Mal. 2:7 - Ebaibul

⁷ Erae etic ke esacaradoti akitatam ŋuna ka aosou, ido emaikina ŋituŋa kiwara ŋakiro ŋuna itatami iŋes, anerae erae iŋes ekiyakia ŋolo ke Ekapolon a ŋolo Etiron.

Mal. 2:7 Iomraidhean Croise

2 Ŋirw. 16:11

Todukok esacaradoti Uria Namuroet isikwaanikinit ke etorube ŋolo eyakikini erwosit Aas iŋes alo Damasko. Toduku jik Uria Namuroet ŋin ikwaan per ke etorube ŋolo eyakikinio iŋes kirikak eriŋa erwosit Aas nyeboŋuno alo Damasko.

2 Ŋirw. 16:16

Kitiya esacaradoti Uria lopite ŋolo aris erwosit Aasia kicikia iŋes akitiya.

2 Ŋakiro a ŋirwa 30:22

Kirwor Esekia neni a ŋilepi a daadaŋ ŋakiro ŋuna esimukekinak nooi, anerae etoodiunito ŋilepi ayenut kec nooi etic ŋolo ke Ekapolon. Apotu ŋilepi kimuja ŋirwa ŋikanikaarei ŋinerin a ŋibaren ŋulu ainakinitae ikes, inanakis ŋainakineta ŋuna ke ekisil ka kipuro Ekapolon Akuj atapapaa kec eosi.

2 Ŋakiro a ŋirwa 31:4

Tolimok erwosit ŋituŋa ŋulu eboiyete alo Yerusalem alemun ŋainakineta ŋuna emaikina inakinae ŋisacaradotin ka ŋilepi, ikotere ikes itiyaete apaki daadaŋ etic ŋolo ke Ekapolon lopite ŋolo elimunitere alotooma ŋikisila ŋulu ke Ekapolon.

Esir 7:10

Arae Esira ituŋanan ŋini kebu kiwuak etau akiswon ŋikisila ŋulu ke Ekapolon ka akiwuap ikes ta ŋakiro ŋuna etubunitoe ka ŋikisila alo Isirael.

Esir 7:25

“Tosodi iyoŋ Esira, anaosou kon a ŋina ikiinit Akuj iyoŋ, toseu ŋikarikok a ŋituŋa ka ŋikatubok ŋakiro ŋulu etubete ŋakiro a ŋituŋa daadaŋ anakwap a ŋina alokekwaye aŋolol Eupurate, emaikina ŋikilyok ŋul toyenete ŋikisila ŋulu ka Akuj kon, tosodi emaikina iyoŋ kitatam ŋulu nyeyenete ŋikisila ŋulu ka Akuj.

Ŋakit. 5:2

ikotere iyoŋ imukyaaniar anakiwuapit, ŋipitesyo ŋulu ajokak ka itoodiunete ŋakiro ŋuna irworo iyoŋ atemar ios iyoŋ.

Ekal. 5:5

Ejok iyoŋ awoun akiikin akilo iyoŋ akiikin, ido nyitiya ŋuna idau iyoŋ akiikin.

Isa. 42:19

Ŋae emudukana, mati eketiyan kaŋ? Kori ekiŋimana ikwaan ka eketiyan kaŋ ŋolo eyakit ayoŋ? Ŋae emudukana ikwaan ka ŋolo einakina aŋuna kaŋ, kori emudukana ikwaan ka eketiyan ŋolo a Ekapolon?

Isa. 44:26

Ayoŋ esiyoonokini ŋakiro ŋuna irworosi ŋiketiyak kaŋ ka esiyoonokini ŋakiro ŋuna edwarete ŋikiyakya kaŋ; ayoŋ alimuni aŋuna a Yerusalem ebe, ‘Epote ŋituŋa akiboi alotooma keŋ’ ka ayoŋ alimu aŋuna a ŋitaunio a Yudaya ebe, ‘Edukokinio ikes nabo ka etonyouni ayoŋ ŋarwatatain a ŋakais kec ŋuna eritanakina.’

Yer. 15:19

Aŋun, abu Ekapolon tema neni kaŋ, “Ani kiboŋunit iyoŋ neni kaŋ, ekejauni ayoŋ iyoŋ nabo, ido ibuni iyoŋ akitiyanakin ayoŋ nabo. Ani kirwor iyoŋ ŋakiro ŋuna ajokak, meere ŋunacaryo, iruwor iyoŋ ekadwaran kaŋ. Eboŋunete ŋituŋa neni kon meere iyoŋ iboŋori neni kec.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Esek. 22:26

Etiyata ŋisacaradotin anakwap kec ŋakiro ŋuna nyecamakinito ŋikisila kaŋ, esitiyata ŋiboro kaŋ ŋulu asegak alopite a ŋolo aronon, nyeyenete atemar nyaalu ŋiboro ŋulu asegak ka ŋulu nyesegak, mam daŋ nyitatama ikes ŋituŋa toyenut ibore ŋini itoroniyaritae ka ŋini nyitoroniyaritae, aŋero ikes atamunit ŋarwa kaŋ ŋuna a Sabato, aŋun, adaut ikes ajamuwar ayoŋ alokidiŋ kec.

