Mal. 2:9 - Ebaibul

⁹ Aŋun, ayoŋ daŋ eketuruwori iyes ŋulu ikijamuwaritae ka ŋulu ikisirumito ŋituŋa daadaŋ ŋileec, anerae iŋero iyes ŋuna abala ayoŋ kiwuapa, ido nyitatamete iyes ŋituŋa ŋakiro ŋapei.”

Mal. 2:9 Iomraidhean Croise

1 Ŋirw. 22:28

Tolimok Mikaia iŋes tema, “Ani kire kiboŋu iyoŋ alojie emam ŋace, iŋes atemar nyirworo Ekapolon neni kon aneni kaŋ.” Toropak iŋes erwor keŋ tema, “Kiirasi ŋituŋa daadaŋ ŋakiro ŋuna adau ayoŋ alimun!”

Yob 32:21

Alimuni ayoŋ ŋakiro pa ariit neni a idiotuŋanan, kori nyerwori ayoŋ ajamuwarit idio,

Ŋakit. 10:7

Atamunit ŋituŋa ŋulu iyookino, erae arereŋu, nai epuripuryaar ŋirorwa a ŋulu aronok.

Ŋakit. 12:8

Ani keos ituŋanan, ipurete ŋituŋa iŋes, nai ani kebaŋaana ituŋanan, ejamuwarete ŋituŋa iŋes.

Esek. 13:21

Aciliciliyari ayoŋ ŋakitambarae a ŋakyes kus, oiu ŋituŋa kaŋ anapedor kus, ido nyikyenatar nabo jik iyes ikes anapedor kus, iyenunete nai iyes atemar arae ayoŋ Ekapolon.

Esek. 7:26

Ikiropikinete iyes ŋican, ikiropikinete iyes ŋirworisya ŋulu ka alyokonu; iitanete iyes ayenun alokadwaran ŋakiro ŋuna eponito; edaun esacaradoti ŋakiro ŋuna ikitatami iyes, edaun ŋikasikou ŋakiro ŋuna ikisirworiuniata iyes.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Naum 3:6

Eketoodikini ayoŋ iyoŋ atemar akajamuwarit ayoŋ iyoŋ, akawuatakini ayoŋ iyoŋ aoret,

Mal. 2:3

Esicani ayoŋ ŋiletok kus; awuatakini ayoŋ loreetin kus ŋikujit a ŋibaren a ŋulu imurotor iyes, ido itorikor iyes kiŋa eya ŋikujit loreetin.

Mal. 2:8

Nai imyekis iyes ŋuna emaikina kitatama, ido anakitatam kus, irikokis ŋikalalak akitiya aronis. Iŋero iyes Acamunet ŋina abu ayoŋ ocamunotor ka Lepi.

Luk. 10:29

Nai ikwapei acamitor iŋes akitojoka, abu iŋes kiŋit Yesu tema, “Ŋae erae ekaakidunyet?”

Luk. 11:42

“Ekaŋ iyes Ŋiparisayon! Ilemyanakinete iyes Akuj alemikinet apei anatomon a ŋikito a ŋulu itoboboete akimuj, nai ijamakinito iyes ŋakiro ŋuna iriyan ŋuna ka Akuj ka amina keŋ. Itemokino iyes akitiya nu tomam ajamakinit ŋunace.

Ŋigal. 2:6

Nai ikes ŋulu asibito ŋikarikok, apotu nyakalimokis ayoŋ ŋakiro ŋace ŋuna kitet. (Aneni kaŋ, nyerae ikes ŋikarikok, aŋuna ke epite a ŋolo paaran ayakatar ikes; anerae nyetubonokini Akuj aŋuna ke etakane.)

Ŋikis. 1:17

Nyemaikina iyes iriito ka ituŋanan ipei apaki ŋina itubioto iyes ŋakiro, totubo ŋakiro eriyan aŋuna a ŋulu itopolooritae ka ŋulucaryo, nyemaikina ituŋanan idio ikitukuryan iyes, anerae erae atubokinet ŋina ka Akuj. Ŋakiro ŋuna egogoŋ iyes akitub iyautu neni kaŋ, ido opupok ayoŋ.’

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’