Mal. 1:5 - Ebaibul

⁵ Iŋolikinete iyes ŋun, ido itemarete, epol Ekapolon nooi, epol tari anakwapin a ŋuna idunyatar Isirael.’”

Mal. 1:5 Iomraidhean Croise

2 Ŋakiro a ŋirwa 29:8

Aŋakiro a ŋun, abu Akuj toŋoik ŋituŋa a Yudaya ka Yerusalem, eturuwo ikes ŋulu ekuryaka nooi, ŋulu ikiinakinete asuro, aumokin ka ajamuwaro lopite ŋolo iteoto iyes ikes tokona.

Esek. 38:16

Ipote iyes akirem ŋituŋa kaŋ Ŋisirael, ipote iyes ibutarito akwap ikwa edou. Okoe iyoŋ Gog, alorwa a ŋulu eponito akayauni ayoŋ iyoŋ torem akwap a ŋituŋa kaŋ, ikotere nai ŋituŋa a ŋakwapin okoyenut ayoŋ apaki ŋina etoodiunia ayoŋ asegis kaŋ neni kec aneni kon.’

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Esek. 39:9

“Akoloŋit ŋin, elomarete ŋituŋa a Isirael ŋulu iboiyete alotaunio kiŋa ŋitaunio, kisitiyata ŋiboro ŋulujiet erae ŋakito ŋuna inokyo. Inokete ikes ŋiupala ŋulucicik ka ŋuna apolok, ŋakausinei a ŋikaleŋeleŋe ka ŋikaleŋeleŋe, ŋabiroi ŋuna ejiere ka ŋakwaaras. inokete ikes ŋiboro ŋul ŋikaru ŋikanikaarei.

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Ŋikis. 11:7

Arae iyes ipotu kiŋolikis ŋakiro ŋuna apolok daadaŋ ŋuna abu Ekapolon kitiya.

Ŋikis. 4:3

Ipotu iyes ŋikulepek kiŋolikis ŋuna abu Ekapolon kitiya alo Baal-Peor, epite ŋolo abunio Ekapolon tomunyarya alotuŋa kus ŋulu daadaŋ ewuapito ŋakiro a Baal a ŋina alo Peor,

Yos. 24:7

Nai apotu atapapaa kus kikaloikis Ekapolon akiŋarakin ikes, tosodi abu Ekapolon kiwuak akiryonut kidiŋ ŋisigarya a Ijipit ka iyes, tomunya Ŋijipitian a ŋakipi a ŋuna ka anam. Iyenete iyes ŋilopeyek ŋuna abu ayoŋ etiya lotuŋa a Ijipit. Ekaku, ipotu iyes kiboiyoto apaki ŋina aoyan analoŋisat.

1 Sam. 12:16

Aŋun nai, totena, toyenut ŋakiro nu ŋuna apolok nooi ŋuna itiyakini Ekapolon iteete iyes.