Mal. 3:10 - Ebaibul

¹⁰ Yautu atututbet apei alotooma ŋatomon aloboro kus Kai ka Akuj, ikotere tolalaar akimuj a nen. Kikatakisi mono iyes akitiya ŋun neni kaŋ, iŋolikinete iyes aŋauni ayoŋ ajokis daadaŋ ŋina anakuj, ido obuk neni kus ŋiboro daadaŋ ŋulu ajokak.

Mal. 3:10 Iomraidhean Croise

Akisy. 28:22

Tosodi eruwor amoru na ŋina etowoik ayoŋ ne neni ilipere Akuj; ibore daadaŋ ŋini ikiinakini iyoŋ ayoŋ Akuj, akainakini ayoŋ iyoŋ atutubet apei anatomon.”

Akisy. 7:11

Alokaru a ŋolo adolioto ŋikaru a Noa ŋamiae ŋakanikapei, elap ŋolo a ŋiarei ŋirwa ka elap ŋitomon ka ŋikanikaarei, tolakakin ŋiitan ŋulu a ŋauwuata ka toŋaaros alokidiama ŋirotin daadaŋ ŋulu ebuneneo akiru.

2 Ŋirw. 7:19

A nen, ekapolokiniton ŋasigarya toboŋok Elisa tema, “Nyitiyakinosi ŋakiro ŋun tari daŋ keyau Akuj akiru atipei!” Apaki ŋin tolimok Elisa iŋes tema, “Iŋolikini iyoŋ elope a ŋakonyen kon itiyakinosi ŋun, nai nyinyami iyoŋ akimuj ŋin.”

2 Ŋirw. 7:2

Tolimu ekapolokiniton ŋasigarya ŋuna ke erwosit tema, “Nyitiyakinosi ŋakiro ŋun tari daŋ keyau Akuj akiru atipei!” Toboŋok Elisa iŋes tema, “Iŋolikini iyoŋ elope a ŋokonyen kon itiyakinosi ŋun, nai nyinyami iyoŋ akimuj ŋin.”

1 Ŋakiro a ŋirwa 26:20

Alo Lepi a ŋuluce, ainakinitae Aija apolokin ŋisiliŋa ŋulu ka Akai ka Akuj ka ŋagulei ŋuna eŋadao ŋainakineta ŋuna einakinitae neni ka Akuj.

Neem. 12:44

Akoloŋit ŋin aponi toseunae ŋikilyok apolokin ŋagulei ŋuna iŋadao ŋiboro lu: Ŋainakineta, ŋaraito ŋuna a ekiŋaren ka ŋatutubeta ŋapeipei alotooma ŋitomon a ŋiboro; arae etic kec acununun nagulei ŋun ŋiboro ŋulu elimunit ekisil yaunae aŋuna a ŋisacaradotin ka ŋilepi alomanikorin a ŋulu a ŋituŋa a ŋulu eboiyete alotaunio, anerae alakara ŋituŋa a Yudaya aŋuna a ŋisacaradotin ka ŋilepi ŋulu etiyaete etic alo Kai ka Akuj.

Neem. 12:47

Alorwa a ŋulu a Serubabel ka alorwa a ŋulu a Neemia ayaununeete a ŋinakoloŋit Ŋisirael daadaŋ ŋainakineta aŋuna a ŋikaeok ka a ŋiketeok ŋipukei. Atyakanarete ikes ŋiboro aŋuna a ŋilepi, ido atyakanarete ŋilepi ŋiboro ŋulu amaikina erae ŋulu a ŋiletok ka Aron.

Neem. 13:5

kitemok aŋuna a Tobia agule ŋina aloloman, ŋina sek ewuanakinete ikes ŋainakineta a ŋikinyom, ekinyate, ŋiboro ŋulu esitiyao alo Kai ka Akuj ka ŋatutubeta ŋapeipei alotooma ŋitomon a ŋikinyom, a epiini ka a akimyet, ŋainakineta ŋuna amaikina einanakinio neni a ŋilepi, a ŋikaeok ka ŋiketeok ŋipukei, ŋainakineta ŋuna acunununuyo aŋuna kec ka ŋainakineta aŋuna a ŋisacaradotin.

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Ŋikiru. 78:23

Kikote neni daŋ, abu Akuj kisirwor kidiama, toŋaa ŋipukei ŋulu alokidiama,

Ekal. 11:3

Ani eruwor edou ŋakipi bon, ebukun ŋakipi ŋun kwap erae akiru. Ewae daadaŋ ŋolo imasar ekitoe, kerae lowae ŋolo alo Kwap, kori ŋolo alo Kuju, neni daadaŋ eukokin iŋes, eperi a nen.

