Luk. 8:25 - Ebaibul

²⁵ Kiŋit Yesu ŋikeekasyomak tema, “Ai eyai anupit kus?” Tobul ikes, toumokis kiŋitas make temasi, “Ŋae ekile lo ŋolo elimokini tari ekuwuam ka ŋakipi kiirasi iŋes lo?”

Luk. 8:25 Iomraidhean Croise

Ŋakit. 30:4

Ŋae mono alosit kidiama nakuj, ido toboŋu? Ŋae mono eriraunit ekuwuam tobun anakan? Ŋae mono aokunit ŋakipi a elou keŋ? Ŋae iwuakinit ŋakisaleta ŋuna ka akwap? Ŋae ekiro keŋ? Ŋae ekiro alokoku keŋ? Tolimokinae ayoŋ erae kiyenete!

Ŋakit. 8:29

Ayai ayoŋ nen iwuakini Ekapolon ekisal a ŋanamyo, ikotere ŋakipi nyepena neni alimunit iŋes atemar nyepena, ayai ayoŋ nen iwuakini Ekapolon ŋakisyakineta ŋuna ka akwap.

Mat. 14:31

Kiopeiyo Yesu atipei akan keŋ, kikam iŋes tema, “Okoe edit anupit kon! Kaanukiro ibunio iyoŋ toŋayaŋaya?”

Mat. 17:20

Toboŋok Yesu ikes tema, “Anerae edit anupit kus. Akalimokini ayoŋ iyes kire atemar, ani iyakatar iyes anupit ŋina edit ikwa icokit ŋini ikoni ŋini ke ebobore, ilimokinete tari emoru lo atemar, ‘Kiyoto a ne, tolot ama,’ iyotori; ka emam ibore ŋini ikipiyori iyes akitiyakin. [

Mat. 6:30

Akuj iŋes itanapi ŋinya ŋulu ka ariet --ŋinya ŋulu elibito tokona, nai ani moi kicunyae. Etya ekitanape ŋolo ikitanapya iŋes iyes ai? Okoe iyes ŋituŋa ŋulu edit anupit!

Mat. 8:10

Ŋolopite eirarya Yesu ŋakiro keŋ, toumok. Tolimok ŋituŋa ŋulu ewuapito iŋes tema, “Akalimokini ayoŋ iyes kire atemar, nyeryamuna ayoŋ anupit ŋina epol ikwa naga tari alo Isirael.

Mat. 8:26

Toboŋok Yesu ikes tema, “Nyo ikibulitor iyes ikona? Abe edit anupit kus!” Tonyou nai Yesu, kikilyak ekuwuam ka ŋakipi, kililiŋ akwap cek.

Mar. 4:35

Akoloŋit ŋin, kedoiyo akoloŋ, tolimok Yesu ŋikeekasyomak tema, “Apena, odokasi ekekwaye anam.”

Luk. 12:28

Akuj iŋes itanapi ŋinya--ŋinya ŋulu elibito tokona, nai ani moi kicunyae. Etya nai ekitanape ŋolo ikitanapya iŋes iyes ai? Okoe iyes ŋituŋa ŋulu edit anupit!

Luk. 8:24

Kiyotosi ŋikasyomak neni a Yesu, kitekienyut iŋes temasi, “Eketataman, Eketataman! Edikino ikitwaki.” Tonyou Yesu, kikilyak ekuwuam ka ŋakipi ŋuna emorokokoete, todipakinos ikes, kililiŋ akwap cek.

Luk. 8:26

Todolut nai ikes nakwap ŋina a Ŋigadara ŋina eteosi ka Galileya.

Yoa. 11:40

Tolimok Yesu iŋes tema, “Pa akalimokinit ayoŋ iyoŋ atemar ani kinup, iŋolikini apolou ŋina ka Akuj a?”