Luk. 9:32 - Ebaibul

³² Elurasi Petero ka ŋikeerukitos, ani ekienyunete kojokan, kiŋolikis akica ŋina ka apolou keŋ ka ŋikilyok ŋuluarei ŋulu awuasi ka iŋes.

Luk. 9:32 Iomraidhean Croise

Isa. 60:19

Nyeruwor nabo akoloŋ ikiinakini iyes akica naparan, kori nyecauni neni kus nakwaare akica ŋina ke elap, nai Ekapolon eruwor akica kus ŋina a ŋikaru ka ŋikaru ka eruwor Akuj kus apolou kus.

Dan. 10:9

Abu nai eira etoil, ani eirari ayoŋ ŋakiro ŋuna erworo ekile ŋol, apotu ŋajo ekekamut ayoŋ ojotoor nooi, oper ayoŋ alokwap abuburiyara.

Dan. 8:18

Ani eriŋa iŋes irworo neni kaŋ, apotu ŋajo ekekamut ayoŋ ojotoor nooi, oper alokwap abuburiyara, nai abu Gabriel okotap ayoŋ, eketonyou ayoŋ owo.

Mar. 14:40

Ani eboŋuni nabo, toryamu ikes ejotoete, anerae abu tokuruwo ikes akikieny, pa ayenete ikes tari ŋakiro ŋuna boŋokino Yesu.

Yoa. 1:14

Bu Akirot toruwor ituŋanan, oruko ka isua. Aanyun isua apolou keŋ, apolou ŋina aryamuni iŋes aneni ka Akuj Papa ikwapei Lokoku keŋ ŋolo donupei ka eleleba neni keŋ ajokis ka ŋuna a kire.

Yoa. 17:24

“Papa! Acamit ayoŋ ŋulu ikiinakinit iyoŋ ayoŋ, oruko ka ayoŋ aneni ayai ayoŋ, ikotere eanyunete ikes apolou kaŋ, ŋina ikiinakinit iyoŋ ayoŋ; anerae ikimina iyoŋ ayoŋ eriŋa tari akwap nyesubuna.

2 Pet. 1:16

Ŋina ikiteyenunere isua iyes ŋuna ka apedor ka abunore ŋina ke Ekapolon yok Yesu Kristo, pa ikilimonokinio isua iyes ŋiemuto ŋulu tamuna ŋulu nyiyookino. Ikianyuwarit isua apolou keŋ a ŋakonyen kosi a ŋilopeyek.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.