Esek. 34:26

Eterereŋi ayoŋ ikes, esilimi ayoŋ akiru edoli apaki nakiboisyo ŋuna irimokinito emukura kaŋ kidiŋ, eruwor akiru ŋin arereŋu aneni kec.

Esek. 44:30

Ŋaraito daadaŋ ŋuna ajokak ŋuna esyaunak ka ŋainakineta daadaŋ ŋuna a ŋolokabila eyaunete Ŋisirael, eruwor ŋuna a ŋisacaradotin. Emaikina daŋ iyes inakis ŋisacaradotin ŋamugati kus ŋuna isyaunete akokore ipoo, ikotere torubak arereŋu eyai lokalya kus.

Osea 2:21

Ebala Ekapolon, “Akoloŋit ŋin aboŋokini ayoŋ ŋakilipasinei a Ŋisirael, emyekini ayoŋ akiru kilim nakwap.

Yoel 2:19

Abu Ekapolon toboŋok ŋituŋa keŋ tema, “Ekeyakikini ayoŋ iyes ŋikinyom, epiini ka akimyet, ido imwokete iyes; nyeketuruwori nabo ayoŋ iyes ŋulu ikijamuwarito ŋakwapin.

Yoel 2:24

Ilelebun ŋikinyom nalosin kus ŋuna iramyata iyes; elelebun epiini ŋolokitete ka akimyet anamoti kus kilapanar.

Ŋilep. 26:10

Irubakinete iyes imujete akimuj ŋina ke ekaru a ŋolo alunyar akitodol ŋina ilemaryata aneni iŋadatae, ido kilunyokis nen ŋina kitete.

Ŋilep. 26:3

“‘Ani kiwuap iyes ŋakiro ŋuna atubunit ayoŋ, ido kirica ŋakiciketa kaŋ ka kirica ikes anakikinyoma,

Ŋilep. 27:30

“‘Ŋainakineta ŋuna ilemete iyes anakwap daadaŋ aŋuna ke Ekapolon, kerae ŋikinyom kori ŋaraito a ŋikito, erae ŋuna ke Ekapolon; esegak ikes aneni ke Ekapolon.

Agai 2:19

Tari kemam tokona ŋikinyom anatukito kus, tari pa keraito ŋikito lu: Ŋulu ke epiini, ŋiboboryo, ŋikito ŋulu ikwaan ka ekacikicikit ŋulu enyaritae Pomegrate ka ŋulu enyaritae Olipa, Ameun akoloŋit na tari momit, eketerereŋi ayoŋ iyes.”

Ekim. 18:21

“Ainak ayoŋ ŋilepi atutubet apei alotooma ŋitomon a ŋinibore daadaŋ alo Isirael aruwor ŋini kec totacere ikes aŋuna ke etic a ŋolo itiyaete ikes alotooma eema ŋolokilipet.

Mat. 6:33

Nai kiwara mono Apukan ŋina anakuj ka akiyookino ŋina ka Akuj, toruworos nai ŋiboro ŋul daadaŋ ŋulu kus.

Ŋikis. 12:6

yaanasi nen ŋainakineta kus ŋuna epeyo ka ŋamuronisya kus, atutubet apei alotooma ŋitomon a ŋiboro kus ka ŋainanakineta kus, ŋainakineta ŋuna ikoŋit ituŋanan ainakin neni ke Ekapolon, ŋainanakineta ŋuna eyauni ituŋanan a acamit keŋ, ŋikiyae a ŋaatuk kus ka a ŋamesekin kus.

Ŋikis. 14:22

Totyakasi atutubet apei alotooma ŋitomon a ŋaraito a ŋikinyom kus a daadaŋ a ŋulu elemununiyete iyes a ŋolokaru alomanikorin kus.

Ŋikis. 14:29

ikotere ŋilepi ikwapei nyeryamunitotor ikes akwap ŋina ekorakinitae ikes ŋina eruwor ŋina kec eryamunete akimuj ŋina itemokino kaapei ka ŋigelae, ŋikokyok ka ŋapuseru ŋituŋa ŋul ŋulu eya lotaunio kus, ikiterereŋi iyes Ekapolon Akuj kus aloticisyo a daadaŋ a ŋulu itiyaete iyes.

Ŋikis. 28:12

Eŋaari Ekapolon aŋuna kus kidiama neni ebuneneo akiru kiyaku akiru, nakwap kus anapaki a ŋina itemokino, ido kiterereŋ ŋiticisyo daadaŋ ŋulu itiyaete iyes. Idenikinete iyes neni a ŋituŋa a ŋakwapin a ŋuna alalak, nai nyideniunete iyes aneni kec idiobore.