Mal. 3:17 - Ebaibul

¹⁷ Ebala Ekapolon ŋolo Etiron ebe, “Eruworosi ikes ŋulu kaŋ, ani edoli akoloŋit ŋina eturuworya ayoŋ ikes ŋituŋa kaŋ a elope, nyaari ayoŋ ikes, esyoni ayoŋ ikes lopite ŋolo epedorya papa akisyon lokoku keŋ ŋolo itiyanakini iŋes.

Mal. 3:17 Iomraidhean Croise

Neem. 13:22

Tosodi abu ayoŋ olimok ŋilepi atemar kitaleunos, ido potu akitere ŋipukei, ikotere iricitae Sabato erae akoloŋit ŋina asegan. Okoe Akuj kaŋ, totamunite ŋakiro ŋun daŋ ikitojokit ayoŋ ka kiuryarae ayoŋ alotooma amina kon ŋina apolon ŋina nyiryaŋiryaŋa.

Ŋikiru. 115:13

iterereŋi iŋes ŋituŋa ŋulu itopoloorito iŋes, ŋulu cicik kaapei ka ŋulu apolok.

Ŋikiru. 135:4

Abu Ekapolon toseu Yakob aruwor ituŋanan keŋ, abu Ekapolon toseu Ŋisirael aruwor ŋituŋa keŋ a elope.

Awos. 19:5

Ani tokona kiwuapa iyes ŋakiro kaŋ nooi, ido kirica Acamunet kaŋ, iruworosi iyes ŋituŋa kaŋ ŋulu amina ayoŋ nooi alotuŋa a daadaŋ anakwap. Kire erae akwap daadaŋ ŋina kaŋ,

Awos. 32:32

Nai tokona, akadyekit ayoŋ iyoŋ kisyoni asecit kec ŋin, ani pa kisyon, kikisa ekiro kaŋ alokitaabo a ŋolo igirit iyoŋ ŋirorwa a ŋituŋa.”

Eete a Ŋie. 2:16

Erae ŋolominat kaŋ ŋolo kaŋ ka arae ayoŋ ŋina keŋ; iyoki iŋes ŋamesekin keŋ lonya ŋulu eya neni eya ŋicomocomo,

Isa. 4:2

Akoloŋit ŋin, idodouni ateni ŋina ke Ekapolon kibusyar ka tojokyar nooi, ido ejokyata nooi ŋaraito ŋuna ka akwap, kibusyata nooi aŋuna a ŋipiya a Isirael.

Isa. 43:1

Nai tokona Ekapolon ŋolo ikisubuni iyes ŋiletok a Yakob, iŋes ŋolo ikisubuni iyes ŋituŋa a Isirael iŋes alimu atemar: Nyikuryaketa, anerae adau ayoŋ alakun iyes; akanyar ayoŋ iyes a ekiro, ido iruworosi iyes ŋituŋa kaŋ.

Isa. 43:21

ŋituŋa ŋulu abu ayoŋ osub aŋuna kaŋ a elope, topedoryata ikes akipuro ayoŋ.

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Esek. 16:8

“‘Abu nabo ayoŋ etoru diyete kon ekaku, ekeŋolik iyoŋ kiruwor ŋina kitemokin akitiŋ ŋikilyok. Abu ayoŋ eketanapik iyoŋ elou kaŋ tojoŋo akiler. Abu ayoŋ eik aminakin iyoŋ ka abu ayoŋ ocamunos ka iyoŋ toruwor iyoŋ ŋina kaŋ.

Sepan. 2:2

tocununos eriŋa iyes nyiritara nariet ikwa ŋikabinin ŋulu ekutarit ekuwuam, eriŋa nyedoluno neni kus anyunyura ŋina aronon ŋina ke Ekapolon. eriŋa nyedoluno neni kus akoloŋit ŋina ka anyunyura ke Ekapolon.

Sakar 13:9

Ekatakini ayoŋ ŋituŋa ŋulu idoŋete, ekatakini ayoŋ ikes oliu ikwaŋina eliyere esilipa, ekatakini ayoŋ ikes, ikwaŋina ipoere egolid toanyunere erae kejok. Enyaraete ikes ekiro kaŋ, ido aboŋokini ayoŋ ikes. Alimokini ayoŋ ikes ebe, ‘Irae iyes ŋituŋa kaŋ,’ ido elimunete ikes ebe, ‘Erae Ekapolon Akuj kosi.’ ”

Mal. 1:6

Ebala Ekapolon ŋolo Etiron neni a ŋisacaradotin ebe, “Itopoloorit ikoku ŋinisapat papa keŋ ka itopoloorit eketiyan ekapolon keŋ. Arae ayoŋ papa kus, kaanukiro nyikitopolooritotor iyes ayoŋ? Arae ayoŋ Ekapolon kus, kaanukiro nyikikeritotor iyes ayoŋ? Ikijamuwarito iyes ayoŋ, ido ibasi iŋitasi ebe, ‘Alipite ikijamuwarya isua iyoŋ?’

Mal. 4:3

Akoloŋit ŋin ŋina etiyakinia ayoŋ ŋun, ilounete iyes ŋulu itiyaete aronis, ipudaarete iyes ikes ikwa apuwa ŋina eyai kwap nakejen kus.

Mat. 25:34

Etemari Erwosit isirwori ŋituŋa ŋulu aloteten keŋ, ‘Potu iyes ŋulu ikiterereŋit Papa kaŋ! Toryamut ajakaanut ŋina itemokinitoe aŋuna kus ameun anasubunet akwap.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

Ŋirom. 8:32

Abu Akuj nyewounia Lokoku keŋ, nai abu tojal iŋes aŋuna yok a daadaŋ! Abu ikiinak iwon Lokoku keŋ--nyikiinakini mono iŋes iwon ŋiboro daadaŋ alotooma Kristo a?

1 Ŋikor. 15:23

Nai iteyarunio ŋinituŋanan ikona: eteyarun mono Kristo; ekaku iteyarunio ŋikanupak a Kristo apaki ŋina eboŋunio iŋes.

1 Ŋikor. 6:20

Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.

2 Ŋikor. 6:18

Abuni ayoŋ oruwor Papa kus ka iruworosi iyes daŋ ŋidwe kaŋ ŋulusapa ka ŋulupesur, adau Ekapolon ŋolo etiron alimun.”

Ŋigal. 5:24

Adaut ikes ŋulu erae ŋulu a Kristo akitotwakiar aseconu ŋina alotooma kec ka ekibure keŋ alomusalaba a Kristo.

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 7:6

anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.