Mal. 3:13 - Ebaibul

¹³ Ebala Ekapolon ebe, “Idaut iyes akirworo ŋakiro ŋuna apipilak neni kaŋ.” Nai iŋitasi ibasi, “Anukiro ŋuna apipilak ŋuna ikirworo isua neni kon?”

Mal. 3:13 Iomraidhean Croise

Yob 15:13

ido iremokin iyoŋ alotau kon Akuj ka imyekinit ŋakiro ŋuna itoroniaritor Akuj itorunito nakituk kon?

Yob 40:8

Icamit iyoŋ akituruwor ayoŋ ŋolo nyetiyae ŋuna iyookino a? Itemari iyoŋ adyekarit ayoŋ, ikotere ikituruworyo iyoŋ ŋolo iyookino a?

Ŋikiru. 10:11

Etamete ikes alotai kec ebe, “Nyemitakinit Akuj ŋakiro ŋun, adau akiwua ereet, nyepedori iŋes akiŋolikin ŋakiro ŋun.”

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Isa. 3:8

Kire, iteriterosi ŋituŋa a Yerusalem ka ebusokin ŋituŋa a Yudaya, anerae ŋakiro ŋuna irworosi ka ŋuna itiyaete ikes, erae aŋuna ka aŋeryo ka aremokinor apolou ŋina a Ekapolon!

Isa. 37:23

“Ŋae mono ijamuwa ka iyany iyoŋ? Ŋae mono icelanakini iyoŋ iremokino? Ŋae mono ite iyoŋ irae ŋolo itopolooro bon nooi? Itiya iyoŋ ŋun iremokino Akuj ŋina asegan ŋina a Ŋisirael.

Isa. 46:12

“Iyes ŋituŋa ŋulu egogoŋ ŋakyes, iyes ŋulu ilwaka analakuno!

Isa. 5:19

iyes ŋulu ibasi, “Kimyekisi Ekapolon kiburuburak akitiya etic keŋ, ikotere isua ikiŋolikini, kimyekisi ŋakiro ŋuna eye Ekapolon Akuj ŋina Asegan ŋina a Isirael kitiyakin atipei, ikotere isua ikiyenuni!”

Yer. 44:18

Nai ameun anapaki a ŋina ajoŋoere isua ainanakin ŋainakineta neni a arwosit a ŋina anakuj ka ainanakin iŋes ŋainakineta ŋuna a ŋimaten, ecanakinoi isua ŋiboro daadaŋ ka ikiari a ekileŋ ka eron.”

Yer. 8:12

Apotu ikes kitiyata ŋuna a ŋileec, apotu kitiyata ŋakiro ŋuna asiilyanak, ido nyiruma ikes ŋileec, pa apotu ikes toyenut epite ŋolo anyunyuratar ikes make, aŋun, etwakete ikes daŋ lopite ŋolo aponiata ŋuluce totwaka, apaki ŋina abunio ayoŋ akisican ikes, ereunio ikes.

Esek. 18:25

“Nai ibasi iyes, ‘Nyiyookino akiwuapit ŋuna ke Ekapolon.’ Kiirasi tokona okoe iyes Ŋisirael: Nyiyookino kire akiwuapit ŋakiro kaŋ a? Meere kire ŋuna iwuapito iyes nyiyookino a?

Esek. 35:13

Idaut iyes erwor iturosi nooi ikimanito ayoŋ, iyatakis iyes ŋakiro kus ŋuna ikimanitotor ayoŋ, adau ayoŋ akiirar ŋun.

Osea 7:16

Ewuapakis ikes ŋakujo ŋuna nyepedorete akiŋarakin ikes ekwaanikin ikes ka ekaleŋeleŋet ŋolo ipelesiyar nariet, earyo ŋikapolok kec a ekileŋ a ŋuna a ŋakiro a ŋuna aronok a ŋuna irworosi ikes. Epote Ŋijipitian akyenar ikes alo Ijipit.

Mal. 2:14

Nai iŋitasi iyes ibasi, ‘Kaanukiro?’ Erae aŋuna eraakar Ekapolon esuuda ŋolo eyeni atemar nyeriŋa iyoŋ ikinyomit aberu ŋina ibu iyoŋ kiit eriŋa irae esorokit. Arae sek aberu ŋin ŋina irukito ka iyoŋ ejok, ido tokona nyeriŋa iyoŋ ikinyomit iŋes tari daŋ ŋina ibunio iyoŋ kiik Akuj ekiŋaren atemar ikinyomi iŋes.

Mal. 2:17

“Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”

Mal. 3:12

Etemarete nai ŋituŋa a ŋakwapin a ŋuna alalak ebe, ‘ Irae iyes ŋituŋa ŋulu ilakara,’ anerae eruwor akwap kus ŋina ejok akiboiyo.”

Mal. 3:14

Idaut iyes alimun ebe, “Mam ajokis ikitiyanakini Akuj. Alipoida ikiryamuni iwon anakiwuapit ŋakiciketa ka Akuj, kori ikirubakinit ikigworonokini Ekapolon ŋolo etiron?

Mal. 3:8

“Ekeŋisit ayoŋ iyes ebe, ‘Ejok mono ituŋanan akoko Akuj a?’ Mam nyejok, nai ikikokoyete iyes ayoŋ, ido iŋitasi ibasi, ‘Alipite ikikokoya isua iyoŋ?’ Ikikokoyete iyes ayoŋ aŋuna nyiyaununiyata atutubet apei alotooma ŋatomon aloboro kus ka aŋuna nyikiinanakiniata ayoŋ ŋainakineta.

Ŋirom. 9:20

Nai ŋae mono iyoŋ ituŋanan itepegi Akuj? Nyepedori amot akiŋit ekayan keŋ ebe, “Kaanukiro ikiyeunia iyoŋ ayoŋ ikwana?”

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.