Mal. 2:17 - Ebaibul

¹⁷ “Ituupa iyes Ekapolon a ŋakiro kus. Nai iŋitasi iyes ibasi, ‘Alipite ikituupya isua Ekapolon?’ Erae aŋuna irworotor iyes ibasi, ‘Ejokak ŋituŋa daadaŋ ŋulu itiyaete aronis alokiŋaren Ekapolon, ido elakara Ekapolon aŋuna kec,’ ka erae aŋuna iŋitatar iyes ibasi, ‘Ai mono eyai Akuj ŋina ka akiyookino?’ ”

Mal. 2:17 Iomraidhean Croise

Yob 34:17

Epedori mono ituŋanan ŋini eremokino akiyookino akipuka a? Ipedorete iyes akitoroniyar ŋini iyookino ka etiron a?

Yob 34:36

Emaikina Yob kikatakinae ejok anakiro keŋ a daadaŋ, anerae irworo iŋes ŋakiro ŋuna irworosi ŋituŋa ŋulu aronok.

Yob 36:17

“Nai ibu iyoŋ totum nooi anakimyaanakin akisican ŋulu aronok ikikamunito iyoŋ ŋakiro ŋuna pa itubio ŋakiro ka ŋuna pa iraakar ŋolo iyookino.

Yob 9:24

Einakinitae akwap napedor a ŋulu aronok, erapi Akuj ŋatameta a ŋikatubok ŋakiro nyepedosi akitub ŋakiro eriyan. Ani pa kerae Akuj itiyae ŋakiro ŋun, ŋae bo ice?

Ekal. 8:11

Aŋuna nyisicanere atipei ituŋanan ŋini itiyae aronis, eyai lotai a ŋituŋa atenit akitiya aronis.

Isa. 1:14

Eŋerit etau kaŋ ŋasuban kus ŋuna a ŋilapyo a ŋulukitet ka ŋasuban kus ŋuna emaikina iyes itiyaete, eketuupa ikes ayoŋ, ekesyaasi ikes ayoŋ nyapedori akidaŋidaŋ.

Isa. 29:15

Ekaŋ iyes ŋulu iwuaito nooi aneni ke Ekapolon ŋakiro ŋuna iyeete akitiya, iyes ŋulu itiyaete ŋakiro kus anakiryonut, iyes ŋulu ibasi, “Ŋae mono ikite iwon? Ŋae mono ikiyeni iwon?”

Isa. 30:18

Kikote neni daŋ ecamit Ekapolon akitiya ajokis neni kus, aŋun ebuni iŋes akisyon iyes; anerae erae Ekapolon Akuj ŋina ka akiyookino, erereŋ daadaŋ ŋulu idarito iŋes.

Isa. 43:22

“Kikote neni daŋ, okoe ŋiletok a Yakob, ipotu iyes nyikinyarata ayoŋ; nai okoe ŋiletok a Isirael, abu ikiup iyes akiwuapit ŋakiro kaŋ.

Isa. 43:24

Nyeyauna iyes neni kaŋ ŋakasirim ŋuna abobok kaapei ka ao, kori nyisimwonikina iyes ayoŋ a ŋasepwa a ŋamuronisya kus. Nai ikican iyes ayoŋ a ŋasecisya kus; ikituupa iyes ayoŋ a ŋaronisya kus.

Isa. 7:13

Tema nai Isaya neni ka Aas, “Kiirasi tokona iyes ŋiletok a Daudi, nyituupa mono iyes ŋituŋa anakidaŋidaŋ ŋakiro kus, ido icamito akituup Akuj kaŋ daŋ a?

Yer. 12:1

Okoe Ekapolon, irae iyoŋ jwi jwi ŋolo iyookino, ani kekesitak ayoŋ iyoŋ; esyakini nabo ayoŋ akirworo ŋuna ka akiyookino kon. Kaanukiro erubakinitotor ŋipitesyo a ŋulu itiyaete ŋuna aronok elosete kiŋaren ejok? Kaanukiro erubakinitotor ŋulu nyikinyomitae eyakatar akiyar ŋina ajokan?

Yer. 15:6

Ikiŋero iyes ayoŋ, iboŋete iyes kaku. Aŋun, adau ayoŋ akisican ka amunyar iyes, anerae akaup ayoŋ akidaŋidaŋ ŋakiro kus.

