Luk. 8:28 - Ebaibul

²⁸ Ani iŋolikini iŋes Yesu, kiworou toramakin kiŋaren keŋ, tocelu tema, “Anukiro eya iyoŋ ka ayoŋ, Yesu Lokoku ka Akuj, a ŋina alokidiama nooi? Akadyekit ayoŋ iyoŋ atemar, nyikisican kare ca!”

Luk. 8:28 Iomraidhean Croise

Isa. 27:1

Akoloŋit ŋin isitiyae Ekapolon ananyunyura ekileŋ keŋ ŋolo apolon ka ŋolo agogoŋon akisicania etyaŋ ŋolo enyaritae Lepiasan, emun ŋolo ekeri edokinit, Lepiasan emun ŋolo ilugulugo, ido eari Ekapolon etyaŋ ŋolo adedeŋan ŋolo iboi ananam.

Mat. 8:29

Kiworout ŋikilyok ŋul temasi, “Anukiro eya iyoŋ ka isua, Lokoku ka Akuj? Ibunit iyoŋ amunyar isua eriŋa apaki nyedolo a?”

Luk. 8:27

Ani edokuni Yesu anataker, kiryama ka ekile ŋolo abunit alotaun, ŋolo ekamunito ŋipyan. Eboit iŋes ekaoyan eleri, nabo kiboiye analyalin toŋerite ere.

Luk. 8:29

Alimuni iŋes ikoŋina, anerae eŋenyakini Yesu ŋipyan alomun aneni keŋ. Etokoponorete iŋes ŋipyan ŋirwa ŋulu alalak, tari keeni iŋes a ŋiriko ŋakejen ka ŋakan, aŋedanari kipiiri nariet aŋuna ka agogoŋu a ŋipyan a ŋul.

Yak. 2:19

Inupit iyoŋ atemar erae Akuj apei bon a? Ejok! Enupito tari atasatan daŋ--nabo emaranete tobulite.

2 Pet. 2:4

Pa abu Akuj kimyek ŋimalaikan ŋulu apotu toseca, nai abu tocakak ikes nakiryonut ŋinakiryonon cuc, neni eenitere ikes a ŋiriko akitodol Akoloŋit ŋina ka atubokino.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

Akis. 20:10

Aponi kimasakinae Satan ŋolo amodikini ikes nanam ŋina ka akim ka ŋina a Sulpa neni aris kimasakin etyaŋ ka ekadwaran ŋolo alyokonon; isicanio ikes apaaran ka akuwar ŋikaru ka ŋikaru.