Mal. 2:2 - Ebaibul

² Ani pa kiwuapa iyes iŋes ka ani pa kikitopoloosi iyes ayoŋ alotai kus, eyakuuni ayoŋ ŋicen neni kus, ido alemari ayoŋ ŋarereŋisyo ŋuna iryamunete iyes, toryamut ŋicen nabo daŋ adau ayoŋ alemar ŋarereŋisyo ŋun, anerae nyikitopoloorito iyes ayoŋ alotai kus.

Mal. 2:2 Iomraidhean Croise

Ŋikiru. 69:22

Kimyek ŋasuban kec yaut amunyaro nenipei kec; kimyek ŋasuban ŋuna a ŋitalyo kec yaut atwakiyar nenipei kec.

Ŋakit. 3:33

Iceni Ekapolon ŋikalya a ŋulu aronok, nai iterereŋi ŋikalya a ŋulu iyookino.

Isa. 42:25

Ŋakiro ŋun ikes ainakinete iŋes anyunyurikin iwon nooi ka akiteryenyaanikin ŋimoe alojie; apotu ŋakiro ŋun inakis iŋes akiteryenyaanikin iwon ŋimoe alowaetin a daadaŋ, nai aponi iwon nyeyenun ŋun; apotu ŋun ikimunyasi iwon, nai aponi iwon nyeyenun ŋadi daŋ.

Isa. 47:7

Ibu iyoŋ tema, ‘Aruwor ayoŋ arwosit ŋikaru ka ŋikaru.’ ido ibu nyitamu ŋakiro ŋun, kori nyitamatam ŋuna itiyakin anakiro a ŋun ekaku.

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Yer. 34:17

Aŋun, alimu ayoŋ Ekapolon atemar, nyiwuapa iyes ŋakiro kaŋ, nyelacakina ŋikidunyet ka ŋikonei kus, emyekini ayoŋ ikilacakin iyes, alacakinio ŋina ikiyai iyes lokileŋ, lodeke ka loron. Eketuruwori ayoŋ iyes ŋulu inyasuna aneni a ŋituŋa a ŋakwapin a daadaŋ anakwap.

Esek. 3:7

Nai emam Ŋisirael ŋini ecamuni apupokin ŋakiro ŋuna irwori iyoŋ, anerae nyecamito daadaŋ akiirar ŋuna erworo ayoŋ aŋuna etogogoŋioto ŋakyes kec ka aruworotor ŋasyanisya alotai kec.

Agai 1:6

Idaut iyes akitare akimuj ŋina alalan, nai ilemut adio cici; imujete iyes, nai nyeryamuna iyes akimuj ŋina ikitemokino; imasete iyes, nai nyeryamuna iyes ŋimaten ŋulu ikitemokino, inapete iyes ŋilowi, nai mam ipei daŋ ŋini nyenyamit akaterot ka iyes ŋulu iryamununeete eropit, iryamununeete eropit kus, nai iroporito ŋisiliŋa alocweei kus.”

Agai 1:9

Ayoŋ Ekapolon ŋolo Etiron abala nen, ipotu iyes kiwara aryamun akimuj ŋina alalan, nai kiŋolikisi, abu toruwor ŋina edit, ani iyaunete iyes akimuj ŋin lore, abu ayoŋ okuta akimuj ŋin nariet. Kaanukiro? Erae aŋuna eriŋaakar Akai kaŋ eritakina, ido itiŋiyara iyes daadaŋ aŋuna a ŋakais kus a ŋikulepek.

Mal. 2:1

Ebala Ekapolon ŋolo Etiron neni a ŋisacaradotin ebe, “Erae tokona akiciket na ŋina emaikina iyes kiwuapa.

Mal. 3:9

Iruworosi iyes ŋulu aŋicen, iyes daadaŋ anakwap kus, anerae ikikokoyete iyes ayoŋ.

Luk. 17:18

Inyoni eraakar ituŋanan ŋini ka acekwap eboŋuni akipuro Akuj?”

Yos. 7:19

Tema Yosua neni ka Akan, “Lokoku, kitopoloo Ekapolon ŋolo erae Akuj a Ŋisirael, tolimok iŋes asecit kon. Tolimokinae ayoŋ ŋakiro ŋuna itiyat iyoŋ. Nyiwua ŋakiro ŋun aneni kaŋ.”

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

Akis. 14:7

Abu iŋes kirwor a etoil a ŋolo apolon tema, “Tokerito Akuj ka kitopoloorito iŋes! Anerae adolu apaki ŋina etubokinia iŋes ŋituŋa. Kilipa neni a ŋolo asubuni nakuj, akwap, anam ka ŋilelyan!”

Akis. 16:9

Aponi kicunyae ikes ka amwanis a ŋina arirae. Kiceno ikes ekiro ŋolo ka Akuj, a ŋina arae iŋes eyakuunit ŋakisicaneta ŋun daadaŋ. Nai apotu nyekiwa akitiya ŋasecisya ka apotu nyipuro ka nyitopoloosi Akuj.