Yer. 17:15

Kiira, epite ŋolo irworotor ikes neni kaŋ ebe, “Ai eyai akirot a Ekapolon? Kimyek akirot ŋin bu!”

Yer. 44:22

Abu Ekapolon nyepedo akidaŋidaŋ ŋiticisyo kus ŋulu aronok, asiilyo ŋina ipotu iyes kitiyata, aŋun, abu akwap kus toruwor ereŋorot, acaryoit ka ŋina a ŋicen tomamukaun ituŋanan eyai lopite ŋolo eyakar tari nakoloŋit na.

Esek. 16:43

Aŋuna pa ibunio iyoŋ totamunia ŋirwa ŋulu ka asoroko kon ŋulu akatiŋitor ayoŋ iyoŋ ejok, a ŋun ikitoŋo iyoŋ ayoŋ anakiro a daadaŋ a ŋuna itiya iyoŋ, ŋakiro ŋun nai eketoboŋokinio ayoŋ iyoŋ ŋiticisyo kon pei ikisicanere iyoŋ. “‘Kaanukiro ibunio iyoŋ kiatakinia amalao nakiro ŋuna aronok ŋuna sek itiyae iyoŋ?

Esek. 18:25

“Nai ibasi iyes, ‘Nyiyookino akiwuapit ŋuna ke Ekapolon.’ Kiirasi tokona okoe iyes Ŋisirael: Nyiyookino kire akiwuapit ŋakiro kaŋ a? Meere kire ŋuna iwuapito iyes nyiyookino a?

Esek. 8:12

Tema Akuj neni kaŋ, “Lokoku a ituŋanan, iŋolik iyoŋ ŋuna itiyaete ŋikasikou a Ŋisirael anakimunono a? Iŋolik iyoŋ ŋuna itiyae ŋinituŋanan alokai keŋ a ŋina eyakasi ŋitorubei a? Ebasi ikes ebe, ‘Mam nyikite iwon Ekapolon, nyeriŋa Ekapolon etamunit akwap yok.’ ”

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Amos 2:13

Aŋun, ekeimakini ayoŋ iyes neni iboiyoto iyes, lopite ŋolopei iimaror kwap agaari ŋina ileleba ŋikinyom,

Sepan. 1:12

Apaki ŋin, atiŋi ayoŋ etaa ŋolo enoki, ewarya ŋikasecak Yerusalem, ido esicani ŋituŋa ŋulu ebasi ikiyakar ibore daadaŋ, ŋulu irworosi ebe, ‘Emam ibore itiyakini Ekapolon alopite a lo kori a ŋol.’

Mal. 2:14

Nai iŋitasi iyes ibasi, ‘Kaanukiro?’ Erae aŋuna eraakar Ekapolon esuuda ŋolo eyeni atemar nyeriŋa iyoŋ ikinyomit aberu ŋina ibu iyoŋ kiit eriŋa irae esorokit. Arae sek aberu ŋin ŋina irukito ka iyoŋ ejok, ido tokona nyeriŋa iyoŋ ikinyomit iŋes tari daŋ ŋina ibunio iyoŋ kiik Akuj ekiŋaren atemar ikinyomi iŋes.

Mal. 3:8

“Ekeŋisit ayoŋ iyes ebe, ‘Ejok mono ituŋanan akoko Akuj a?’ Mam nyejok, nai ikikokoyete iyes ayoŋ, ido iŋitasi ibasi, ‘Alipite ikikokoya isua iyoŋ?’ Ikikokoyete iyes ayoŋ aŋuna nyiyaununiyata atutubet apei alotooma ŋatomon aloboro kus ka aŋuna nyikiinanakiniata ayoŋ ŋainakineta.

Ŋikis. 32:4

Erae Akuj agogoŋu, ejok etic keŋ ka iyookino ŋakiro keŋ. Erae iŋes Akuj ŋina ikinyoma nyemodiyana, iyookino iŋes ka itiyae ŋuna iyookino.

1 Sam. 2:3

Tojoŋoto akirworo nooi iturosi; tojoŋo akirworo ŋakiro ŋuna ka akituro. anerae erae Ekapolon Akuj ŋina eyeni ŋakiro, etubonokini iŋes ŋituŋa anakiro a daadaŋ a ŋuna itiyaete.