Luk. 8:3 - Ebaibul

³ Joanna, aberu a Kusa a ŋolo eyokit ŋiboro ŋulu ke Erode, ka Susanna ka ŋace ŋuna alalak ŋuna eŋaranakinete ikes a ŋiboro kec.

Luk. 8:3 Iomraidhean Croise

1 Ŋakiro a ŋirwa 29:14

“Emam ibore ŋini erae ŋini kosi, ŋini ikiini ayoŋ ka ŋituŋa kaŋ iyoŋ, anerae erae ibore daadaŋ ainakinet aneni kon, ido ikiinak isua neni kon ibore ŋini sek erae ŋini kon.

Isa. 23:18

Italeikinio neni ke Ekapolon ŋiboro keŋ ŋulu egyelanari iŋes ka ŋisiliŋa ŋulu eryamununui iŋes anagyelanar, nyiŋadaaryo ŋiboro ŋulu eryamuni iŋes anagyelanar, kori nyituruworete ikes ŋulu kec, nai eryamunete ŋulu itopoloorito Ekapolon akimuj kec ŋina alalan ka ŋilowi kec aloboro a ŋulu a Tiro.

Mat. 14:1

Apaki ŋin, topup erwosit Erode ŋakiro ŋuna epuritotor ŋituŋa Yesu.

Mat. 14:3

Aris Erode kikama Yoana toen ya mabus, aŋuna ke Erodiya a ŋina arae aberu a Pilipo a lokaato ke Erode.

Mat. 14:6

Nai akoloŋit ŋina eitunitere akidouno ke Erode, abu nakoku ke Erodiya kidoŋa alokiŋaren ŋituŋa ejok nooi, kitalaka Erode.

Mat. 2:11

Tolomasi ikes kai, kiŋolikis ikoku ka toto keŋ Maria, toryediko ikes alokiŋaren keŋ, tomaa, toŋaasi nai ŋicweei kec, tolemikis iŋes ŋainakineta nu: egolid, eminae ŋolo ke ekinyate ka eceminae ŋolo akukunyon nooi.

Mat. 20:8

“Ani edoli eboŋ, tolimok elope ŋolo ke emanikor eketiyan keŋ ŋolo apolokinit ŋuluce tema, ‘Tonyarau ŋiketiyak totac ikes eropit kec, kisyak mono akitac ŋulu apote ekaku, totac nai ŋulu esyaunete aponare.’

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 26:11

Anerae irukito iyes ka ŋikulyak jwi jwi, nai nyikiruki iyes ka ayoŋ jwi jwi.

Mat. 27:55

Ayakasi nen ŋaberu ŋuna alalak ŋuna eteete aneni alwanan ŋuna etiyasi. Atupunete ikes iŋes alo Galileya kiŋaranakinete.

Luk. 24:10

Arae ŋaberu ŋun Maria Magadalena, Joanna ka Maria toto a Yakobo ta ŋakecerukitos; ikes alimokinete ŋikasyomak ŋakiro ŋun daadaŋ.

Yoa. 12:6

Pa alimunit iŋes ŋun aŋuna esyonitotor iŋes ŋikulyak, nai aŋuna araakar ekokolan. Eŋadae iŋes ecwee ŋolo a ŋisiliŋa ka alemanari ŋisiliŋa ŋulu ewuakinitae tooma keŋ.

Ŋitic. 13:1

Ayakasi ŋikadwarak ka ŋiketatamak neni a Ŋikristo a ŋulu alo Antiokio. Araakasi ikes Baranaba ka Simeon ŋolo arae Niger (iŋes atemar ŋolokiryonon), Lukio ŋolo abunit alo Kurene, Manaen ŋolo kepolounete kaapei ka erwosit Erode ta Saulo.

2 Ŋikor. 8:9

Kire iyenete iyes arimaanut ŋina ke Ekapolon yok Yesu Kristo, ŋolo abu aŋuna kus, tari ŋina abaritor, kituruwor bon ekulyakit aŋuna kus, ikotere nai toruworos iyes ŋikabarak aŋuna ka akulyako keŋ.

Ŋipil. 4:22

Ikimalaete iyes nooi ŋituŋa ŋulu ka Akuj daadaŋ ŋulu eyakasi ne, akilo nooi ŋulu ke ekal ke Ekepukan a Roma.

1 Tim. 5:10

ka ŋina eyenitae aŋuna a ŋiticisyo keŋ a ŋulu ajokak, ŋina abu kitopolou ŋidwe keŋ ejok, ŋina abu kijaununuye ŋituŋa ŋulu gelae lore keŋ, ŋina abu kitiya ŋiticisyo ŋulu ka akitiditeuna neni a ŋituŋa a ŋulu ka Akuj, ŋina abu kiŋarak ŋituŋa alocan kec ka ŋina abu torubak itiyae ŋuna ajokak alopitesyo a daadaŋ.