Luk. 9:22 - Ebaibul

²² Kiyatak iŋes erwor keŋ tema, “Itemokino Lokoku a Ituŋanan kisicanae nooi, toŋero ŋikatukok ka ŋisacaradotin ŋulu apolok ka ŋiketatamak a Ŋikisila. Earyo iŋes, nai kelunyar ŋirwa ŋiuni, eyaruni.”

Luk. 9:22 Iomraidhean Croise

Akisy. 3:15

Ekesimanakini ayoŋ iyoŋ ka aberu, imanakin ŋidwe kon ka ŋidwe a aberu; ewani ituŋanan akou kon ka iwani iyoŋ atotinyo a ituŋanan.”

Dan. 9:26

Ekaku a ŋikaru a ŋamiae a ŋaomwon ka ŋatomonikanikapei ka ŋiomwon earyo ekarikon ŋolo eseunit Akuj, edaun ibore ŋini erae ŋini keŋ, ido emunaarete ŋasigarya a ekarikon a ŋolo ilunyokin lokicoloŋ keŋ etaun ka akibois ŋina ka Akai ka Akuj. Ebuni asalun keŋ lopite ŋolo ebunio akalele, eyakaun ejie akitodol nasalunet. Atubun atemar eyakaun ekasile.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Mat. 17:12

Nai akalimokini ayoŋ iyes atemar, aberakin Eliya abunore, nai pa ayenete ŋituŋa iŋes, apotu kitiyata neni keŋ ŋuna acamito ikes. Ikwaŋinapei, Lokoku a Ituŋanan daŋ iteryamunete ikes ŋican.”

Mat. 17:22

Ani ecunakinosi ŋikasyomak a Yesu daadaŋ Galileya, tolimok Yesu ikes tema, “Aapuu apaki ŋina ipotokinere Lokoku a Ituŋanan nakan a ŋituŋa,

Mat. 27:63

temasi, “Ekapolon, ikitamunit isua ŋuna abu ekalyokonon ŋol kirwor eriŋa eyari abala, ‘Kelunyar ŋirwa ŋiuni, ayaruni.’

Mar. 8:31

Togeu Yesu akitatam ŋikeekasyomak tema, “Isicanio Lokoku a Ituŋanan nooi ka eŋerete iŋes ŋikatukok, ŋisacaradotin ŋulu apolok ka ŋiketatamak a Ŋikisila. Nabo earyo, nai kelunyar ŋirwa ŋiuni iteyarunio iŋes.”

Mar. 9:31

anerae etatami Yesu ŋikasyomak keŋ. Abala iŋes neni kec, “Einakinio Lokoku a Ituŋanan neni a ŋituŋa a ŋulu earete iŋes; kedaut akiar, eyaruni iŋes kelunyar ŋirwa ŋiuni.”

Luk. 17:25

Nai itemokino mono iŋes kisicanae nooi, nabo toŋero ŋituŋa ŋulu a ŋirwa a lu.

Luk. 24:26

Nyiyenete iyes atemar etemokino Kristo toryamu ŋican, ikotere tolomarya napolou keŋ a?”

Luk. 24:44

Tolimok Yesu ikes tema, “Erae ŋakiro nu ŋuna paaran akalimokinit ayoŋ iyes eriŋa iwon ikirukit; ŋakiro daadaŋ ŋuna egiritae a ŋuna kaŋ Lokisila ŋulu a Moses ka nakigireta ŋuna a ŋikadwarak ta lokirukisyo a Daudi; itemokino daadaŋ kiyookin.”

Luk. 24:7

‘Itemokino Lokoku a Ituŋanan kipotokinoe nakan a ŋikasecak, kibubukinoe lomusalaba, ido toyaru kelunyar ŋirwa ŋiuni!’ ”

Luk. 9:44

“Kiirasi kojokan ŋakiro ŋuna akalimokini ayoŋ iyes! Ipotokinio Lokoku a Ituŋanan nakan a ŋituŋa.”

1 Ŋikor. 15:4

Aponi iŋes tonukae, kiteyarunae kelunyar ŋirwa ŋiuni, ikwaŋina igiritere Nakigireta.

1 Pet. 1:11

Apotu ikes kikatakis ayenun apaki ŋina itiyakinotor ŋakiro nu ka epite ŋolo eponiata. Apaki ŋin, iŋes etoodikinit ikes Etau ŋolo a Kristo, ŋolo ayai tooma kec atemar etitinyikini Kristo ŋican, nai ekaku eryamuni apolou.