Luk. 8:44 - Ebaibul

⁴⁴ Toŋicun iŋes alokaku, totap abilet ŋina ke elou a Yesu; totubos ŋaokot atipei.

Luk. 8:44 Iomraidhean Croise

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Mal. 4:2

Nai iyes ŋulu itopoloorito ekiro kaŋ, elomuni apedor kaŋ ŋina aiunan ikoni akoloŋ, ido bu apedor neni kus ikoni ŋikoi ŋulu ka akoloŋ, ikitaŋaleun iyes. Iruworosi iyes ŋulu ilacakina, ŋulu ilakara ikwa ŋimanaŋ ŋulu elacakinitae, ŋulu eŋaaritae ananok.

Mat. 20:34

Kisyoni Yesu ikes totap ŋakonyen kec, tokienyut ikes atipei, kiwuapakis iŋes.

Mat. 8:3

Torwaa Yesu akan keŋ, totap iŋes tema, “Acamit; toŋaleu!” Atipei toŋaleu ekile ŋol.

Mat. 9:20

Ayai nen aberu ŋina aleleete ŋaokot ŋikaru ŋitomon ka ŋiarei. Toŋicun iŋes alokaku, totap abilet ŋina ke elou a Yesu.

Mar. 6:56

Neni daadaŋ ayakaunun Yesu, kerae lorerya, nadakarisinei, kori lotaunio, namanat kori lomaketa, adakununuyete ŋituŋa ŋikadyakak nen, kiperikis nenilapat, kilipa iŋes acamakin ŋikadyakak akitap tari ŋina erae abilet ke elou keŋ bon. Ŋulu daadaŋ apotu totapa, apotu toŋaleut.

Luk. 13:13

Kidokok Yesu ŋakan kidiama keŋ, torikin iŋes atipei tojokyar, kisyak akipuro Akuj.

Luk. 7:38

Min iŋes kaku nakejen a Yesu igworo, kitapapal ŋakejen a Yesu a ŋakiyo keŋ, toninaiya nai iŋes ŋakejen a ŋitim keŋ, tonu, kiwosak akimyet.

Luk. 8:43

Ayai nen aberu ŋina aleleete ŋaokot ŋikaru ŋitomon ka ŋiarei. Kisunyak iŋes ŋikeeboro daadaŋ lomurok, nai amam tari ipeituŋanan daŋ ŋini apedori akitaŋaleun iŋes.

Luk. 8:45

Kiŋit Yesu tema, “Ŋae ŋini akatap ayoŋ?” Topega ŋituŋa daadaŋ ŋun, ido tema Petero, “Eketataman, ikilukakinito iyoŋ ŋituŋa kidiŋ ka ikijukito daŋ.”

Yoa. 5:13

Nai pa ayeni ŋolo etaŋaleunio atemar kerae ŋae, anerae aberakin Yesu aŋopikin nasepic ŋina ayai inaa.

Ŋitic. 19:12

Ayaununuyete ŋituŋa neni a ŋikadyakak ŋakitambarae ka ŋarapeta ŋuna keris Paulo kisitiya, kiritanarere ŋidekesyo kec ka kitorotonokinere ŋipyan aneni kec.

Ŋitic. 5:15

Aŋuna a ŋakiro a ŋuna etiyaete Ŋikiyakia, apotu ŋituŋa yaut ŋikadyakak lorotin, kiperikis lokitaadae ka lojamu, ikotere ani itori Petero nen, min etorube keŋ neni a ŋice kec.

Ŋikis. 22:12

Todonyokisi ŋikatelitel lokoonae ŋuluomwon ŋulu a ŋilowi kus a ŋulu erwatae.