Luk. 8:42 - Ebaibul

⁴² anerae adyaka nakoku keŋ ŋina donupei, toapiye atwanare. Arae ŋikaru keŋ ŋitomon ka ŋiarei. Nai ani eriŋa Yesu elosi toridak nooi asepic a ŋituŋa iŋes.

Luk. 8:42 Iomraidhean Croise

Yob 4:20

Epedori ituŋanan akiyar taparacu, ani eboŋ totwana; etwakete ikes toŋopiyasi jik tojoŋoi amitakinit.

Ekal. 6:12

Ŋae ituŋanan eyeni ŋuna ejokak aŋuna a ŋituŋa anakwap a ŋina euruwuana torae akoŋinait a na? Ikwaan akiyar na ka etorube ŋolo epatana aŋopiyar. Alipite epedoryata ŋituŋa ayenun ŋuna itiyakin nakwap na kedaut ikes anyoun anakwap a na?

Esek. 24:16

“Lokoku a ituŋanan, eapi ayoŋ akinaŋ iyoŋ anaŋet apei bon tojoŋo akitere; nai nyigwori, kori nyikalouni, kori nyeleleunete ŋakiyo anakonyen kon.

Esek. 24:25

“Nai iyoŋ lokoku a ituŋanan, akoloŋit ŋina alemarya ayoŋ akibois kec ŋina eryamunitotor ikes agogoŋu, alelyanu kec ka apedor kec, akibois ŋina ebobokinit ikes akitere, ŋina iburit ŋitai kec; akoloŋit ŋina aarya ayoŋ ŋidwe kec ŋulusapa ka ŋulupesur,

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Mar. 5:24

Tonyou Yesu, torukosi ka iŋes, kiwuapakis iŋes ŋituŋa eroorito alowaetin a daadaŋ.

Luk. 7:12

Ani eapuuni iŋes lokek ŋolo ke etaun, kiryamas ka ŋituŋa ŋulu elepilepito edya ŋolo atwanit edakarete kiŋa; kerae iŋes epei bon idounitoe, nabo arae toto keŋ apuserut. Arukito toto keŋ ka asepic a ŋituŋa a ŋulu ke etaun.

Luk. 8:41

Bu ekile ŋolo anyaritae Yairo, ŋolo apolokinit esinagoga. Toramakin kiŋaren Yesu, kimaima iŋes abunore kai keŋ,

Luk. 8:43

Ayai nen aberu ŋina aleleete ŋaokot ŋikaru ŋitomon ka ŋiarei. Kisunyak iŋes ŋikeeboro daadaŋ lomurok, nai amam tari ipeituŋanan daŋ ŋini apedori akitaŋaleun iŋes.

Luk. 8:45

Kiŋit Yesu tema, “Ŋae ŋini akatap ayoŋ?” Topega ŋituŋa daadaŋ ŋun, ido tema Petero, “Eketataman, ikilukakinito iyoŋ ŋituŋa kidiŋ ka ikijukito daŋ.”

Ŋirom. 5:12

Abu asecit bu nakwap alotooma ipeituŋanan ka anerae abu iŋes tosec, etemokino iŋes totwan ka aŋun, akeikin atwanare lotuŋa daadaŋ, anerae aseca daadaŋ.