Luk. 9:26 - Ebaibul

²⁶ Anerae ŋini irumito ŋileec aŋuna kaŋ ka aŋuna a ŋakaakiro, irumete Lokoku a Ituŋanan daŋ ŋileec aŋuna keŋ ŋina ebunio anapolou a ŋina a Papa ta ŋina a ŋimalaikan a ŋulu ka Akuj.

Luk. 9:26 Iomraidhean Croise

Isa. 53:3

Ajamuwarito ka aŋerito ŋituŋa iŋes, arae iŋes ituŋanan ŋini eyaloloŋi, ŋini ayeni ŋakiro ŋuna a ŋican. Arae iŋes ituŋanan ŋini pa acamito ŋituŋa akiŋolikin, ajamuwaritae iŋes, eteete ŋituŋa iŋes erae ecaryoit.

Dan. 7:10

Abunit ayonae ŋina alelyaa akim alokicoloŋ keŋ aleleunit akim ŋin aneni ayai ŋolo iboit ŋikaru ka ŋikaru. Etiyanakinete iŋes ŋiketiyak ŋulu arae ŋalipyo ka ŋalipyo, awuasi ŋiketiyak keŋ ŋamilionio amiat alokiŋaren keŋ. Togeunae nai eikiiko ŋolo etubere ŋakiro, toŋaarae ŋikitaaboi.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

Mat. 25:31

“Ŋina ebunio Lokoku a Ituŋanan erae Erwosit erukito ka ŋimalaikan, iboikin lokicoloŋ keŋ ŋolo ka apedor.

Mat. 26:64

Tolimok Yesu iŋes tema, “Idau iyoŋ alimun. Nai akalimokini ayoŋ iyes atemar, kelunyar nu, ianyuwarete Lokoku a Ituŋanan iboi aloteten Akuj ŋina alokidiama nooi ka ebunit alokidiama ŋidouwon ŋulu anakuj.”

Mar. 8:38

Anerae ŋinituŋanan irumete ŋileec aŋuna kaŋ ka aŋuna a ŋakaakiro ananyamet a na a ŋina aloman ka a ŋina asecesecan; Lokoku a Ituŋanan daŋ irumete ŋileec aŋuna keŋ apaki ŋina eboŋunio iŋes ka apedor a Papa keŋ kaapei ka ŋimalaikan ŋulu ka Akuj.”

Yoa. 12:43

Aminasi ikes akitopolooro alotuŋa akilo akitopolooro aneni ka Akuj.

Yoa. 5:44

Icamito iyes ikitopoloosi ŋulucetuŋa, nai nyiwarito aryamun akitopolooro aneni a ŋolo bon erae Akuj. Ikokinete nai iyes ikinupete ayoŋ ai?

Ŋitic. 10:22

Toboŋokis ikes temasi, “Kornelio, ekapolokiniton ŋasigarya, iŋes ikiyakuunit isua. Erae iŋes ekile ŋolo ajokan, ŋolo iyookino ka ekerit iŋes Akuj. Ekerito Ŋiyudayan daadaŋ iŋes. Alimokini emalaika ŋolo ka Akuj iŋes anyarare iyoŋ bu kai keŋ, ikotere kiira iŋes ŋuna ilimuni iyoŋ.”

Ŋirom. 1:16

Anerae nyekerumito ayoŋ ŋileec aŋuna a Ŋakiro a ŋuna Ajokak: erae ikes apedor ŋina ka Akuj ŋina eiunia ituŋanan daadaŋ, ŋini eyakar anupit, Ŋiyudayan mono, ido nai ŋulu nyerae Ŋiyudayan.

2 Ŋikor. 12:10

Aŋuna nai a Kristo, alakara ayoŋ nooi aŋuna ka apalagu, ŋiyany, ŋatyokisyo, ŋakisicaneta ka ŋaronisya! Anerae ani apalag ayoŋ, agogoŋior.

Ŋigal. 6:14

Nai aneni kaŋ, nyacamit jik akiturokin aŋuna a ŋacekiro, mati ŋuna ke emusalaba bon a ŋolo ke Ekapolon yok Yesu Kristo; anerae aŋuna ka atwanare keŋ alomusalaba, etwanit akwap alokiŋaren kaŋ ka atwanit ayoŋ alokiŋaren akwap.

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.

2 Tim. 1:12

erae nai Ŋakiro ŋuna Ajokak ŋunapei ŋun ikes adaŋitor ayoŋ daŋ ŋican. Nai nyekerumito ayoŋ ŋileec, anerae ayeni ayoŋ ŋini ekinyomit ka ayeni kire atemar epedori iŋes akiyok ejok ŋuna adaun akicikakin ayoŋ akitodol Akoloŋit ŋina esidyon.

2 Tim. 2:12

Ani kikidaŋidaŋ iwon, ikipukae iwon daŋ kaapei ka iŋes. Ani kikipeg iwon atemar ikiyeni iŋes, iŋes daŋ epegi atemar ikiyeni iwon.

Ŋibur. 11:26

Abu iŋes totyaku atemar ajamuwaro aŋuna a Kristo, erae abaru ŋina apolon akilo abaru daadaŋ ŋina alo Ijipit, anerae atami iŋes ŋuna ke eropit a ŋolo a rwanu.

Ŋibur. 13:13

Aŋun, itemokino iwon oloto kiŋa neni keŋ, nakibois ŋina nyiboiyoto ŋituŋa, ido omora ŋileec ŋulu abu iŋes toryamu.

Yud. 1:14

Arae ikotere ikes abunio Enok ŋolo a ŋikanikaarei alokidiŋ ŋipapae ŋulu ka Adam todwarya tema, “Topupokisi! Erukunete Ekapolon ka ŋimalaikan keŋ ŋulu nyimarun,

Akis. 1:7

Kiirasi, ebunit iŋes alodowuon! Eanyuwarete ŋituŋa daadaŋ tari ŋulu ecumete iŋes. Ikalounete ŋituŋa daadaŋ ŋulu ka akwap aŋuna keŋ. Kire ikokinete neni! Amen!

Akis. 20:11

Abu oanyuwa ekicoloŋ ŋolo akwaŋan ŋolo apolon ka iŋes ŋini icoloŋit. Toŋopiyasi akwap ka nakuj alokiŋaren keŋ nyeanyuwar nabo jik.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”

Akis. 3:5

“Iŋes ŋini ilouni, itanapyo ŋilowi ŋulu akwaŋak ikwa ikes, ka nyekisari ayoŋ ekeekiro alokitaabo a ŋolo ka akiyar; nai alimori ayoŋ ekiro keŋ alokiŋaren Papa kaŋ ka ŋimalaikan keŋ.