Luk. 8:15 - Ebaibul

¹⁵ Ŋikinyom ŋulu adoete nalup ŋuna ajokak erae ŋituŋa ŋulu iirarete akirot, kiricakis, tonupa a ŋitai a ŋulu ajokak ka totitinyikis akitodol ŋina erayata.

Luk. 8:15 Iomraidhean Croise

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋikiru. 51:10

Kiwuak tooma kaŋ etau ŋolo asegan, okoe Akuj, kikiteteu alotooma kaŋ etau ŋolo ikikinyomit iyoŋ

Ŋakit. 3:1

Ikaakoku, nyikimuryakis ŋakiro ŋuna eketatami ayoŋ iyoŋ, totamunite alotau kon ŋakiciketa kaŋ;

Yer. 15:16

Ibu iyoŋ kirwor ka abu ayoŋ opupok ŋakiro kon, apotu ŋakiro kon okoinakis ayoŋ alelyanu ka apotu toruwor ŋuna etalakarito etau kaŋ; anerae akanyaritae ayoŋ a ekiro kon, okoe Ekapolon Akuj ŋina a ŋajoresyo.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Yer. 32:29

Epote Ŋibabiloniyae ŋulu itijiete ŋituŋa a etaun a lo, inokakinete akim kicunyakis etaun, icunyarete ikes ŋakais ŋuna ainanakinere alokidiama kec ŋainanakineta neni a Baal ka ainanakinere ŋainakineta a ŋimaten neni a ŋakujo a ŋunace, ŋakiro ŋuna apotu eketoŋoa ayoŋ.

Mat. 24:13

Nai ŋini etitinyikini tari nasalunet, eiunio.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Luk. 6:45

Ituŋanan ŋini ajokan alotau keŋ, itiyae ŋakiro ŋuna ajokak. Ituŋanan ŋini aronon alotau keŋ, itiyae ŋakiro ŋuna aronok. Anerae irworo akituk ŋuna ilapun alotau.

Luk. 8:14

Ŋikinyom ŋulu adoete lokukwa, erae ŋituŋa ŋulu iirarete akirot; nai amitakinit ŋuna ka akwap ka ekibure ŋolo a ŋiboro daadaŋ elomunete tooma toridakis akirot ŋina ka Akuj nyera.

Luk. 8:16

“Emam ituŋanan inokakini etaa, tosodi tobuburik atuba kori kiwuak kwap ekitaada. Nai iwuakini iŋes neni ikeuna, ikotere kiteoto ŋituŋa daadaŋ elomarete kai.

Yoa. 14:15

“Ani kikiminasi iyes ayoŋ, iricakinete ŋakiciketa kaŋ.

Yoa. 15:10

Ani kiricakis iyes ŋakiciketa kaŋ, idoŋete namina kaŋ, ikwaŋina ericakinia ayoŋ ŋakiciketa a Papa kaŋ, edoŋitor namina keŋ.

Ŋirom. 2:7

Einakini Akuj akiyar ŋina nyedaun neni a ŋulu erubakinete itiyaete ŋuna ajokak, kiwarito akitopolooro ka akitojokyo aneni ka Akuj ka kiwarito akiyar ŋina nyedaun.

Ŋirom. 6:22

Nai tokona aŋuna ikilacakinere iyes anasecit ka iruworotor ŋipi ŋulu itiyaete aŋuna ka Akuj, iryamunete tokona iyes akiyar ŋina italakarit Akuj ka iryamunete moi akiyar ŋina nyedaun.

Ŋirom. 7:18

Ayeni ayoŋ atemar nyeyakasi ŋuna ajokak tooma kaŋ--iŋes atemar, alopite kaŋ a ŋolo araakar ituŋanan. Anerae tari keyai tooma kaŋ acamit akitiya ŋuna ajokak, nyapedorit akitiyakin.

Ŋirom. 7:4

Ikote iyes daŋ nenipei nen ŋikaitotoi kaŋ. Apaki ŋina iponiata iyes tomoryata atwanare a Kristo ipotu iyes tolacakinos aneni a Ŋikisila ka itwakito tokona alokiŋaren Ŋikisila. Irae iyes tokona ŋulu a Kristo a ŋolo aponi kiteyarunae alokatwak, ikotere itiyaete ŋuna ajokak aŋuna ka Akuj.

Ŋirom. 8:25

Nai ani kikigeno iwon ibore ŋini nyikite, ikidaruni iwon ibore ŋin ikititinyikinit.

1 Ŋikor. 7:19

Tari kileŋeritae ituŋanan kori kemam, erae ŋun ŋakoŋinae aneni ka Akuj, nai akiwuap Ŋikisila ŋulu ka Akuj iŋes epol.

Ŋiep. 2:8

Anerae erae aŋuna ka ajokis a ŋina ka Akuj ikiunere iyes, aiuno ŋina ipotu iyes toryamut ananupit kus.

Ŋikis. 30:6

“Nabo daŋ, ikiinakini Ekapolon iyes ka ŋiletok kus ŋitai ŋulu iwuapito ŋakiro keŋ, ikotere iminakinete iyes Ekapolon Akuj kus a ŋitai kus a daadaŋ ka a akiyar kus a daadaŋ ka toyara.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

Ŋikol. 1:6

Erubakinito Ŋakiro ŋuna Ajokak erayete ka epoloete ka ealakin nakwapin daadaŋ, lopite ŋolo etiyakinotor neni kus ameun akoloŋit ŋina iiraryata iyes ekiŋaren ŋuna ka ajokis a ŋina ka Akuj ka ipotu iyes toanyut epite ŋolo eyakatar ikes kire.

Ŋibur. 10:36

Itemokino totitinyikis, ikotere itiyaete ŋuna ecamit Akuj, ido tocamut ŋuna ikiikinit iŋes.

Ŋibur. 2:1

Aŋuna a ŋakiro a ŋun, itemokino ericakisi ejok ŋuna ikidau akiirar, ikotere nyikioliyo.

Yak. 1:4

Kituruwosi atitinyu kus ŋina itiyae, ikotere toruworos ŋulu iyookino ka ŋulu ilelebikina, tomam ibore ŋini icanasi.

1 Yoa. 2:3

Ikianyuni iwon kire atemar, ikiyeni iwon Akuj, erae kikiricak iwon Ŋakiciketa keŋ.