Mal. 2:6 - Ebaibul

⁶ “Abu ayoŋ etatam iŋes ŋakiro ŋuna iyookino, abu ayoŋ eboiyoto ka iŋes a ekisil ka akiyookino, ido abu iŋes kibeleu ŋikalalak anasecit.

Mal. 2:6 Iomraidhean Croise

Akisy. 17:1

Ani edolete ŋikaru ka Aburam ŋatomonikanikaomwon ka ŋikanikaomwon, totakanu Ekapolon neni ka Aburam tolimok iŋes tema, “Arae ayoŋ Akuj ŋina Etiron, kiwuap ŋakiro kaŋ torae ituŋanan ŋini iyookino.

Akisy. 6:9

Erae lu ŋirorwa a ŋiletok a Noa a ekile a ŋolo eyookino, a ŋolo amam ŋuna etoronitotor ŋituŋa keŋ ka etopoloorit Noa Akuj anakiyar keŋ.

Ŋikiru. 119:142

Erae akiyookino kon akiyookino ŋina a ŋikaru ka ŋikaru, erae ŋikisila kon ŋulu a kire.

Ŋikiru. 119:151

Nai iapi iyoŋ aneni kaŋ okoe Ekapolon, ido erae ŋakiciketa kon daadaŋ ŋuna a kire.

Ŋikiru. 37:30

Irworosi ŋulu iyookino ŋuna ka aosou, ka irworosi ikes ŋuna ka akiyookino,

Ŋikiru. 37:37

Toyenutu ka kiwuapa ŋuna a ŋulu emam ŋuna itoronitere ka kiteto ŋuna a ŋulu iyookino, anerae epote ŋulu eminasi ekisil akiboi emam ŋace.

Ŋakit. 5:2

ikotere iyoŋ imukyaaniar anakiwuapit, ŋipitesyo ŋulu ajokak ka itoodiunete ŋakiro ŋuna irworo iyoŋ atemar ios iyoŋ.

Yer. 23:22

Nai ani kerae toyakas ikes neni erworor ayoŋ, kepedorito ikes akiserakin ŋakiro kaŋ lotuŋa kaŋ ka kisimyekinito ŋituŋa akiwuapit ŋipitesyo kec ŋulu aronok ka akitiya ŋiticisyo kec ŋulu aronok.”

Dan. 12:3

Ecaunete ŋikaosok lopite ŋolo ecaya akoloŋ alokidiama, ido ecaunete ŋikaru ka ŋikaru ŋulu erikunete ŋulu alalak nakiyookino lopite ŋolo ecayata ŋikacer.

Osea 4:6

Amunyarosi ŋituŋa kaŋ aŋuna amamukatar ayenut, anerae iŋero iyes ayenut, akaŋer ayoŋ daŋ iyes anarakau ŋisacaradotin kaŋ. Aŋuna ikimuryakiniata iyes ŋikisila a Akuj kus, ayoŋ daŋ ekemuryakinete ŋidwe kus.

Mat. 22:16

Kiyakiyasi ŋikapolok a Ŋiparisayon ŋikasyomak kec ka ŋituŋa ŋice ŋulu ka atukot a ŋina ke Erode neni a Yesu, tolimokis iŋes temasi, “Eketataman, ikiyeni isua atemar irae iyoŋ ŋolo a kire ka itatami ŋakiro ŋuna a kire ŋuna ka Akuj, nyimisit iyoŋ ŋuna etamete ŋituŋa, anerae nyityakatyakat ŋituŋa.

Mar. 12:14

Ani edolunete ikes neni a Yesu, temasi, “Eketataman, ikiyeni isua atemar irworo iyoŋ ŋuna iyookino ka nyimisit ŋuna etamete ŋituŋa. Nyityakatyakat iyoŋ ŋituŋa, nai itatami ŋuna a kire ŋuna ka Akuj. Ikicamakinito mono isua Ŋikisila akibuk ocur neni ke ekepukan a Roma kori mam?

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Luk. 20:21

Tolimokis ŋibekae ŋul Yesu temasi, “Eketataman, ikiyeni isua atemar iyookino ŋakiro ŋuna irworo iyoŋ ka ŋuna itatami daŋ. Nyimisit iyoŋ kepol ituŋanan kori kemam, nai itatami iyoŋ ŋuna a kire ŋuna ka Akuj alopite a ŋolo iyookino.

Ŋitic. 26:18

Iŋaari iyoŋ ŋakonyen kec, ikotere kibelekinos anakiryonut nakica ka anapedor a ŋina a Satan, pena neni ka Akuj; toryamut nai aŋuna ka anupit kec akisyonio ŋina a ŋasecisya ka akibois aneni a ŋituŋa a ŋulu eturuwo Akuj ŋulu keŋ.’

Ŋikis. 33:10

Itatamete ŋilepi ŋituŋa a Yakob ŋakiciketa kon ka itatamete Ŋisirael ŋikisila kon. Eyaununeete ikes ekinyate kiŋaren kon ka eyaununeete ŋainakineta ŋuna epeyo Namuroet kon.

Ŋikis. 33:8

Abu Moses kirwor ŋakiro nu aŋuna a ŋituŋa a ekabila a Lepi: Inak ŋiletok a Lepi ibore ŋini enyaritae Sumim, inak daŋ ikes ibore ŋini isileereununui ŋakiro ŋini enyaritae Urim, ŋiletok a Lepi ŋulu ibu iyoŋ kikatak alo Masa, ŋulu ibu iyoŋ apaki ŋina ayakatar neni aya ŋakipi ŋuna a Meriba,

Ŋikis. 33:9

ŋulu apotu temasi neni atapapa kec ka atatoto kec, “Nyikimisitae isua iyes.” Apotu ikes nyemitakis ŋiyeneta kec ka toŋero ŋidwe kec, anerae ericito ikes ŋakiro kon ka ericito Acamunet kon.

Akis. 14:5

Emam nyiirara adiolyokonu aneni kec, emam adioronis aneni kec.

1 Sam. 2:12

Arae ŋidwe ke Eli ŋulusapa ŋidwe ŋulu aronok nooi, pa amisito ikes ŋakiro ŋuna ke Ekapolon;