akikoŋiet, ŋuna nyiloconokinosi kori ŋuna nyelimuni Akuj alyokonu jik. Aŋun, itemokino iwon ŋulu ikiem akimec neni keŋ, oyakatar atitinyu ŋina ikirubakinia ikigeno ŋuna eponito alokiŋaren.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

Akis. 1:8

Ebala Ekapolon Akuj ŋina etiron, ŋina erae ka ŋina arae ka ŋina ebuni, “Arae ayoŋ Alpa ka Omega” (iŋes atemar Akisyakinet ka Asalunet).

Akis. 22:13

Arae ayoŋ Alpa ka Omega, ŋolo Eŋarenon ka ŋolo Esidyon--Akisyakinet ka Asalunet.”

1 Sam. 15:29

Nyemodiyana Akuj ŋina ailiilon ŋina a Isirael, kori nyiloconokini ŋuna atubu akitiya, nyerae iŋes ituŋanan, aŋun, nyiloconokini ŋatameta keŋ.”