Mal. 3:3 - Ebaibul

³ Ebuni iŋes atubokin, totyak ŋiletok ikwaŋina eliyere ŋasuwa kori esilipa ipoo, itojoki iŋes ŋisacaradotin, ido toliwae ikes ikwa egolid ka esilipa, akitodol ŋina eryamunia Ekapolon ŋituŋa ŋulu iyookino ŋulu epedorete ayaun ŋainakineta ŋuna ajokak neni keŋ.

Mal. 3:3 Iomraidhean Croise

Ŋikiru. 116:17

Ayauni ayoŋ neni kon amuronot ŋina ka alakara, ido onyara ekiro kon okoe Ekapolon.

Ŋikiru. 4:5

Inanakisi Ekapolon ŋamuronisya ŋuna iyookino, ido kikinyoma Ekapolon.

Ŋikiru. 4:6

Elalak ŋulu ebasi, “Okoe Ekapolon, inakinae isua ŋarereŋisyo ŋuna alalak, Okoe Ekapolon, torimaaniar aneni kosi.”

Ŋikiru. 50:14

Inakisi Akuj ŋamuronisya ŋuna ka alakara neni keŋ, ido kisiyookisi ŋuna ipotu iyes kikoŋo neni ka Akuj a ŋina alokidiama nooi.

Ŋikiru. 50:23

Eketopoloorito ayoŋ ŋituŋa ŋulu eponeneete alakara neni kaŋ ituruworito alakara kec amuronot neni kaŋ; ikes ŋulu iwuapito ŋakiro ŋuna ka akiyookino, etoodikini ayoŋ ikes aiuno kaŋ.”

Ŋikiru. 51:19

Ikiponi nai isua ainakin iyoŋ ŋamuronisya ŋuna iyookino ŋuna ikitalakarete iyoŋ ka ŋainakineta ŋuna epeyo ŋuna ikitalakarete iyoŋ; ido earyo isua ŋimoŋin namuroet kon erae amuronot.

Ŋikiru. 66:10

Okoe Akuj, idau iyoŋ akikatakin isua; ikikatak iyoŋ isua lopite ŋolo ikatakinere esilipa.

Ŋakit. 17:3

Eliyo esilipa ka egolid anibore a ŋini ipoere ikes alokitet tojokyata, nai Ekapolon iŋes elii ŋitai a ŋituŋa tojokyata.

Ŋakit. 25:4

Ani kelemar ibore ŋini aronon daadaŋ alosilipa, itiyauni eketyakan ŋasuwa eborosit ŋolo ajokan alosilipa.

Isa. 1:25

Anapedor kaŋ, akaremokin ayoŋ iyoŋ; alemari ayoŋ neni aronon aneni kon, lopite ŋolo eliere asuwat ka alemari ayoŋ ŋuna nyejokak aneni kus.

Isa. 48:10

Topupokisi, eketojoku ayoŋ iyes nai meere ikwa esilipa; ekekatak ayoŋ iyes anakimyekin ŋimoe ikisican iyes.

Isa. 61:6

Nai ikinyarao iyes ŋisacaradotin a Ekapolon ikinyarao iyes ŋiketiyanakinak Akuj yok. Ileileete iyes ebari a ŋakwapin, iturokinosi iyes aŋuna a ebari kec.

Yer. 9:7

“Aŋun, alimu Ekapolon ŋolo a ŋajoresyo atemar, ase tokona ayoŋ ŋituŋa kaŋ, ido ekatak ikes. Anukiro tokona ŋace emaikina ayoŋ etiya neni a ŋituŋa kaŋ a ŋulu arubakis eseceneneete?

Esek. 20:38

Alemari ayoŋ aneni a ŋituŋa a ŋulu akaŋerito ayoŋ, ŋulu nyecamito akiwuap ŋakiro kaŋ. Ayauni ayoŋ ikes anakwapin aŋuna iboiyoto tokona erae ŋigelaanotin, nai nyelomarete ikes nakwap a Isirael. Ŋun nai iyenuniata iyes atemar arae ayoŋ Ekapolon.

Dan. 11:35

Earyo ŋice a ŋikaosok a ŋul, ikotere ikes itojokunio, italeunio ka itesegunio akitodol apaki ŋina ka asalunet, anerae erae ŋun ŋuna itiyakin anapaki a ŋina etubunitoe.

Dan. 12:10

Italeunio, itesegunio ka itojokunio ŋulu alalak, nai erubakinete ŋulu aronok itiyaete aronis. Mam ipei daŋ aneni a ŋulu aronok ŋini eyenuni ŋakiro, nai eyenunete ŋulu aosok.

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Ekim. 8:6

“Totyaka ŋilepi aneni a Ŋisirael a ŋuluce, ido kitaleu ikes.

Luk. 3:16

Toboŋok Yoana ikes daadaŋ tema, “Kire ekebatisae ayoŋ iyes a ŋakipi, nai ebunit ŋolo ekeloit ayoŋ ŋolo nyapedori ayoŋ tari alacakin ŋakeemuk. Ikibatisae iŋes iyes a Etau a ŋolo Asegan ka akim.

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 15:16

Aruwor ayoŋ eketiyan ŋolo a Yesu akitiya aŋuna a ŋituŋa a ŋulu nyerae Ŋiyudayan. Etiyae ayoŋ ikwa esacaradoti analimonokin Ŋakiro ŋuna Ajokak ŋuna eponito aneni ka Akuj, ikotere nai ŋulu nyerae Ŋiyudayan eruworosi amuronot ŋina ecamunit Akuj, ŋina etojok Akuj nooi alotooma Etau ŋolo Asegan.

Ŋipil. 2:17

Nai tari erae kainak akiyar kaŋ ikwa amuronot, kiyatakinae namuronot kus, ŋina erae anupit kus; alakari ayoŋ ka ikimori alelyan kus.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

2 Tim. 4:6

Aneni kaŋ, adol apaki ŋina ekepotorere ikwa amuronot, apaki ŋina aesikinia ayoŋ akiyar na.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 12:10

Apotu atapapa yok ikisican iwon apaki ŋina euruwuana alopite a ŋolo ayenete ikes, nai ikisicani Akuj iwon aŋuna ka akiŋarakin iwon, ikotere kikwaanikinos ŋipitesyo yok ka ŋulu keŋ.

1 Pet. 1:7

Erae ikes ŋakikatanakinet anupit kus kerae ŋina a kire. Tari egolid daŋ ŋolo epedoryo akinyasun, ikatakinio ka akim; anupit kus daŋ ŋina ejok nooi akilo egolid, itemokino torotae, ikotere etitinyikini. Aŋun, iryamunete iyes akipuro ka apolou ta akereru apaki ŋina isileereunere Yesu Kristo.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 1:6

Ikituruwo iŋes iwon apukan ŋina a ŋisacaradotin a ŋulu itiyaete neni ka Akuj a Papa keŋ. Toyai apolou ka apedor neni a Yesu Kristo ŋikaru ka ŋikaru! Amen.

Akis. 3:18

Aŋun, akalimokini ayoŋ iyoŋ, togyelu egolid aneni kaŋ, egolid ŋolo eliitae ka akim, ikotere tobar. Togyelu daŋ ŋilowi ŋulu akwaŋak, ikotere torapya ŋileec kon ŋulu ileryo. Togyelu tari ekitoe ŋolo a ŋakonyen kon, ikotere tokienyu.

Akis. 5:10

Ituruwo iyoŋ ikes apukan a ŋisacaradotin ŋulu ka Akuj yok, ipukaete ikes akwap.”