Luk. 8:24 - Ebaibul

²⁴ Kiyotosi ŋikasyomak neni a Yesu, kitekienyut iŋes temasi, “Eketataman, Eketataman! Edikino ikitwaki.” Tonyou Yesu, kikilyak ekuwuam ka ŋakipi ŋuna emorokokoete, todipakinos ikes, kililiŋ akwap cek.

Luk. 8:24 Iomraidhean Croise

Ŋikiru. 65:7

Isililiŋene iyoŋ akiruruma ŋina a ŋanamyo, akiruruma ŋina a ŋikaguragurae a ŋakipi a ŋuna ekusi ekuwuam ka ecelet ŋolo ikitepegeta iyoŋ ŋituŋa.

Isa. 50:2

Kaanukiro amamukar idiotuŋanan apaki ŋina abunio ayoŋ? Kaanukiro pa aboŋokinio ayoŋ ituŋanan apaki ŋina anyarar ayoŋ? Emam mono ayoŋ apedor ŋina akalakunia iyes a? Kori emam mono ayoŋ apedor ŋina akaiunia iyes a? Kalimu ayoŋ akirot eoni anam, eturuwori ayoŋ ŋaŋololin aonite; etobosuni ayoŋ ŋikolya ŋulu eya tooma kec aŋuna icanakinotor ŋakipi idio totwaka aŋuna ka akure.

Yer. 5:22

Nyikikerito mono iyes ayoŋ a? Nyimaranete mono iyes alokiŋaren kaŋ a? Abu ayoŋ ewuak asinyon toruwor ekukoru a anam ekukoru ŋolo agogoŋon ŋolo nyepedori anam akitor, tari kenaŋanaŋaete ŋikaguragurae a ŋakipi, nyepedorete akitor nen tolunyar, tari kerwosi nooi, nyepedorete akitor kidiama ŋikukorin ŋul.

Naum 1:4

Iŋenyakini Ekapolon anam, ido kitoon, itooni iŋes ŋaŋololin daadaŋ. Eokiyorete ŋinya ka ŋikito alomoru Karimel ka alo Basan, einiyarete ŋatur a Lebanon.

Mat. 14:30

Nai ani iŋolikini iŋes ekuwuam ekutunit, tobul, kisyak asipor, kiworou tema, “Ekapolon, toiunae!”

Mat. 8:25

Kiyotosi ŋikasyomak neni keŋ, kitekienyut iŋes temasi, “Ekapolon! Toiunae, edikino ikitwaki.”

Mar. 4:39

Tokienyu iŋes, kiretak ekuwuam, tolimok anam tema, “Todipakin! Kinapakin!” Todipakin ekuwuam, kililiŋ akwap cek.

Luk. 4:35

Kiŋenyak Yesu ekipye tema, “Kililiŋ, tolomu alokile a lo!” Toramak ekipye ekile ŋol kwap kidiŋ ŋituŋa, tolomu nai aneni keŋ, nyewana iŋes.

Luk. 4:39

Tolot Yesu towo alodiye ekitaada ŋolo ka aberu a ŋin, kiŋenyak elekes aesikin iŋes, toesik nai elekes iŋes atipei. Tonyou iŋes atipei, kisyak akisimuj ikes.

Luk. 5:5

Tolimok Simoni iŋes tema, “Eketataman, ikitiya isua akuwar kya, nai emam ibore ikikam ipei daŋ. Ani bo ca tokona kilimunit iyoŋ ikoŋina, acakakini ayoŋ ŋatibae nanam.”

Luk. 8:25

Kiŋit Yesu ŋikeekasyomak tema, “Ai eyai anupit kus?” Tobul ikes, toumokis kiŋitas make temasi, “Ŋae ekile lo ŋolo elimokini tari ekuwuam ka ŋakipi kiirasi iŋes lo?”