Luk. 9:1 - Ebaibul

¹ Tonyarau Yesu ŋulutomon ka ŋiarei, inak ikes apedor ka apolou ŋina kiritanaret ŋipyan ka ŋina kitaŋaleununuyet ŋikadyakak.

Luk. 9:1 Iomraidhean Croise

Mat. 16:19

Akainakini ayoŋ iyoŋ ŋikipuŋguwoi ŋulu ka Apukan a ŋina anakuj; ŋuna nyicamakini iyoŋ anakwap nyecamakinio tari anakuj; ka ŋuna icamakini iyoŋ anakwap ecamakinio anakuj.”

Mat. 4:24

Tokeikin ŋakiro keŋ nakwap a Siria daadaŋ. Yaut ŋituŋa neni keŋ ŋikadyakak daadaŋ ŋulu adyakasi ŋidekesyo ŋulu agelegelya: ŋulu ekamunito ŋipyan, ŋulu erakanarosi ka ŋulu aŋwalak, kitaŋaleu Yesu ikes daadaŋ.

Mat. 8:9

Ayoŋ daŋ ekepukatae, nabo apolokinit ayoŋ daŋ ŋasigarya; ani katema ayoŋ epei, ‘Ape!’ elosi. Ani katema ece, ‘Bua!’ ebuni. Tari epito kaŋ katema ayoŋ, ‘Kitiya nu!’ itiyae.”

Luk. 10:1

Ekaku a ŋakiro a ŋun, toseu Ekapolon ŋicetuŋa ŋulu arae ŋatomonikanikaarei ka ŋiarei; kiyakiya a ŋiarerei kiŋareno lorerya ka nakwapin daadaŋ ŋuna eitanit iŋes akidol.

Luk. 10:19

Topupokisi! Akainak ayoŋ iyes apedor daadaŋ ŋina reunet ŋimuno ka ŋitwania ta areun apedor daadaŋ ŋina a ŋolo Aronon; emam ibore ŋini ikiwani iyes.

Yoa. 14:12

Akalimokini ayoŋ iyes kire atemar, ŋini akanupi ayoŋ, itiyae daŋ ŋiticisyo ŋulu etiyae ayoŋ; itiyae iŋes ŋiticisyo ŋulu iloito tari ŋulu kaŋ, anerae aboŋori ayoŋ neni a Papa.

Ŋitic. 1:8

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Ŋitic. 3:16

Aŋuna ka anupit ekiro a Yesu, aponi kitaŋaleunoe ekile lo ŋolo iteete ka ŋolo iyenete iyes. Anupit Yesu iŋes ainaki ekile lo aŋaleun kire ikwaŋina iteoto iyes daadaŋ.

Ŋitic. 4:30

Torwaa akonikan, kitaŋaleu ŋituŋa ka kitiya ŋakujuwuanisya ka ŋaumonokineta alokiro ke eketiyan kon Yesu a ŋolo asegan.”

Ŋitic. 9:34

Tolimok Petero iŋes tema, “Aenea, ikitaŋaleu iyoŋ Yesu Kristo, tonyou, topetak ekitaada kon.” Atipei, tonyou Aenea.