Esek. 7:26

Ikiropikinete iyes ŋican, ikiropikinete iyes ŋirworisya ŋulu ka alyokonu; iitanete iyes ayenun alokadwaran ŋakiro ŋuna eponito; edaun esacaradoti ŋakiro ŋuna ikitatami iyes, edaun ŋikasikou ŋakiro ŋuna ikisirworiuniata iyes.

Dan. 11:33

Itatamete ŋulu aosok alotuŋa ŋituŋa ŋulu alalak toyenut ŋakiro, tari daŋ keponio akiar ikes a ekileŋ, kori akicuny ikes, kori akikamar ikes, kori aŋatar ikes.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Ŋilep. 10:11

ido emaikina iyoŋ kitatam Ŋisirael ŋakiro daadaŋ ŋuna atubu Ekapolon ŋuna adau alimun aneni a Moses.”

Sepan. 3:4

Nyemukyaka ŋikadwarak keŋ, mam anupit eyakatar ikes; etisiilyan ŋisacaradotin keŋ akibois ka Akuj. Abila ŋikisila ka Akuj emam ŋileec.

Agai 1:13

Tolimok nai Agai, ekiyakia ŋolo ke Ekapolon ŋituŋa ŋakiro ŋuna ke Ekapolon tema, “Ebala Ekapolon, ikirukit ayoŋ ka iyes.”

Sakar 7:3

ka akiŋit ŋisacaradotin ka ŋikadwarak akiŋiset na, “Erubakinio mono isua ikigworo aŋuna ka Akai a ŋina emunaara a ŋina ka Akuj a? Ikirubakini mono isua ikiredanakini akiron elap ŋolo a ŋikan lopite ŋolo sek ikiredanakinia akiron ŋikaru ŋulu alalak ŋulu alunyar a?”

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Ekim. 27:21

Nai, ewoi iŋes alokiŋaren Eleasar esacaradoti, ŋolo iŋitununui aŋuna keŋ ŋakiro anakisileerekinet a ŋina ke Ekapolon, mati kelimu iŋes atemar apena toloto nai Ŋisirael daadaŋ ka iŋes lojie ka mati kelimu iŋes atemar oboŋosi, iŋes nai eboŋunioto iŋes ka Ŋisirael daadaŋ alojie.”

Yoa. 13:20

Akalimokini ayoŋ iyes kire atemar, ŋini ijauni ituŋanan ŋini eyakit ayoŋ, ekejauni ayoŋ, nabo ituŋanan ŋini ekejauni ayoŋ, ijauni ŋolo ekeyakuunit ayoŋ.”

Yoa. 20:21

Tolimok nabo Yesu ikes tema, “Toyai ekisil neni kus. Ikwaŋinapei ekeyakitor ayoŋ Papa, ekeyaki ayoŋ iyes daŋ.”

Ŋitic. 16:17

Kiwuapu iŋes Paulo ka isua ecela ebala, “Erae ŋikilyok lu ŋiketiyak ŋulu ka Akuj a ŋina alokidiama nooi! Iseraete ikes epite ŋolo ipedoryata iyes aiuno!”

2 Ŋikor. 5:20

Ikirae isua ŋikawuoikinitok ŋulu a Kristo ka erae neni kosi ikinyaritor iyes Akuj anakiro kosi: alokiro a Kristo, ikimaimai isua iyes tocamut akimorikin ka Akuj.

Ŋigal. 4:14

Nai tari ŋina abunio apalagu ŋina ka adyak kaŋ yau ŋatyokisyo neni kus, ipotu iyes nyikijamuwasi kori nyikiŋero ayoŋ. Akilo, ipotu iyes ikijaut ayoŋ esibit emalaika ŋolo ka Akuj; ipotu iyes ikijaut ayoŋ esibit ijaunito Yesu Kristo.

Ŋikis. 21:5

Epote nai ŋisacaradotin, ŋidwe a Lepi ŋulusapa kiŋaren, anerae aseu Ekapolon Akuj kus ikes akitiya aŋuna keŋ ka akiterereŋ alokiro ke Ekapolon ta akitub ŋakiro a ŋiburasinei a daadaŋ ka a ŋijiesyo a daadaŋ.

Ŋikis. 24:8

Tocoito nyielun nen kus edeke ŋolo ka amuny ka akuwan. Emaikina iyes kiwuapa daadaŋ ŋuna ikilimokinete iyes ŋisacaradotin ŋulu erae ŋilepi, lopite ŋolo ecikitor ayoŋ ikes.

1 Ŋites. 4:8

Aŋun nai, ŋini ewouni ŋakiro ŋun ŋuna ikilimonokini isua, nyerae ituŋanan eŋerit iŋes, nai Akuj, ŋina adau ainakin iyes Etau ŋolo Asegan.

1 Sam. 2:17

Abu asecit a ŋidwe ke Eli ŋin toroniar nooi aneni ke Ekapolon, anerae pa akerito ikes ŋainakineta ŋuna ayaununuyo neni ke Ekapolon.