Luk. 9:51 - Ebaibul

⁵¹ Ani eapuunete ŋirwa ŋulu boŋoret Yesu nakuj, abu iŋes totyaku alosit Yerusalem.

Luk. 9:51 Iomraidhean Croise

2 Ŋirw. 2:11

Apaki ŋin, ŋina erworotor ikes tolosete, apotu ŋagaari ka ŋaŋolei ŋuna anepete ikwa arira totyaka ikes, ya ekuwuam ŋolo epiripiri idirisiriyarit kidiama Eliya nakuj.

Mar. 16:19

Kedau Ekapolon Yesu erwori neni kec, aponi yae iŋes nakuj, kiboikin nakan ŋina aloteten Akuj.

Luk. 12:50

Eyai akibatisao ŋina itemokino ayoŋ oryamu, nai akaryebete ayoŋ ŋakiro ŋun etau tari neni irikakinotor!

Luk. 13:22

Ani elosi Yesu Yerusalem, kitor kidiŋ ŋitaunio ka ŋirerya kitatami ŋituŋa.

Luk. 17:11

Ani elosi Yesu Yerusalem, kitor kidiŋ Samaria ka Galileya.

Luk. 18:31

Tonyaraiya Yesu ŋikasyomak keŋ ŋulutomon ka ŋiarei nawae, tolimok ikes tema, “Kiirasi! Ikidokari iwon tokona Yerusalem, nabo ŋuna daadaŋ igirito ŋikadwarak ikotere Lokoku a Ituŋanan iyookinosi.

Luk. 19:11

Ani eriŋa ŋituŋa epupete ŋuna erworo Yesu, tolimok iŋes ŋituŋa akitadapet, anerae aapiyarito ikes Yerusalem, nabo totamakinito ŋituŋa atemar kori eapi atipei Apukan ka Akuj atakanun.

Luk. 19:28

Ani kedau Yesu erwor ŋakiro ŋun, torubak elosi Yerusalem kiŋarenik ikes.

Luk. 24:51

Ani eriŋa iŋes iterereŋi ikes, kikyaarae iŋes alokiŋaren kec, tolot nakuj.

Luk. 9:57

Ani eriŋa ikes eya lorot, tolimok ecekile Yesu tema, “Ekewuapi ayoŋ iyoŋ neni ilosi daadaŋ.”

Yoa. 13:1

Ani eapuuni apaki ŋina a ŋasuban a Paska, toanyu Yesu atemar kedol apaki ŋina esikinet akwap na, toboŋo neni a Papa. Amina jwi jwi Yesu ŋulu keŋ ŋulu ayakasi nakwap, akitodol tari natwanare.

Yoa. 16:28

Abu ayoŋ aneni a Papa, abu nakwap, nabo aesikini ayoŋ akwap, oboŋo neni a Papa.”

Yoa. 16:5

Nai tokona aboŋori ayoŋ neni a ŋolo ekeyakuunit ayoŋ, nai emam iyes ipei daŋ ŋini ekeŋisi ayoŋ tema, ‘Ai ilosi iyoŋ?’

Yoa. 17:11

Abunit ayoŋ neni kon; nyeriŋa ayoŋ ayai nakwap, nai eriŋa ikes eyakasi nakwap. Papa ŋolo Asegan, kiyok iyoŋ ikes ka apedor a ŋina ke ekiro kon, ekiro ŋolo ikiinakinit iyoŋ ayoŋ, ikotere eruworosi ikes ŋipei, ikwaŋina ikiraakar iwon ŋipei.

Yoa. 6:62

Ani bo nai kiŋolikis iyes Lokoku a Ituŋanan edokari neni ebunitor iŋes?

Ŋitic. 1:2

akitodol akoloŋit ŋina ayaarere iŋes kidiama nakuj. Ani eriŋa iŋes nyeyaara nakuj, abu kicik Ŋikiyakia keŋ, ŋulu sek aris iŋes keseu alotooma apedor ŋina ke Etau a ŋolo Asegan.

Ŋitic. 1:9

Ani kedau iŋes alimun ŋakiro nu, yaarae iŋes kidiama nakuj iteete ikes; torapuwa edou iŋes nyiŋolikis ikes.

Ŋiep. 1:20

ŋina abu iŋes kisitiya apaki ŋina eteyarunia Kristo alokatwak ka kisiboik iŋes lowae keŋ ŋolo aloteten anakuj.

Ŋipil. 3:14

Aŋun, aŋirikinit nooi akerit kiŋaren akitodol tari naŋetakinet, ikotere oryamu eropit ŋolo erae anyarit ŋina ka Akuj alotooma Yesu Kristo, nakiyar ŋina alokidiama.

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Ŋibur. 12:2

Orubakisi ikite Yesu ŋolo erae neni keŋ ebunitor anupit yok daadaŋ, ŋolo ilelebikini anupit yok. Abu iŋes todaŋ atwanare alomusalaba, nyemitak ŋileec, anerae apol alelyan ŋina edarit iŋes. Iboi tokona alowae a ŋolo aloteten ekicoloŋ ŋolo ka Akuj.

Ŋibur. 6:20

Akibois ŋin iŋes ŋina adau Yesu alosit ikwapei ŋolo aberar aŋuna yok, kedau aruwor Esacaradoti ŋolo Apolon nooi ŋoloruba lopite ŋolo ke Esacaradoti a ŋolo anyaritae Melekisedek.

1 Pet. 3:22

Abu iŋes tolot nakuj ka eyai lowae ŋolo aloteten Akuj, ipukat ŋimalaikan daadaŋ ka ŋikapolok ŋulu eyakatar ŋapedorosyo anakuj.